တိုင်းတပါးကို လာဖို့ အေးဂျင့်နဲ့ ဆက်မိသူများအတွက်ပါ..

မြန်မာ အမျိုးသမီးများအတွက် ကူညီဖြန့်ဝေပေးပါ

သူငယ်ချင်းတို့ တတ်နိုင်သလောက် ဖြန့်ဝေပေးကြပါ.. နောက်လူတွေ မမှားရအောင်လို့

SPass လား WP လား

မင်္ဂလာပါ မောင်နှမများအားလုံး စိတ်ချမ်းသာ ကိုယ်ကျမ်းမာကြပါစေနော်။

လွန်ခဲ့တဲ့ နှစ်ရက်လောက်က လေဆိပ်မှာဖြစ်ခဲ့တဲ့ အဖြစ်လေးကို မျှဝေသင့်တယ်
ထင်လို့ တင်လိုက်တာပါ။အဲဒိနေ့က ညီမလေးတစ်ယောက်
လေဆိပ်သွားကြိုပေးပါတယ်။အဲဒီညီမလေးက လောလောဆယ်မှာ Student pass
နဲ့နေနေတာပါ။အရင်က သူလေးလဲအိမ်တစ်အိမ်မှာ 18
လကြာနေခဲ့ဘူးပါတယ်။သူမွေးနေ့လေးမို့ ကုသိုလ်လုပ်ချင်လို့ အဲဒီနေ့မှာ
ပထမဆုံးအကြိမ် လေဆိပ်ကို တစ်ယောက်ထဲသွားကြိုပေးတဲ့နေ့ပေါ့။

သူရောက်ပြီး သိပ်မကြာဘူး မေလေးဆီဖုန်းဆက်လာပါတယ်။လေဆိပ်မှာ ပြသနာတက်လို့
လိုက်ခဲ့ပေးပါဆိုလို့ မေလေးချက်ချင်းလိုက်သွားတော့
ဟိုမှာပြသနာကတော်တော်ကြီးနေပြီ။

အစ်မတစ်ယောက် ရန်ကုန်ကအေးဂျင့်က S-pass ဆိုပြီး စာရွက်စာတမ်းအတုနဲ့
လွတ်လိုက်တယ်။ဒီရောက်တော့ အေးဂျင့်က Meeting Service
ကတဆင့်ကြိုခိုင်းထားတော့ Maid permit ဖြစ်နေတယ်။

အဲဒီအစ်မက ရန်ကုန်ကနာမည်ကြီး ကုမ္ပဏ်ီတစ်ခုမှာ တစ်လကို ၂
သိန်းနဲ့လုပ်နေရာက သူများအဆွယ်ကောင်းလို့ စင်ကာပူ လာခါမှ
အလိမ်မိတာလေ။အီးလဲတော်တော်ကောင်းသလို ထက်လဲထက်မြက်တဲ့မိန်းမ
တစ်ယောက်ဆိုတော့ အေးဂျင့်ကို တစ်ခွန်းမကျန် ပြန်ပြောတော့ အေးဂျင့်က
ပါးရိုက်လို့။

အမှန်က အေးဂျင့် မဟုတ်သေးပါဘူး။လာကြိုတဲ့သူအများစုက အေးဂျင့်ဆီမှာ
အလုပ်လုပ်နေတဲ့ ဒါရိုက်ဘာအဆင့်လောက်ဘဲရှိတဲ့သူတွေပါ။
လေဆိပ်တစ်ရက်လောက်သွားကြိုကြည့်ကြပါ။ ဒီကောင်တွေ
ဘယ်လောက်မိုက်ရိုင်းလဲသိရအောင်။

ခုမှလာခါစ ဆိုပြီး မြန်မာမိန်းကလေးတွေဆို ဘာမှတ်နေလဲမသိဘူး
နှိမ်မှနှိမ်။ရောက်ခါစ အစ်မတွေ ညီမလေးတွေ
တကယ်ကိုသနားဖို့ကောင်းတယ်။အမြဲဘဲမျက်ရည်လေး စမ်းစမ်းနဲ့ တကယ်ကို သနားစရာ
ကောင်းပါတယ်။

မေလေးလဲအဲဒီအစ်မကို သေချာရှင်းပြပါတယ်။ အစ်မအခုချိန်မှာ အစ်မလုပ်နိုင်တာ
သုံးလမ်းရှိတယ်။ တစ်က အစ်မလှည့်ပြန်သွားပါ။ဒါဆိုရင်တော့ အစ်မ အေးဂျင့်ကို
၁၅၀၀ လျှော်ရပါလိမ့်မယ်။
စာချုပ်ရှိလို့ပါ။လေယာဉ်ခလဲကိုယ်ဘာသာကိုပေးရမှာပါ။ဒီနည်းလဲသူမကြိုက်ပါဘူး။
ရန်ကုန်မှာပေးခဲ့တဲ့ အေးဂျင့်ခက လေယာဉ်လက်မှတ်ဖိုးမပါ ၄၃သိန်း
အကျေပေးခဲ့ရတယ်။အဲတော့သူခမျာ ဘယ်လိုလုပ်ထပ်ပေးချင်မလဲ။

နှစ်က အခုလောလေဆယ် အေးဂျင့်နဲ့လိုက်သွားပြီး အိမ်တစ်အိမ်မှာ
ခဏလုပ်ပါ။နောက်မှကြိုးစားရုန်းထွက်ပေါ့။ ဒီလိုလဲသူလက်မခံနိုင်ပါဘူး.။
တစ်သက်လုံးအိမ်ဖော်နဲ့နေလာတာတဲ့။အိမ်အလုပ်မလုပ်ဖူးဘူးတဲ့။ဒီတော့
ဒါလဲသူပယ်တယ်။

နောက်ဆုံးအချက်က ရဲစခန်းကိုခုချက်ချင်းသွားပြီးအမှုဖွင့် ပြီးရင် MOM
မှာသွားနေပေါ့။ဒါဘဲသူရွေးချယ်တော့ အေးဂျင့်ကိုပြန်လွှတ်လိုက်ပြီး
သူကိုရဲစခန်းခေါ်သွားပေးရတယ်။

လမ်းမှာလဲသေချာပြောပြရသေးတယ်။ လောလောဆယ် MOM မှာမေလေးတိုင်ထားပေးတာ ၅
ယောက်ရှိပါတယ်။အခုထိအမှုက မပြီးသေးဘူး။ တစ်ယောက်ဆို ကလေးတောင် ၃ လရှိပြီ။
အိမ်ရှင်စော်ကားလို့ တိုင်ထားတာပါ။တကယ် သနားစရာကောင်းပါတယ်။အသက်က ၂၁
ဘဲရှိပါသေးတယ်။သူလေးဘဝကိုစဉ်းစားကြည့်ကြပါအုန်း။

အဲဒီညီမလေးနဲ့ မေလေးသိတဲ့အချိန်မှာ ကိုယ်ဝန်က ၄ လကျော်နေပါပြီ။

ကိုယ်ဝန်ရှိနေတာကို အဲဒီညီမလေးကိုယ်တိုင်မသိလိုက်တာလေ။အခုတော့
ကလေးတစ်ယောက်နဲ့ အမှုကမပြီးသေးဘူးလေ။

ခုနအစ်မအကြောင်းဆက်ရအောင်။ သူကိုရဲစခန်းမှာ အမှုဖွင့်ပေးတော့
ထုံးစံအတိုင်းမေလေးကသက်သေပေါ့။ သက်သေဆိုတာ နောက်ရုံးချိန်းရှိတိုင်း
ခေါ်ရင်သွားရပါတယ်။ ဒီမှာလဲ မြန်မာပြည်မှာလိုပါဘဲ။ ရုံးချိန်းကခဏခဏ။

ရဲစခန်းကနေမှ တဆင့် punggol မှာရှိတဲ့ MOM ကိုလိုက်ပို့ခဲ့ပါတယ်။
ဘာတွေဆက်ဖြစ်လာမလဲဆိုတာတော့ မသိသေးပါဘူး။သူကိုလိမ်လိုက်တဲ့ S-pass
appproval letter က မေလေးစစ်ကြည့်တော့ တကယ်ရှိပါတယ်။သူနာမည်တော့မဟုတ်ဘူး။

နာမည်နဲ့ မွေးသက္ကရာဇ် ကို အစားထိုးပြီးလွှတ်လိုက်တာလေ။

မေလေးသတိပေးချင်တာ နောက်ဆို ဘယ်အေးဂျင့် မှမယုံပါနဲ့။
ကိုယ်တိုင်သေချာစစ်ခဲ့ပါ။ S-pass တကယ်ကျမကျ
စစ်လို့ရပါတယ်။အေးဂျင့်နဲ့မလုပ်နဲ့မဟုတ်ပါဘူး။ လုပ်ပါ။အေးဂျင့်တွေကလည်း
ထိုက်တန်သလောက် ယူပြီးရင် မလိမ်ပါနဲ့ရှင်။ ဘဝတစ်ခုပျက်မှထမင်းစားမဲ့အစား
အငတ်ခံလို်က်တာပိုကောင်းတယ်လို့ မေလေးတော့ယူဆတယ်။ တကယ်ကိုဘဝပျက်သွားတဲ့
မိသားစုတွေအများကြီးရှိပါတယ်။

အေးဂျင့်နဲ့ ရန်ကုန်ကနေဘဲအပ်အပ် ဒီကိုအလည်နဲ့လာပြီးမှဘဲအပ်အပ်
ပိုက်ဆံအကုန်မချေပါနဲ့။ သူတို့ဘယ်လိုပြောပြော စရန်ကလွဲရင်
မပေးထားပါနဲ့။တကယ် approve ဖြစ်မှပေးပါ။ အပ်ထားပြီးသိပ်မကြာဘူး
သူတို့ကသူဌေးနဲ့လဲတွေ့ပေးပြီးပြီ။ အလုပ်လဲအိုကေလို့
တင်မယ်ဆိုတခါထဲမေးထားပါ။ကိုယ် အရည်အချင်းကိုသူဌေးကတကယ်ကြိုက်လို့
တင်တာလား။သိပ်မကြိုက်ဘူးဆိုရင် နောက်အလုပ်ရှာခိုင်းပါ။အားနာစရာလုံးဝမလိုပါဘူးး။

အားနာနေရင်ကိုယ်ခံသွားရမယ်လေ။ အေးဂျင့်နဲ့ သူဌေးနဲ့ပေါင်းပြီးလုပ်တာတွေ
များနေလို့ပါ။ ဥပမာ..အေးဂျင့်ခ ၃၀၀၀ ယူတယ်ထား၊သူဌေးကို ၁၅၀၀
ပေးမယ်။S-pass လျှောက်ပေးမယ်။ကျလဲကျတယ်။ တစ်ပတ်လောက်၊တစ်လလောက်ဆို သူဌေးက
မကြိုက်ဘူးဆိုပြီး ဖြုတ်လိုက်မယ်။
အေးဂျင့်ကသူနောက်အလုပ်ရှာပေးမယ်ဆိုပြီး နောက်ထပ် ၁၀၀၀ သို့မဟုတ်
၂၀၀၀ထပ်တောင်း။အလုပ်ရ၊သူဌေးကထပ်ဖြုတ်၊ အဲလိုတွေ
အပြင်မှာ တကယ်ဖြစ်နေလို့ပါ။

အဲဒီတော့ တစ်ခါထဲအေးဂျင့်ကိုမေးပါ။ အစမ်းခန့်က ဘယ်နှစ်လလဲ။တကယ်လို့
ကိုယ်အရည်အချင်းကြောင့် မဟုတ်ဘဲ သူဌေးကသက်သက်အလုပ်ဖြုတ်ရင်
ဘယ်လိုလုပ်ပေးမှာလဲ၊တခါထဲမေးထားပါ။

အေးဂျင့်ကတင်လိုက်ပြီ ဆိုရင် အွန်လိုင်းကတင်ရင်
ဒီနေ့တင်မနက်ဖြန်သိ၇ပါတယ်။ စာတိုက်ကတင်ရင်တော့ ၁ ပတ်လောက်ဆို Fin
နံပါတ်ထွက်လာပါတယ်။ ဘာနဲ့ဘဲတင်တင် အေးဂျင့်ဆီက Fin နံပါတ်တောင်းပါ။

ပြီးရင် www.mom.gov.sg ကိုသွားပါ ။ညာဘက်အောက်နားလေးမှာ အနီရောင်
အကွက်လေးရှိပါတယ်။ ------I want to ---------- ဆိုပြီးရေးထားတယ်။
ကလစ်နှိပ်လိုက်ရင်စာတန်းလေးတွေထွက်လာပါလိမ့်မယ်။

အဲဒီထဲကမှ ၇ ကြောင်းမြောက်မှာ Check my Employment pass/S pass
application Status ဆိုတာကိုနှိပ်လိုက်ပါ။

နောက်ထပ် window ပေါ်လာလိမ့်မယ်။ အဲကျရင် ကိုယ်နာမည်ရယ်၊မွေးသက္ကရာဇ်၊ခုန
ပွဲစားဆီကမေးထားတဲ့ Fin နံပါတ်ရယ် ရိုက်လိုက်ရင် ဘယ်နေ့မှာတင်ထားတယ်။

တင်ထားတဲ့နံပါတ်ကဘယ်လောက်၊ကျပြီလား မကျသေးဘူးလား၊အကုန်ပေါ်လာပါလိမ့်မယ်။

သိပြီးသားလူတွေအတွက်တော့ ဆောရီးပါ။မသိသေးတဲ့သူတွေ
အတွက် အသေးစိတ်လေးရေးလိုက်မိတာပါ။

မောင်နှမများအားလုံးအလိမ်ခံခြင်းမှကင်းဝေးကြပါစေ။

Ref::::forward mail ကရလို့ ..
အားလုံးကိုခင်မင်လေးစားလျှက်.........
ဆက်လက်ဖြန့်ဝေပေးပါ...
(ရနံ့ချို)

ရွာပြန်စဉ် ကြော်ငြာဆိုက်ကားတစ်စီးနဲ့ အရင်ရောက်နေတဲ့ စူပါမင်းသမီးလေး ဖတ်ဖို့

ကျွန်တော်ဟာအော်သံ မရှိတော့တဲ့ လော်စပီကာလိုပဲ
နောက်မှာ ဖြုတ်ထားတဲ့ ယူနစ်က
အသည်းနှလုံးလေလား

မြေသြဇာမပါဘဲ စိမ်းလန်းကြည့်ကြပါ
အတောင်ပံတပ်ထားတဲ့ ဆေးရောင်တွေဟာ
နေပြင်းပြင်းထဲ စိုက်စိုက်ကျလာတယ်

ဂျစ်ဂျစ် ဂျစ်ဂျစ်နဲ့ ရေဒီယို
ဓာတ်ခဲကပဲ အားလျော့သလား
လေကပဲ အားလျော့သလား
လူကပဲ အားလျှော့သလား
ကျွန်တော့ရွာ ချောင်းလေးက
သောင်ပြင်မှာ လမ်းပြန်လျှောက်ကြည့်တော့
နံနက်ခင်းကလည်း လျော့လျော့
ရေစီးအားကလည်း လျော့လျော့
ဒါနဲ့
စိတ်တစ်ခုလုံးကို လှည်းကျင်းလိုက်ရတယ်
ကမ္ဘာကြီးတောင် သံသရာနဲ့
တပ်ဆင်ထားခြင်း ခံနေရတာပဲ

ဂျုံးဂျုံး ဂျက်ဂျက် ဖြတ်သွားတဲ့
တံတားကြီး အောက်မှာ
ပဲခင်း၊ င်္ကြပင်၊ ရိုးပြတ်၊ ကိုင်းတော၊ ပုစဉ်းရင်ကွဲများ
မိတ်ကပ်မုန်တိုင်းကြားထဲက
ဓားသန်လျက်မလေးရေ
လွမ်းလိုက်တာ ပုစဉ်းရင်ကွဲကောင်လို
ပုစဉ်းရင်ကွဲကောင်လို တစ်ယောက်တည်း
ရွာမှာ
လွမ်း..လိုက်..တာ။

စောဝေ

သီတင်းကျွတ်လပြည့်နေ့ ၂၀၁၀

ဗုဒ္ဓဘာသာဝင်တိုင်း အတွက်အလွန်တန်ဖိုးရှိပြီး သိသင့် သိထိုက်တာတွေပါ... အချိန်မရရင်တောင်မှ အပိုင်း (2) ရဲ့ နောက်ဆုံး 1/3 ကို နာယူကြည့်ပါ..

http://dhammadownload.com/MP3Library/AshinZawana/DVD/013-Mp3-7/007-AshinZawana.mp3

http://dhammadownload.com/MP3Library/AshinZawana/DVD/013-Mp3-7/008-AshinZawana.mp3

ဒီနေ့ နေထိုင်တဲ့ အရပ်မှာလည်း မိုးတွေ သည်းလိုက်၊ ခြိမ်းလိုက်တာ ... မနက်ကတော့ နေပွင့်လို့ အ၀တ်တွေ လျှော်ပြီးလှန်းတော့ နေပူတာများ ခေါင်းတောင်မှ မူးနေသေးတယ်.. သီတင်းကျွတ်လပြည့်နေ့က ရုံးပိတ်ရက်နဲ့ တိုက်ဆိုင်နေတော့ မနက်ကို ဘုရားဆွမ်းတော်ကပ် ပြီး အမျှဝေ၊ တရားနာဖြစ်ပါတယ်..။ မှတ်မှတ်ရရ ဒီနေ့ ကျွန်တော့်အဖွား ရဲ့ မွေးနေ့ပေါ့။ သူရှိတုန်းကတော့ ဒီလိုနေ့ ဒီလိုညတွေက ကျွန်တော်တို့အဖွားအိမ်မှာ မိသားစုတွေ အကုန်ဆုံဖြစ်ကြတဲ့နေ့လေးပေါ့။ ကျွန်တော်တို့ကလေးတွေကတော့ အဖိုးနဲ့ အဖွားကိုကန်တော့ပြီးရင် အဖွားရဲ့ ချွေးခံအိတ်လေးထဲက ထွက်လာမယ့် မုန့်ဖိုးကို မှန်းဆပြီး ပျော်နေတတ်တယ်... အဲ့လိုညတွေ အိမ်မှာလူဆုံကြတော့ အရမ်း ကို ပျော်ဖို့ကောင်းတာပါ.. ။ အဖွားနဲ့ အဖိုးလည်း ကျေနပ်တဲ့ အပြုံးလေးတွေကိုယ်စီနဲ့ပေါ့။

အော် အရင်က ဒီလိုနေ့တွေမှာ ကျွန်တော်သိပ်ကိုပျော်ခဲ့ရတာ... အိမ်နဲ့မလှမ်းမကမ်းက သဲချောင်းထဲက သဲတွေကို အိမ်နီးချင်း သူငယ်ချင်းတွေနဲ့ အတူသွားသယ်တယ်... သဲပုံစေတီတည်ဖို့လေ..။ ပြီးရင် အဖွားရဲ့အကူအညီနဲ့ ကျွန်တော့ သဲပုံစေတီလေးက သပ်ရပ်နေတာပဲ...။နေ့ခင်းလောက်ကတည်းက ဈေးသည်တွေဆီကနေ အဖွား ၀ယ်ပေးထားတဲ့ ကြာပန်းလေးတွေက ရေစိမ်ထားတော့ လန်းနေတာပဲ။ ပန်းအိုးလေးနဲ့ထိုးပြီး အလှဆင်တတ်သေးတယ်...ပြီးရင် အိမ်နားလေးကနေ စုပြီးခူးထားတဲ့ ပန်းပွင့် သေးသေးအရောင်စုံလေးတွေနဲ့ သဲပုံစေတီလေးကို အလှဆင်..ဆီမီးလေးတွေကို ပူဇော်ပြီးရင် ထိုင်ကန်တော့...။ လာလည်ကြည့်တဲ့ သူငယ်ချင်းတွေနဲ့လည်း အတူရှိခိုးကြ၊ အဖွားသုတ်ပေးတဲ့ ဂျင်းသုတ်ကျွေးနဲ့ ပျော်နေတာပဲ။ အိမ်နဲ့မလှမ်းမကမ်းကနေ ကိုယ့်စေတီလေးကို ကိုယ် လှမ်းလှမ်း ကြည့်ပြီး ပီတိဖြစ်ရတာလည်း အမောပါပဲ။ ပြီးရင် သီတင်းကျွတ်ကျောင်းမပိတ်ခင်ကတည်းက အဖေ၀ယ်ပေးထားတဲ့ မီးရှူးမီးပန်းတွေ (အဲ့ဒါတွေက အဖွားပဲ သိမ်းထားတာပါ...) ကို ပျော်ပျော်ကြီး လွှတ်တော့တာပဲ...ပြီးရင် အိမ်နားက ကလေးတွေနဲ့ မီးသရဲ လုပ်ကြသေးတာ။ ဖယောင်းညှော် မိလို့ အကဲလွန်တာ သီတင်းကျွတ်ပြီးတိုင်း ကျွန်တော် ဖျားလေ့ရှိတယ်.. ။ ညနက်အထိ အဖွားနဲ့အတူ အိမ်ရှေ့ ၀ရန်တာလေးမှာ ဆီမီးတွေ ထွန်းပြီး မြတ်စွာဘုရားရှင် လူ့ပြည်ပြန်ကြွတာကို ကြိုမိတာတွေ...အဲ့လိုအချိန်မှာ အဖွားပြောပြတဲ့ ဘုရားသမိုင်းတွေ.... အဖွားရဲ့ ကိုယ်ငွေ့နွေးနွေးကို ခိုပြီး ကျွန်တော်နားထောင်ခဲ့တယ်...ကျွန်တော့ပါးပြင်တွေ အေးစက်နေလို့ အဖွားမြည်တွန်ပြီး အတင်း အိမ်ထဲဝင်ခိုင်း အိပ်ခိုင်းမှ အိပ်ဖြစ်တာ... ။ အဲ့လိုညတွေ ဖယောင်းညှော်ဒဏ်၊ အအေးမိတာနဲ့ အကဲလွန်လို့ နှာတွေစီး... ခေါင်းတွေကိုက်ပြီး အိပ်ခဲ့ရတာပေါ့...။သိပ်ကို ကျေနပ်ပျော်ရွှင်ဖို့ကောင်းတဲ့ ညတွေ...အရမ်းကို နွေးထွေးလုံခြုံပြီး နေပျော်ခဲ့ရတဲ့ ကျွန်တော့်ရဲ့ ညတွေပေါ့...။

အို.... အဲ့လိုညတွေ ကျွန်တော်အဖို့တော့ ပြန်ရဖို့ ဝေးခဲ့ပြီဆိုတာ... နှစ်ဖက်အဖိုးအဖွားတို့ မရှိကတည်းက သိပါတယ်...။ သူတို့နဲ့ အတူနေတဲ့ ကျွန်တော့်အဖို့တော့ တခြားမြေးတွေထက် ပိုခံစားရပါတယ်..။ ဒီနေ့ည အဖေနဲ့အမေဆီဖုန်းဆက်ဖြစ်တော့လည်း အဖေ့ကို မေးရတယ်.. အဖွားမွေးနေ့ကို မှတ်မိလားလို့။ ပြောမယ့်သာပြောတာပါ.. အဖေနဲ့အမေလည်း တစ်ကွဲစီ ရောက်နေကြတဲ့ သားသမီးတွေကို အမှတ်ရနေတာပဲဆိုတာ....။ ဒီနေ့လို လူကြီးတွေကို သွားကန်တော့ခဲ့တဲ့ အဖေနဲ့အမေ အသိဆုံးပဲလေ...။ ဖုန်းခေါ်ရတာခက်လိုက်တာမှတ်တယ်..။ ကျောက်ပန်းတောင်းမှာလည်း မုန်တိုင်းဒဏ်နဲ့ မြို့ထဲ အပင်ကြီးတော်တော်များများ လဲနေတယ်တဲ့။ ဓာတ်ကြိုးတွေ ပြတ်ကုန်လို့ မီးတောင် သုံးရက်လောက် ပျက်မယ်တဲ့။ ဖုန်းလိုင်းတွေလည်းနေရာအများအပြားမှာ ပြတ်နေပါတယ်။လွမ်းတာတော့ လွမ်းတာပေါ့။ သတင်းလေးတစ်ခု ကျောက်ပန်းတောင်းအသင်း ကနေတွေ့လို့ ဆွဲလာတယ်.. ဒီမှာဖတ်ကြည့်ကြပါနော်...။

မနေက တနေ့လုံး ရခိုင်ပြည်နယ်ကို ၀င်မွှေနေတဲ့ ဂီရိဆိုင်ကလုန်းဟာ ဒီနေ့မှာတော့ အားလျော့လာပြီး မနက် ၅ နာရီမှာ မုန်တိုင်းငယ်အဖြစ်နဲ့ မန္တလေးတိုင်းကို ၀င်နေပြီလို့ သိရပါတယ်။

ဒေါက်တာထွန်းလွင်ရဲ့ ခန့်မှန်းချက်အပြည့်အစုံကို ဖော်ပြပေးလိုက်ပါတယ်

မနေ့ညက Category II ရှိတဲ့ ဆိုင်ကလုန်းမုန်တိုင်းကြီး GIRI ဟာ ညက အရှေ့မြောက်ဖက် ယွန်းယွန်းကို ရွေ့လျားလmရင်းနဲ့ အားလျော့လာခဲ့ကာ ဒီကနေ့ (၂၃-၁၀-၂၀၁၀) နံနက်(၅)နာရီမှာ မြန်မာနိုင်ငံအလယ်ပိုင်း မန္တလေးတိုင်းအတွင်းကို ရောက်ရှိနေပါတယ်။
(၂၃-၁၀-၂၀၁၀) ရက်နေ့ နံနက်(၅)နာရီအချိန်မှာ အောက်ပါ အတိုင်းသုံးသပ်ရပါတယ်။ (၁) GIRI ဟာ အာလျော့သွားခဲ့ပါတယ်။ (၂) ကုန်းတွင်းကိုလည်း ၀င်ရောက်ခဲ့ပါတယ်။ (၃) ပျက်ပြယ်သွားခြင်းမရှိဘဲ ကုန်းတွင်းမုန်တိုင်းငယ်အဖြစ် ဆက်လက်တည်ရှိနေပါတယ်။ (၄) မနက်(၅)နာရီမှာ 20.5°N 94.5°E မန္တလေးတိုင်း အလယ်လောက်မှာဗဟိုပြုနေပါတယ်။ (၅) လေတိုက်နှုန်း တစ်နာရီ(၃၀-၃၅)မိုင်နှုန်း လောက်တိုက်ခတ်နိုင်ပြီး တစ်ခါတစ်ရန် တစ်နာရီ(၄၀-၄၅)မိုင်နှုန်းလောက်အထိရှိနိုင်ပါတယ်။ (၆) အရှေ့မြောက် ယွန်းယွန်းကို ဆက်ရွေ့ရင်းနဲ့ ဒီကနေ့ညနေလောက်အထိ ဆက်လက်တည်ရှိနိုင်ပါတယ်။ (၇) တဖြည်းဖြည်း အားလျော့သွားနိုင်ပါတယ်။ (၈) ရခိုင်ပြည်နယ်မှာ မိုးတိမ်တွေရှိနေဆဲဖြစ်ပါတယ်။
အဲ.. ကုန်းထဲရောက်ပြီးနောက်ထပ်တစ်ရက်လောက် (၂၃-၁၀-၂၀၁၀)ညနေအထိ ရှိနေဦးမှာမို့ ကုန်းတွင်းပိုင်းဒေသတွေ (မကွေးတိုင်း၊ စစ်ကိုင်းတိုင်း၊ မန္တလေးတိုင်း)မှာ မိုးတော့ရွာဦးမယ်လို့ ခန့်မှန်းကြောင်းပါဗျာ။
MCCW
Updated on 23-10-2010 at 06;30 MST)

ဒေါက်တာထွန်းလွင်ရဲ့ ခန့်မှန်းချက်အတိုင်းသာဆိုရင် မကွေး ၊ မန္တလေးနဲ့ စစ်ကိုင်းတိုင်း ဒေသအတွင်းရှိ ပြည်သူတွေ အထူးသတိရှိ ပြင်ဆင်ထားဖို့ လိုအပ်ပါတယ်။

ကဲ အားလုံးလည်း သီတင်းကျွတ်နေ့ထူးနေ့မြတ်လေးမှာ ပျော်ရွှင်နိုင်ကြပါစေ... အပျိုိကြီး၊ လူပျိုကြီးများလည်း ပျော်ရွှင်နိုင်ကြပါစေလို့ ဆုတောင်းပေးလိုက်ပါတယ်...

ချစ်တဲ့

(ရနံ့ချို)

ယောင်္ကျားလေးများသိသင့်ပါတဲ့ အချက်

ကဲ ကဲ .... ဒီနေ့မှာ မမကြီးတစ်ယောက်ဆီကနေ မေးလ်တစ်ခုရလိုက်တယ်... သိသင့်တယ်ထင်လို့ သိစေချင်လို့ ဝေမျှလိုက်တယ်... မိန်းကလေးတွေရဲ့ခံစားချက်ဆိုတော့ မိန်းကလေးတွေ တော်တော် သဘောတူညီချက်ရထားတဲ့ တူညီအချက်တွေပါ... ယောက်ျားလေးတွေဘက်ကလည်း ကိုယ့်ချစ်သူ စိတ်တိုင်းကျ ဖြစ်အောင် သိထားရတာပေါ့နော်...။ဖတ်ကြည့်ကြရအောင် နော်...

၁။ ငါငိုရင် နင်မှားတယ်မမှားတယ်ဆိုတာကို ထားလိုက် ယောင်္ကျားလေးပီပီ အရင်လာချော့ပါ။
၂။ စက္ကန့်တိုင်း မင်းကို သတိရနေမှာမဟုတ်ပါဘူး။ မင်းနဲ့အတူတူလောက်ပါပဲ။
၃။ ကောင်လေးချောတာလေးတွေတွေ့ရင် ငါတို့လဲ ကြည့်ချင်တာပေါ့။
၎။ ငါမင်းကို ရစ်နေတယ် ရှုပ်နေတယ် ဆိုတာကလဲ မင်းကို ဂရုပိုစိုက်စေချင်လို့ပါ။
၅။ မင်းချမ်းသာဖို့မလိုပါဘူး ဒါပေမဲ့ ချမ်းသာတဲ့သူ ဖြစ်ရမယ် ဆိုတဲ့
ရည်ရွယ်ချက်ရှိရင် လုံလောက်ပါပြီ။
၆။ တခါတလေ အပြင်သွားရင် သပ်သပ်ရပ်ရပ်လေးတော့ ၀တ်လာမှပေါ့။
၇။ ငါကလဲ အချောဆုံး အလှဆုံးမဟုတ်ပါဘူး။ ဒါပေမဲ့ ငါ့ကို လှတယ်
ချစ်ဖို့ကောင်းတယ် နူးညံ့သိမ်မွေ့တယ်လို့ ပြောတာတော့ ကြားချင်တာပေါ့။
၈။ ငါဆံပင်ကေပြောင်းတာ၊ မျက်လုံးအရောင်ခြယ်တာ၊ ဆံပင်အရောင်ပြောင်းတာ၊
ဖိနပ်အသစ်ဝတ်တာတွေ ကို မင်း သတိထားမိစေချင်ပါတယ်။
၉။ အသိအမှတ်ဖြစ်တဲ့ရက် မွေးနေ့တွေကို မင်းသိရမယ်။
၁၀။ ငါရဲ့ကိစ္စတွေအားလုံးကို မင်းကို ဝေမျှချင်တယ်။ ငါဘာကို လိမ်းထားတာ
အလှပြင်တဲ့အကြောင်းပြောရင် နားမလည်နေရင်တောင် နားထောင်စေချင်ပါတယ်။
၁၁။ တခါတလေ အိပ်ခါနီး ဖုန်းလေး တချက်လောက်ဆက်ပါလား။ ဖုန်းပြောပြီးမှ
မင်းအိပ်သွားတာကလဲ ငါတို့ ကြည်နူးစရာပါ။
၁၂။ မင်းချောဖို့မလိုပါဘူး။ သန့်နေရင် သပ်သပ်ရပ်ရပ် နဲ့
ကိုယ့်စတိုင်လ်နဲ့ ကိုယ် နေပါ။
၁၃။ ငါလဲ ဒေါသထွက်တက်တာပေါ့။ အဲလိုဆိုရင် တလမှာ ၃ရက်လောက်တော့ ခွင့်လွတ်ပါ။
၁၄။ ငါက မင်းလျှပ်စစ်ပစ္စည်းတွေအားလုံးကို မင်းပြင်တတ်တယ်
ကျွမ်းကျင်တယ်လို့ ယူဆထားမယ်။ ဒါကလဲ မသိရင်တောင် သွားပြင်ဖို့
နေရာလေးတော့ လိုက်ပို့ပြီး အဆင်ပြေအောင် လုပ်ပေးပါဆိုတဲ့ သဘောပါ။
တနည်းပြောရရင် အားကိုးတာပေါ့။
၁၅။ တချို့တွေကို ငါလဲလုပ်တတ်ပါတယ်။ ဒါပေမဲ့ မင်းလုပ်ပေးတာကို လိုချင်လို့ပါ။
၁၆။ မင်းဘယ်နေရာမှာ ဘယ်သူနဲ့ ဆိုတာတွေကို ဖုန်းဆက်ပြီးပြောပြပါ မင်းရဲ့
အရိပ်လိုသိနေချင်ပါတယ်။ တဆင့်စကားကနေကြားရင်
မိန်းကလေးဆိုတဲ့အတိုင်းအားငယ်တယ် စိတ်ဆိုးတတ်တယ် ပြီးရင် ၀မ်းနည်းနေမယ်။
၁၇။ ငါဖုန်းကို ဒီတိုင်းချလိုက်ရင် မင်းချက်ချင်းဖုန်းပြန်ဆက်ပါ……
၁၈။ မင်းဗိုက်ခေါက်ရှိတာကို ငါမပြောပါဘူး ဒါပေမဲ့ အရမ်းတော့ မ၀စေနဲ့။
ငါ့ထက်လဲ မပိန်စေနဲ့။
၁၉။ ကြွက်သားတွေနဲ့ ဗလတွေနဲ့ က ခုခေတ်မိန်းကလေးတွေရဲ့အကြိုက်မဟုတ်ပါဘူး။
ရွံစရာကောင်းပါတယ်။
၂၀။ မင်းမှာ ဆိုးတဲ့အပေါင်းအဖော်တွေရှိရင် ငါ မပေါင်းစေချင်ပါဘူး။
သူတို့လို မင်းဆိုးမှာစိုးလို့ပါ။
၂၁။ ငါ့သူငယ်ချင်းတွေကို လဲ မင်းလက်ခံနိုင်အောင်ကြိုးစားပါ။
၂၂။ ငါထမင်းဟင်းတွေချက်ကျွေးရင် စားပဲမစားနဲ့ ကောင်းတယ်တော့ တခွန်းလောက်ပြောမှပေါ့။
၂၃။ စာရေးတာ ပုံဆွဲတာ အားကစားတခုခု သီချင်းဆိုတာ တို့ကို
မင်းတခုလောက်တော့ တတ်သင့်တယ်။ ဂိမ်းကစားတာမပါ။ တခုလောက်ကကျွမ်းကျင်နေပြီး
ကျန်တာတွေကို သိသင့်သလောက်သိရမယ်။
၂၄။ ငါ့အလုပ်ကို လေးစားရမယ်။
၂၅။ gentle man ဆိုတာအထက်စည်းကနေရမယ်လို့ မဆိုလိုဘူး။
၂၆။ နူးညံ့သိမ်မွေ့တယ်ဆိုပေမဲ့ ကိုယ်တိုင်ဆုံးဖြတ်နိုင်တဲ့အရည်အချင်းရှိပါတယ်။
၂၇။ ငါထမင်းချက်ပြီးရင် ပန်းကန်ဆေးဖို့ပြင်ထားပါ။
ငါတံမြက်စည်းလှည်းပြီးရင် ကြမ်းတိုက်ဖို့ပြင်ထားပါ။
၂၈။ မင်းအလုပ်ကြိုးစားတာကို ငါသဘောကျတယ်။ ဒါပေမဲ့လဲ ငါ့ကိုတော့ အဖော်ပြုအုံး။
၂၉။ ငါက ဘယ်ကို သွားမလဲလို့မေးရင် ကြိုက်တဲ့နေရာသွားလို့မပြောပါနဲ့။
အဲဒါက အလိုလိုက်တာမဟုတ်ဘူး ငါနဲ့ ချိန်းတွေ့တာ စိတ်မပါသလို
ငါခံစားရလို့ပါ။
၃၀။ ငါကသာ ပိန်အောင်အစားလျော့မယ်လို့ပြောရင် ငါလုံးဝမ၀ဘူး အစားမလျော့နဲ့
မင်းလေးကိုချစ်နေမှာပါပဲ ဆိုတဲ့ စကားကို ကြားချင်လို့ပါ။
၃၁။ မိန်းကလေးသူငယ်ချင်းတွေကို ရင်းရင်းနှီးနှီးသိပ်မဆက်ဆံပါနဲ့။
ချစ်သူရှိကြောင်းပြောပြီး စည်းလေးတခုနဲ့နေပါ။ မိန်းကလေးတယောက်က
အရှက်သိက္ခာနဲ့ လူလုပ်နေတာပါ။
၃၂။ ငါမှာ ယောင်္ကျားလေးသူငယ်ချင်းတော့ ရှိသင့်တာပေါ့။ မိန်းကလေးတွေက
အချစ်နဲ့ ခင်မင်မှုကို စည်းနဲ့မဟုတ်ပါဘူး။ တံတိုင်းနဲ့ကို ခြားထားတာပါ။
၃၃။ ငါကတော့ မင်းနဲ့ သိတဲ့ မိန်းကလေးတွေအားလုံးကို အဘွားကြီး အဒေါ်ကြီး
ဒါမှမဟုတ် ရုပ်ဆိုးတဲ့ ရွယ်တူကောင်မလေးပဲ ဖြစ်စေချင်တယ်။
၃၄။ မင်းရဲ့ အရင်ရည်းစားတွေအကြောင်းအားလုံးကို သိချင်တယ်။ အသေးစိတ်ကို သိချင်တာ။
၃၅။ ငါလဲ ရည်းစားဟောင်း အချစ်ဦး ကြိုက်ခဲ့တဲ့ မင်းသား ကိုတော့
တခါတလေသတိရမိတာပေါ့။ ကလေးတုန်းကမို့ သတိရပြီး သဘောကျမိတာပါ။ ခု၊ နောင်
ချစ်သွားမှာက မင်းကို လေ။
၃၆။ ငါတို့တွဲတာကြာပြီဆိုပေမဲ့ မထင်မှတ်တဲ့ surprise လေးတော့ မင်းဆီကလိုချင်တာပါပဲ။
၃၇။ ငါကို ချစ်တယ်လို့ ပြောပါ။ မပြောရင် မချစ်တော့ဘူးလားဆိုပြီး တွေးနေတတ်လို့ပါ။
၃၈။ လူတွေရဲ့အရှေ့မှာ မင်းငါ့ကို မအော်ပါနဲ့။ ငါလဲမင်းကို လေးစားမှာပါ။
မင်းရဲ့ သူငယ်ချင်းရှေ့မှာတောင် မင်းကို မျက်နှာပျက်အောင် မလုပ်ပါဘူး။
၃၉။ ငါလုပ်မှားသွားလို့ မင်းဆုံးမမယ် မင်းအော်မိမယ်ဆိုတာတွေထားပါ။
အရေးကြီးတာတော့ ပြီးသွားရင် အနမ်းလေးနဲ့တော့ ချော့ပါ။
၄၀။ ငါ့အတွက် မင်းနဲ့ပြည့်စုံနေပြီဆိုပေမဲ့ တခြားသူတွေကတော့ ငါ့ကို
ပိုးပန်းနေကြမှာပဲ။
၄၁။ ငါစိတ်ဆိုးလို့ ငါ့ကိုနောက်လာမရှာနဲ့ ဖုန်းမဆက်တော့နဲ့လို့ပြောနေတာက
မင်းကို လာရှာခိုင်းတာ ဖုန်းဆက်ခိုင်းတာပါ။
၄၂။ ငါမင်းဘေးမှာရှိတဲ့ မိန်းကလေးသူငယ်ချင်းတွေနဲ့ နှိုင်းယှဉ်တယ်ဆိုတာ က
ငါကသူတို့ထက်မင်းကိုစိုးမိုးနိုင်တယ် မင်းကို ရင်ခုန်အောင်
ငါပဲလုပ်နိုင်တာပါ။ ငါကလွဲလို့ ဘယ်သူကိုမှ မချစ်ဘူးဆိုတာကို
သိချင်နေလို့ပါ။
၄၃။ ငါစိတ်ဆိုးရင် ချက်ချင်းချော့ပါ။ အေးဆေးသွားဖို့ အချိန်မပေးပါနဲ့။
ငါအေးဆေးသွားဖို့ အချိန်တွေမလိုအပ်ပါဘူး။
၄၄။ ငါကြိုက်တယ်လို့ပြောတဲ့ ပစ္စည်းတွေကို အားလုံးဝယ်ပေးစရာမလိုပါဘူး။
အမှတ်တရဖြစ်စေတဲ့နေ့တွေမှာ တခုနှစ်ခုလောက်ဝယ်ပေးရင် ကျေနပ်ပါတယ်။
မင်းစိတ်ထဲမှာ ငါ့အတွက်ရှိနေတာသိရင်လုံလောက်ပါတယ်။
၄၅။ ချစ်သူပြောရင်သေချာနားထောင် ဒီဘက်နားဝင် ဟိုဘက်နားထွက်တော့ မလုပ်ပါနဲ့။
၄၆။ သူငယ်ချင်းတွေနဲ့ သွားပါ။ လည်ပါ။ တခါတခါတော့ ငါလဲ လိုက်ချင်တာပေါ့။
မင်းရဲ့သူငယ်ချင်းတွေက ငါကမင်းရဲ့ ချစ်သူပါဆိုတာကို သိစေချင်တယ်လေ။
၄၇။ ဒီသီချင်းအရမ်းကောင်းတယ်လို့ပြောတဲ့အချိန်မှာ စာသားလေးကို သတိထားပြီး
နားထောင်ပေးပါ သီချင်းစာသားထဲမှာ ငါပြောချင်တဲ့ စကားလေးရှိနေလို့ပါ။
၄၈။ shopping ထွက်တာမိန်းကလေးတွေရဲ့သဘာဝပါ။ ဒါကို အပစ်မပြောပါနဲ့။
တခါတလေမှာ ငါ့ကို ခေါ်ပြီး လိုက်ဝယ်ပေးပါလား။
၄၉။ မင်းရဲ့မိဘရှေ့မှာ ငါအိမ်အလုပ်မလုပ်တတ်ဘူးလို့မပြောနဲ့။
လုပ်တတ်တယ်လဲမပြောပါနဲ့။
၅၀။ ဖြစ်သလို ဘယ်တော့မှ လက်ဆောင်မပေးပါနဲ့


အားလုံးပဲ အရိပ်နဲ့ အကဲ ထပ်တူကျတဲ့ ချစ်သူတွေကိုယ်စီ ပိုင်ဆိုင်ကြပါစေ... ရွှင်လန်းချမ်းမြေ့ပါစေ...
ချစ်တဲ့
(ရနံ့ချို)

ဇီးကွက်

မလိုအပ်ရင်တော့ ထွက်မလာချင်ဘူး
တိတ်တိတ်လေးပဲ ပုန်းနေလိုက်တော့မယ်...။

ခင်ဗျားတို့ပဲ ကဗျာဆရာ လုပ်ကြ
ခင်ဗျားတို့ပဲ စာရေးဆရာလုပ်ကြ
ခင်ဗျားတို့ပဲ နာမည်ကြီးကြ
ခင်ဗျားတို့ပဲ ကြယ်တောက်တမ်း ကစားကြ
ခင်ဗျားတို့ပဲ တီဗွီဖန်သားပြင်ကနေ ကျေးဇူးတင်ကြောင်း ပြောကြ
မျက်လုံးပြူးပေမယ့် ကမ္ဘာကြီးကို စောင့်ကြည့်နေဖို့
ဂျာနယ်လေးတစ်စောင်တလေတောင် ပုံမှန် ၀ယ်မဖတ်နိုင်ခဲ့

ဒီမသာ... ဒီလိုနဲ့ သေရမှာပါ.. ဘာထူးဦးမှာလဲ..။

ခင်ဗျားတို့ပဲ ပညာသင်သွားကြ
ခင်ဗျားတို့ပဲ ရှော့ပင်ထွက်ကြ
ခင်ဗျားတို့ပဲ အင်တာနက်သုံးကြ
ခင်ဗျားတို့ပဲ မင်္ဂလာဆောင်ကြ
ခင်ဗျားတို့ပဲ ဘောလုံးကန်ကြ
ခင်ဗျားတို့ပဲ စာချုပ်စာတမ်းတွေ လုပ်ကြ
ခင်ဗျားတို့ပဲ ကတိတွေဖျက်ကြ
ခင်ဗျားတို့ပဲ အင်တာဗျူးတွေ ခဏခဏ လုပ်ကြ
ကမ္ဘာဟာ ရွာဖြစ်လာပြီ ပြောကြပေမယ့်
တစ်ယောက်စာနေရာကလေးတောင် ပိုပိုကျဉ်းလာတယ်
ဒီမသာ..ဒီလိုနဲ့ ပဲ နေရဦးမှာပါ ဘာထူးမှာလဲ
တိတ်တိတ်လေးပဲ ပုန်းနေလိုက်တော့မယ်..။


(ဒီကဗျာလေးကို ဖတ်တိုင်း ရေးသူနဲ့ အတူ ခံစားရမြဲပဲ..မနှစ်က အိမ်ကိုပြန်တော့ ချစ်သူများနေ့ အမှတ်တရ ရေးကြတဲ့ ကဗျာ နံရံကပ်တစ်ခုမှာ တွေ့တာနဲ့ ယူလာတာ။ ကျွန်တော် လည်း တစ်ခါတစ်ခါ အဲ့လိုပဲ လောကကြီးထဲမှာ တိတ်တိတ်လေး ပုန်းနေလိုက်ချင်တဲ့ စိတ်တွေ ပေါ်ပေါ်လာမိတယ်...။ လာလည်သူတွေကို ကျေးဇူးတင်ပါတယ်..ရွှင်လန်းချမ်းမြေ့တဲ့ ဘ၀ကိုယ်စီ ပိုင်ဆိုင်ကြပါစေ...)
ချစ်တဲ့
(ရနံ့ချို)

မွန်းကြပ်မှုတွေထဲက....

တောင်းပန်တယ်ဆိုတာက
ချစ်ခြင်းတရားနဲ့
ခွင့်လွှတ်မှုကို မျှော်လင့်မိတဲ့ အရာတစ်ခုပါ..။

တစ်ခါတလေ...
ကိုယ့်နှလုံးသားထဲက အလင်းရောင်နဲ့အတူ
မှောင်မိုက်နေတဲ့ မင်းကို တွေ့တယ်...။

ငါ့အထီးကျန် ကမ္ဘာလေး
ဗြောင်းဆန်သွားတာပဲ...

ရူးမတတ်ခံစားချက်တွေနဲ့
မျှော်လင့်ခြင်းတွေက
အဆိပ်သင့်စေတဲ့ မင်းမျက်ဝန်းတွေကိုများလား...။

ချစ်တဲ့
(ရနံ့ချို)

ဗဟုသုတအနေနဲ့ ဖတ်ကြည့်ပါ....

မိမိစိတ်ထဲမှာ ဘယ်လိုမှ မေ့လို့မရသော စကားတစ်ခွန်းရှိ၏။ `` အရှင်ဘုရား မြန်မာလူမျိုးများဟာ ဆင်းရဲတာ ဟာတိုးတက်ကြီးပွားလိုတဲ့ ဆန္ဒနည်းလို့ပါဘုရား၊
ဘာကြောင့်အဲဒီလိုဖြစ်ရသလဲလို့ စဉ်းစား လိုက်တော့ `ပစ္စည်း ဥစ္စာဆိုတာ သေရင်
ကိုယ့်နောက်မပါဘူး၊ ကိုယ့်နောက်ပါမှာက တရားပဲ၊ ဘ၀ဆိုတာ
အနှစ်ရှာလို့မရဘူး၊အကာ သက်သက်ပါ၊ ဘယ်ဟာမှ အမြဲမရှိ၊ ချမ်းသာတဲ့လူလဲ
သေရမှာပဲ၊ ပညာတတ် ပုဂ္ဂိုလ်ကြီးလဲ သေရမှာပဲ´စတဲ့ တရားတွေကြောင့်ပါ၊
ဒီတရားတွေကို နာနေရတော့ လူတွေဟာ စိတ်ဓာတ် တက်ကြွမလာပဲ တိုးတက်ကြီးပွားလို
တဲ့ဆန္ဒနည်းသွားကြတယ်၊ ဒါကြောင့် ဗုဒ္ဓဘာသာဝင်တွေ
ဆင်းရဲကြတာဘုရား´´ဟူသောစကားပင်တည်း။

ဗုဒ္ဓဘာသာဝင်မြန်မာလူမျိုးတစ်ယောက်က လျှောက်သောစကားဖြစ်၏။ မိမိ စိတ်ထဲမှာ တုန်လှုပ်ခြောက်ခြား သွားပါတော့၏။ ``ဟာ ဒုက္ခပဲ၊ ဘုရားရှင်ရဲ့တရား ကြောင့် မြန်မာလူမျိုးတွေဟာ ဆင်းရဲနေတယ်
ဆိုပါလား၊ ဘုရားမြတ်စွာရဲ့တရားဟာ လူတွေကို စိတ်ဓာတ်ကျအောင်လုပ်နေသလို
ဖြစ်နေသတဲ့၊ ဘုရား ဘုရား´´ဟု ငြီးတွားမိတော့သည်။ ထိုသူသည် ဗုဒ္ဓဘာသာကို
ကိုးကွယ်သူတစ်ယောက်ဖြစ်၏။ ယင်းကဲ့သို့ ပြောခြင်းသည် ဘုရားမြတ်စွာကို
မကြည်ညိုသောကြောင့် မဟုတ်ပေ။ ဘုရားမြတ်စွာအကြောင်းကို ခရေစေ့ တွင်းကျ
မသိရှိ သောကြောင့်တည်း။

ဝီရိယ၀တော ကိံ နာမ ကမ္မံ နသိဇ္ဈတိ- ၀ီရိယရှိလျှင် မည်သူ့အဘိဓာန်မှာဖြစ်ဖြစ် မဖြစ်နိုင်ဆိုသော ဝေါဟာရမရှိ။ အရိုးကြေကြေ အရေခန်းခန်း ကြိုးစားသူတို့သည်
ဘယ်နေရာမှာဖြစ်ဖြစ် အောင်မြင်မှုသရဖူကို ဆွတ်ခူးနိုင်ပေ၏´´ စသည်အားဖြင့်
ဟောထားသော မြတ်ဗုဒ္ဓ၏တရားများ ရှိပေသည်သာ။ ထို့ကြောင့် ဘုရား မြတ်စွာ၏
တရားတော်သည် လောကီဘက်မှာပဲဖြစ်ဖြစ်၊ လောကုတ္တရာဘက်မှာပဲ ဖြစ်ဖြစ်
ကြီးပွားတိုးတက် ဖို့အတွက် အားပေးသော တရားများဖြစ်ပါသည်။

သူဋ္ဌေးသား သိင်္ဂါလကို ဆုံးမထားသည့် မိဘကျင့်ဝတ်၊ သားသမီးကျင့်ဝတ်၊ ဆရာ့ကျင့်ဝတ်၊ တပည့် ကျင့်ဝတ်စသော ဘုရားမြတ်စွာ၏ အဆုံးအမများကိုသာ တစ်ကမ္ဘာလုံး
လိုက်နာကြမည်ဆိုလျှင် ယနေ့ နိုင်ငံတကာ ပြဿနာပေါင်းစုံကို
ဒိုင်ခံဖြေရှင်းပေးနေရသော ``ကမ္ဘာ့ကုလသမဂ္ဂဋ္ဌာနချုပ်´´တောင် လိုမည် မဟုတ်တော့
ပေ။

အမှန်က ဗုဒ္ဓဘာသာဝင်များ ကြီးပွားတိုးတက်မှုနည်းခြင်းသည် အမြင်မကျယ်ခြင်း၊ ကိုယ့်အချင်းချင်း ကူညီရိုင်းပင်းမှုနည်းခြင်း၊ အေးတိအေးစက်နေတတ်ခြင်း၊
လူမျိုးခြား ဘာသာခြားတို့၏ ညီညွတ်မှုကို အတု မယူခြင်းစသည်တို့ကြောင့်
ဖြစ်ပါသည်။

နိုင်ငံရပ်ခြားတိုင်းပြည်၌ အလုပ်လုပ်နေသည့် လူငယ်တစ်ယောက်က ``တပည့် တော်တို့ မြန်မာ လူမျိုးတွေက အလုပ်တူရင် ငြူဆူတယ်ဘုရား။ မနာလိုဝန်တိုဖြစ်တယ်။ အဆင်ပြေတာကို
ဝမ်းမသာနိုင်ဘူး။ အချင်းချင်း ရာထူး ဂုဏ်ယှဉ်ချင်ကြတယ်။ ပြီးတော့
အောင်မြင်နေတဲ့သူကလည်း ကိုယ့်အချင်းချင်း နှိမ်ချင် တယ်။ ဒီလိုစိတ်ဓာတ်တွေက
တပည့်တော်တို့မြန်မာလူမျိုးတွေရဲ့နှလုံးသားကို လှိုက်စားနေပါတယ်၊
ဗုဒ္ဓဘာသာ ၀င်ဖြစ်နေပြီး ဘာ့ကြောင့် ဒီလိုအောက်တန်းကျတဲ့စိတ်တွေ ဖြစ်နေတာလဲ
မသိပါဘူးဘုရား´´ဟု မြန်မာလူမျိုး များကို အားမလိုအားမရဖြစ်ရကြောင်း
လျှောက်ထား ဖူး၏။

ယင်းသို့ကူညီမှု ရိုင်းပင်းမှု စည်းလုံးမှု ညီညွတ်မှုမရှိသောကြောင့် မြန်မာ့စီးပွားရေး ဈေးကွက်များကို ဗုဒ္ဓဘာသာဝင်တို့က ဦးမဆောင်နိုင်ကြတော့ပေ။
မြို့ကြီးပြကြီးတို့၏ အချက်အခြာကျသည့်နေရာများများ၌ ဗုဒ္ဓဘာသာဝင်တို့
ပိုင်ဆိုင်သော စားသောက် ဆိုင်ကြီးများ၊ ကုန်တိုက်ကြီးများ၊
အဆောက်အဦးများကို တွေ့ဖို့ ခဲယဉ်းလှပေသည်။

ဖြစ်သင့်တဲ့လောဘ

ကြီးပွားတိုးတက်ချင်သော ဆန္ဒဖြင့် စီးပွားရေးလုပ်ခြင်းကြောင့် လောဘဖြစ် သည်မှာ မှန်ပေ၏။ သို့သော် လောဘဖြစ်တိုင်း ဒုစရိုက်ဟု ပြောလို့မရပေ။ လောဘသည် ၂-မျိုးရှိပေသည်။
တရားသောလောဘနှင့် မတရားသော လောဘတို့တည်း။ အများအတွက် (မိသားစု၊ ရပ်ရွာ၊
အမျိုး၊ ဘာသာ၊ သာသနာအတွက်) ရည်ရွယ်ပြီး စီးပွားရေးလုပ်ငန်းများ လုပ်လျှင်
``တရားသောလောဘ´´ ဖြစ်၏။ (သေ၀ိတဗ္ဗတဏှာ-ဟုခေါ်၏)။ ဆိုလို သည်ကား
ယင်းတရားသောလောဘကြောင့် ကုသိုလ်ကောင်းမှုများ တပွေ့တပိုက်ကြီး
ရနိုင်ခြင်းပင်။ ထို့ကြောင့် တရားသောလောဘသည် ဖြစ်သင့်သော လောဘတည်း။

မိမိမှာ ပစ္စည်းဥစ္စာ များများရှိလျှင် စာသင်ကျောင်းပဲ ဆောက်ဆောက်၊ ရေတွင်းရေကန်ပဲ တူးတူး၊ မိဘဆွေမျိုးတွေကိုပဲ ထောက်ပံ့ထောက်ပံ့၊ ဆေးရုံကိုပဲလှူလှူ
မိမိကြိုက်သည့်ကုသိုလ်ကို လုပ်နိုင်ပေသည်။ မိမိလုပ်ချင်သည့် ဘာသာရေး
လူမှုရေး လုပ်ငန်းမှန်သမျှကိုလည်း လုပ်နိုင်၏။ အူမတောင့်မှ သီလ
စောင့်နိုင်သည် မဟုတ်ပါလော။

ကျောင်းဒကာကြီး အနာထပိဏ် ကျောင်းအမကြီး ၀ိသာခါတို့ ကျောင်းတိုက်ကြီး ဆောက်လုပ်ပြီး သာသနာပြုနိုင်ခြင်းသည် ဓနဥစ္စာကြွယ်ဝသောကြောင့်ပင်တည်း။ ဘုရင်
မင်းမြတ်အနော်ရထာသည်သည် နိုင်ငံတော်ကြီးကို ပြုပြင်ပြောင်းလဲခဲ့၏။
ဘုရားပုထိုးများ တည်ခဲ့၏။ ဆည်မြောင်းတာတမံများကို ဆောက်လုပ်၏။ ရှေးအခေါ်
ပိဋကတ်တိုက်၊ ယခုခေတ်အခေါ် စာကြည့်တိုက်များကိုလည်း တည်ဆောက်ခဲ့၏။
ထို့ကြောင့် ``စာကြည့်တိုက်အစ ပိဋကတ်တိုက်က´´ဟုပင် ပြောနိုင်ပါ၏။ ယင်းသို့
တိုင်းကျိုးပြည်ပြု အလုပ်များကို လုပ်နိုင်ခြင်းသည် တန်ခိုးသြဇာ
ကြီးမားသောကြောင့်ပင်တည်း။

ယင်းတန်ခိုးသြဇာ၊ ဓနဥစ္စာတို့သည်ကား တန်ဖိုးရှိရှိ အသုံးချတတ်လျှင် နိဗ္ဗာန် ဆိပ်ကူးတံတားပင် တည်း။ ဦးအနာထပိဏ်၊ ဒေါ်ဝိသာခါ၊ ဘုရင်အနော်ရထာတို့ကား တန်ခိုးသြဇာ၊
ဓနဥစ္စာတို့ဖြင့် နတ်ရွာ နိဗ္ဗာန်သို့ တက်လှမ်း သွားကြကုန်ပြီ။ ထို့ကြောင့်
တန်ခိုးသြဇာ၊ ဓနဥစ္စာတို့ကို ရရှိအောင် ကြိုးစားသင့်လှပါသည်။
တတ်နိုင်သူများအနေဖြင့် တိုက် ၁-လုံးကနေ တိုက် ၁၀-လုံး ၁၅-လုံးဖြစ်အောင်၊
ကား ၁-စီးကနေ ကား ၁၀-စီး ၁၅-စီးပိုင်အောင် စီးပွားရေးလုပ်ကြစမ်းပါ။
မိမိတို့ ဗုဒ္ဓဘာသာဝင်တစ်ယောက် သန်းပေါင်း များစွာ ချမ်းသာသော
သူဋ္ဌေးသူကြွယ်ဖြစ်နေလျှင် မြန်မာလူမျိုးတို့အနေဖြင့် အင်မတန်
ဂုဏ်ယူသင့်ပေသည်။

မြွေပွေး၏ ပါးစပ်ထဲသို့ရောက်သွားသည့် မိုးရေစက်သည် အဆိပ်ဖြစ်သွား သော်လည်း မုတ်ကောင်၏ ပါးစပ်ထဲသို့ ရောက်သွားသော မိုးရေစက်သည်ကား ပုလဲဖြစ်သွားပေသည်။
မိုးရေစက်ခြင်းတူသော်လည်း တန်ဖိုးခြင်း မတူတော့။

လောကကြီးသည် ခြွေမှ ရံ၏။ မခြွေလျှင် မရံပေ။ မှန်၏။ တချို့ဆင်းရဲသော ဗုဒ္ဓဘာသာဝင်များသည် ဘာသာခြားတို့က ဓနဥစ္စာများဖြင့် ထောက်ပံ့ကြသောကြောင့် ဗုဒ္ဓဘာသာကို
ကျောခိုင်းသွားတော့သည်။ အဘယ်သို့ ကာကွယ်မည်နည်း။ တန်ခိုးသြဇာ၊
ဓနဥစ္စာတို့သာရှိလျှင် ယင်းမိသားစုများကို စားနပ်ရိက္ခာ
တို့ဖြင့်ထောက်ပံ့ပြီး ဗုဒ္ဓဘာသာဝင်ထဲသို့ရောက်အောင်
ပြန်ပြီးစည်းရုံးနိုင်ပေမည်။ ထို့ကြောင့် အရင်းအနှီး တောင့်တင်းသော
ဗုဒ္ဓဘာသာဝင်တို့သည် စက်ရုံအလုပ်ရုံ၊ ကုန်တိုက်စသည်များကို
တည်ထောင်နိုင်အောင် ကြိုးစားသင့်လှပေသည်။ ဓနဥစ္စာတို့ရှိမှသာလျှင်
ကိုယ့်လူမျိုး များကို ထောက်ပံ့နိုင်မည်မဟုတ်ပါလော။

တစ်ကျပ်နှင့်တစ်ရာ ဘယ်ဟာကို ယူမှာလဲ

မြတ်စွာဘုရားရှင်သည် အလောင်းတော်ဘ၀မှစ၍ ဘုရားဖြစ်သည့်တိုင်အောင် ကိုယ့်အမျိုး၏ အကျိုး စီးပွားကို လုပ်ခဲ့ပါသည်။ အလောင်းတော်ဘ၀က ကိုယ့်အမျိုးကို ပျက်စီးအောင်
လုပ်သူများအား ကာကွယ်သော အားဖြင့် တိုက်ခိုက်ချေမှုန်းခဲ့သည်ကို
တွေ့မြင်နိုင်ပါသည်။ ကိုယ့်အမျိုးကို စော်ကားသူများကို မိမိနှင့်
မဆိုင်ပါဘူးဟူသော စိတ်ဖြင့် ဦးခေါင်းငုံ့ မခံခဲ့ပေ။ တစုံတစ်ယောက်ကြောင့်
လူသူလေးပါး ဒုက္ခရောက်နေလျှင် ထိုတစုံတစ်ယောက်ကို နောက်နောင်ရှောင်ကြဉ်အောင်
တရားသောနည်းဖြင့် တုန့်ပြန်ခဲ့ပေသည်သာ။

``ခန္တီ-သည်းခံရမည်´´ဟုဆိုသော်လည်း သူ့နေရာနှင့်သူ ကျင့်သုံးတတ်ဖို့ လိုအပ်လှ၏။ တိုင်းတစ်ပါးသား လူမျိုးခြား တစ်ယောက်က မြန်မာ့တိုင်းရင်းသား မိန်းကလေးများကို
မတရားသဖြင့်နှောက်ယှက်နေလျှင် လက်ပိုက်ကြည့်နေ၍ မဖြစ်ပေ။
နောက်နောင်မနှောက်ယှက်အောင် ရှေးဦးစွာ ပြေပြေလည်လည် ပြောဆိုရပေမည်။ အကယ်၍
မရခဲ့လျှင် ဖိုးသူတော်မေတ္တာပို့နည်းဖြင့် ပို့သင့်က ပို့ရပေမည်။

တခါက ဘုန်းတော်ကြီးတစ်ပါး ဖိုးသူတော်နှင့် ခရီးသွားရာဝယ် လမ်းခုလတ်၌ ကျွဲရိုင်းကြီးတစ်ကောင်နှင့် ပက်ပင်းတိုးမိ၏။ ကျွဲရိုင်းကြီးက
ခတ်မည့်အမူအရာဖြင့် ပြေးလာရာ ဘုန်းကြီးက ``ချမ်းသာပါစေ´´ဟု မေတ္တာပို့လေ၏။
သို့သော် ကျွဲရိုင်းကြီးက နောက်မဆုတ်ပဲ ပြေးမြဲပြေးလာသဖြင့် ဖိုးသူတော်က
အုတ်ခဲကျိုးဖြင့် ၂-ချက်လောက် ထုလိုက်ရာ ကျွဲရိုင်းကြီး
ထွက်ပြေးရှာလေတော့သည်။ ထိုအခါ ဆရာဖြစ်သူ ဘုန်းတော်ကြီးက ``သူတော်ရေ
မင်းမေတ္တာက ငါ့မေတ္တာထက် ပိုစွမ်းတယ်ကွ´´ဟု ၀မ်းပန်းတသာ မိန့်တော်မူလေသတတ်။
ဤကား ဖိုးသူတော်မေတ္တာပို့နည်းတည်း။

ဖိုးသူတော်က ကျွဲရိုင်းကြီးကို အုတ်ခဲကျိုးဖြင့် ဆုံးမလိုက်ရခြင်းသည် ကျွဲရိုင်းကြီးကို ဒုက္ခရောက်စေလိုသောကြောင့်မဟုတ်၊ ဆရာဘုန်းကြီးကို
ကြည်ညိုလေးစားသော ကြောင့်တည်း။ မည်သည့်အရာမဆို တစ်ခုခုကို
ရွေးချယ်ရတော့မည်ဆိုလျှင် တန်ဖိုးရှိသည့် အရာကိုသာ ရွေးချယ်ရသည်မှာ
သဘာဝတည်း။ ယင်း သဘာဝတရားကိုပင် ဓမ္မဟုခေါ်သည်မဟုတ်ပါလော။

မတရားလောဘဆိုတာ

မတရားလောဘဆိုသည်မှာ အတင်းအဓမ္မလိုချင်သော စိတ်၊ သူများဆီက ငွေကို အချောင်လိုချင်သော စိတ်၊ လုယက်တိုက်ခိုက်ပြီး လိုချင်သောစိတ်များပင်တည်း။ ကမ္ဘာမှာ အစဆုံးဖြစ်သော
မကောင်းမှုဒုစရိုက်မှာ အဒိန္နာဒါန (ခိုးယူခြင်း)ပင် ဖြစ်၏။ မတရား လောဘကို
အခြေခံ၍ဖြစ်သော ဒုစရိုက်တည်း။

ကမ္ဘာဦးလူများသည် စားနပ်ရိက္ခာအတွက် ကိုယ့်လယ်နှင့်ကိုယ် အသီးသီး စပါးစိုက်ပျိုးကြ၏။ အစပိုင်းမှာ မည်သည့်ပြဿနာမှ မဖြစ်။ နောက်ပိုင်းရောက်လာသည့် အခါ
အချောင်သမားများက စပါးများကို ခိုးကြတော့၏။ ယင်းလောဘကား မတရား လောဘတည်း။
သို့နှင့် လူအများသည် သမာသမတ်ကျသော လူတစ်ယောက်ကို ခေါင်းဆောင်ခန့်ပြီး
``မင်း´´ဟု သမုတ်ကာ ရပ်ရွာနယ်ပယ်ကို ငြိမ်းချမ်းဖို့အတွက် အုပ်ချုပ်
ခိုင်း၏။ သူခိုးဓားပြများကို တိုက်ခိုက်ချေမှုန်းဖို့အတွက် (သို့မဟုတ်)
မတရားလောဘသမားများကို ထိန်းချုပ်ပေးဖို့အတွက် မင်းဆိုသည်မှာ
ပေါ်ပေါက်လာခြင်း ဖြစ်ပေသည်။

တလွဲဆံပင်ကောင်း

ဗုဒ္ဓဘာသာဝင်မြန်မာလူမျိုးတို့သည် `` ဒီလောက်ရှိရင် တော်ပါပြီ၊ ကိုယ့်မိသားစု တစ်သက်စားလို့ မကုန်ဘူး၊ ဒီထက်ပိုပြီးတော့ ချမ်းသာတော့ကော ဘာလုပ်မှာလဲ၊ သေရင် ကိုယ့်နောက်မပါဘူး´´ဟု
စသဖြင့် လောဘနည်းသလိုလို၊ ရောင့်ရဲသလိုလိုနဲ့ ပြောတတ်ကြ၏။
တလွဲဆန်ပင်ကောင်းခြင်းပင်တည်း။ အမှန်ကား ဤကဲ့သို့ပြောခြင်းသည်
လောဘနည်းခြင်းကြောင့်မဟုတ်၊ အမျိုးဘာသာကို အားမပေးလိုခြင်း၊ ဇွဲမရှိခြင်း
တို့ကြောင့် ဖြစ်ပေသည်။ ကိုယ့်မိသားစုတစ်သက် စားမကုန်လောက်အောင်
ချမ်းသာနေလျှင် ကိုယ့်ဆွေမျိုး သားချင်းများကို ပေးကမ်းနိုင်သည်
မဟုတ်ပါလော။ ထိုထက်မက ချမ်းသာနေလျှင် တိုင်းပြည်နှင့်လူမျိုးကို
ထောက်ပံနိုင်သည် မဟုတ်ပါလော။

ဘုရားမြတ်စွာက ``ရောင့်ရဲရမည်၊ တင်းတိမ်ရမည်´´ဟု ဟောခြင်းသည် ပစ္စည်းဥစ္စာများကို မရှာရဟု ပြောလိုသည်မဟုတ်ပေ။ တခါတရံ မတရားလောဘကြီး သည့်အခါ ``တုတ်နှင့်ပစ်လို့ရရ၊
ခဲနှင့်ပစ်လို့ရရ၊ ရဖို့သာအဓိက´´ဟု ဆိုပြီး ဒုစရိုက်မျိုးစုံ လုပ်တော့၏။
လုယက်ခြင်း၊ ခိုးဝှက်ခြင်း၊ ချောက်တွန်းခြင်း၊ တစ်ပတ် ရိုက်ခြင်းစသည်တို့
ကား မတရား လောဘကြောင့်ဖြစ်၏။

ယင်းကဲ့သို့သော မတရားလောဘများကို ထိန်းပေးဖို့အတွက် ဘုရားမြတ်စွာက ``ရှိတာလေးနှင့် ကျေနပ်ရမယ်၊ ရောင့်ရဲတင်းတိမ်ခြင်းဟာ အကောင်းဆုံးဥစ္စာပါပဲ´´ဟု
ဟောတော်မူခြင်းဖြစ် ပေသည်။ စီးပွားရေး လုပ်ငန်းများကို မလုပ်ဖို့အတွက်
ဟောတော်မူခြင်းမဟုတ်။

တချို့လူပုဂ္ဂိုလ်များကား လူ့ဘ၀ကြီးကို ငြီးငွေ့သည့်အတွက် စီးပွားရေး လုပ်ငန်းတွေကို မလုပ်ချင် သယောင်ယောင်၊ ၃၁-ဘုံလုံးသည် ဒုက္ခသစ္စာဖြစ်သည့်အတွက် နိဗ္ဗာန်တစ်ဘက်ကမ်းကိုပဲ
အခုချက်ချင်း ကူးတော့မည့်ယောင်ယောင် သံဝေဂတရားရ နေသည့်
ယောဂီသူတော်စင်ကဲ့သို့ ပြောတတ်ကြသေး၏။ ထိုပုဂ္ဂိုလ်များ တရားရိပ်သာ
ကိုသွားပြီး တရားအားထုတ်သောအခါ ၂-ရက်လောက် အားထုတ်ပြီး အိမ်ပြန်လာတော့၏။
အိမ်ပြန်ရောက်သောအခါ ``ကျန်းမာရေးကလည်း မကောင်းဘူး၊ ဒီတော့ စိတ်သွားတိုင်း
ကိုယ် မပါတော့ ဘယ်အားထုတ်လို့ ကောင်းတော့မှာလဲ၊ တရားပြဆရာကလဲ
အတွေ့အကြုံနုသေးတော့ တရားနာရတာက အားမရပါဘူးပေါ့ကွာ´´ဟု စသဖြင့် ဆင်ခြေ
အမျိုးမျိုးပေးပြီး ကိုယ့်အပြစ်ကို သူများပေါ်ပုံချလေတော့သတည်း။

အမှန်ကား အပေါ်ယံအသိလေးကို တကယ့်``သံဝေဂတရား´´ဟု ထင်နေခြင်း ပင်တည်း။ ယင်းသို့ ထင်ခြင်းသည်လည်း ကိုယ့်ကိုယ်ကို လိမ်နေခြင်းပင် ဖြစ်၏။ သူများ
အလိမ်မခံရဖို့ထက် ကိုယ့်ကိုယ်ကို အလိမ် မခံရအောင် သတိပြုသင့်၏။

ကျောင်းဒကာကြီးအနာထပိဏ်၊ ကျောင်းအမကြီး ၀ိသာခါတို့သည် သောတာပန် အရိယာပုဂ္ဂိုလ်များ ဖြစ်ကြ၏။ သို့သော် ကိုယ်ပိုင်စီးပွားရေးလုပ်ငန်းများ ရှိကြပေသည်သာ။ ထို့ကြောင့် လောကီလူသားမှန်သမျှ စီးပွားရေးလုပ်ငန်းကို မဖြစ်မနေ ပြုလုပ်သင့်ပေသည်။

``အောက်ကလိအာ´´ မဖြစ်အောင် သတိပြု

ဘက်ပေါင်းစုံကနေ မကြည့်ဘဲ တစ်ဖက်သတ်ကြည့်နေရင်တော့ အမြင်မှန်ကို ရနိုင်မည်မဟုတ်ပေ။ အမြင်မှန်ကို မရလျှင် လူ့ဘ၀ကြီးကို ငြီးငွေ့သလိုလို၊ စိပ်ပုတီးနှင့်
ရိပ်ကြီးခိုတော့မှာလိုလိုနှင့် စီးပွားရေးလုပ်ငန်းများကို မလုပ်ဘဲနေလျှင်
လောကီအကျိုး လည်း မရ၊ လောကုတ္တရာအကျိုးလည်း မရဘဲ ကီမဟုတ် ကုတ်မဟုတ်၊
မိနောက်မကျ ဖနောက်မမီ၊ ``အောက်ကလိအာ´´ ဖြစ်သွားမှာ စိုးရပေသည်။
(ကြက်တွန်သံလည်း မဟုတ်၊ ကျီးတွန်သံလည်းမဟုတ်သည်ကို အောက်ကလိအာဟု ခေါ်၏။)

လူမှန်လျှင် လူ့အလုပ်ကို လုပ်ရမည်။ ဘုန်းကြီးမှန်လျှင်လည်း ဘုန်းကြီအလုပ်ကို လုပ်ရမည်။ လူဖြစ်ပါလျက် ဘုန်းကြီးတစ်ပါးကဲ့သို့ စီးပွားရေးအလုပ်များကို
မလုပ်ဘဲပစ်ထားလျှင် (သို့မဟုတ်) စီးပွားရေး လုပ်ငန်းများကို လုပ်သော်လည်း
စိတ်ပါ ၀င်စားမှု မရှိလျှင် လူ့တာဝန် ပျက်ကွက်ခြင်းပင်တည်း။ ယင်းသို့
ပျက်ကွက် လျှင် သူ့ မိသားစုနစ်နာပါတော့သည်။

``အလုပ်လုပ်ရင် လုပ်၊ အလုပ်မလုပ်ရင် သေတာက ကောင်းတယ်´´ဟူသော စကားပုံတစ်ခု ရှိ၏။ အသက်ရှင်သန်နေတုန်းမှာ ငွေများများရရှိအောင် အလုပ်လုပ်ရမည် ဟု
ဆိုလိုခြင်းပင်တည်း။ ထို့ကြောင့် ပြောကြသည်ထင်၏။``ငွေသည် ဒုတိယ
ဘုရား´´ဟူသတတ်။

ထို့ကြောင့် ဘုရားမြတ်စွာက ပစ္စုပ္ပန်ချမ်းသာရေးကိုအလိုရှိသူများအတွက် `` ဥဋ္ဌာန- မည်သည့် အလုပ်ကိုပဲလုပ်လုပ် ငုတ်မိသဲတိုင် တက်နိုင်ဖျားရောက်ဆိုတဲ့ နောက်မဆုတ်တမ်းစိတ်ဓာတ် ရှိရမည်၊ အာရက္ခ-
ကြွက်သေတစ်ခု အရင်းပြုဆိုသကဲ့သို့ အလေအလွင့်မရှိအောင်
ထိန်းသိမ်းစောင့်ရှောက်ရမည်၊ ကလျာဏမိတ္တ- ဈေးကွက်ချဲ့ နိုင်ဖို့အတွက်
တစ်ရွာတစ်ကျီ ဆောက်ရမည်၊ သမဇီဝိတ- စီမံခန့်ခွဲမှု စာရင်းအင်းပညာကို
ကျွမ်းကျင်ရမည်´´ဟု သမ္ပဒါတရား ၄-ပါးကို မိန့်တော်မူခြင်းဖြစ်ပေသည်။

ဤကဲ့သို့ ကြီးပွားရေးတရားများကို သတိမထားမိကြသူများက ``ဘုရားမြတ်စွာ၏ တရားသည် ကြီးပွားတိုးတက်ဖို့အတွက် ပိတ်ဆို့သည့်တရား´´ဟု ထင်မြင် ကုန်တော့သည်။

ဤအချက်ကို မိမိတို့ သံဃာတော်အရှင်မြတ်များသိရှိနားလည်ထားဖို့ လိုအပ်လှ၏။ သို့မှသာလျှင် ``ဘယ်လိုနေရာမျိုးမှာ ဘယ်လိုတရားမျိုးကို ဟောသင့်တယ်´´ဆိုသည်ကို နားလည်မည်ဖြစ်ပေသည်။ သူ့နေရာနှင့်သူ သိရှိနားလည်ဖို့
အရေးကြီးလှ၏။ မင်္ဂလာဦးဆွမ်းကျွေးမှာ ညီတော် မင်းနန်ချွတ်ခန်းကို ဟောလို့
မဖြစ်။ လင့်ကျင့်ဝတ်၊ မယားကျင့်ဝတ်တရားမျိုးကို ဟောရပေမည်။
လောကီကြီးပွားရေး တရားများကိုလည်း သူ့နေရာနှင့်သူ ဟောဖို့၊ ပြောဖို့၊
ရေးဖို့ လိုအပ်ပေသည်။

တချို့ဆရာတော်များသည် ``တရားအားထုတ်ချင်သလား၊ ဘုန်းကြီးဝတ်မှ ကောင်းမှာပေါ့၊ ဘုန်းကြီး မ၀တ်နိုင်ဘူးလား၊ မိသားစု သံယောဇဉ်တွေကို ဖြတ်လိုက်စမ်းပါ၊ ဒါဆိုရင်
ဝတ်နိုင်ပါတယ်´´ဟု စသဖြင့် မိန့်တော်မူကြ၏။ တချို့သောလူများမှာ ရှောင်လွှဲ၍
မရနိုင်သောတာဝန်များ ရှိနေကြရကား တရားအားထုတ်ချင်သည့် လူတိုင်းကို
ဘုန်းကြီးဝတ်ခိုင်းလို့ မဖြစ်ပေ။ လူပုဂ္ဂိုလ်တစ်ယောက်အဖြစ်နှင့် တရားအားထုတ်
လျှင်လည်း တရားထူးများ ရနိုင်ပေသည်သာ။

သာဝတ္ထိမြို့ကြီး၌ လူဦးရေ သန်း ၇၀-ရှိရာ သန်း ၅၀-မှာ အရိယာပုဂ္ဂိုလ်များ ဖြစ်ကြ၏။ ဤအရေ အတွက်ကို ကြည့်လျှင်ပင် လူပုဂ္ဂိုလ်အများအပြား ``တရားထူးများ´´

ရကြသည်ဆိုသည်မှာ ပြောဘွယ်မရှိ တော့ပေ။ ကျန်သည့် သန်း ၂၀-ကလည်း
သူတို့၏နှလုံးသားထဲ၌ ဗုဒ္ဓတရားများ ထည့်ထားကြသည့် ပုဂ္ဂိုလ်များပင်တည်း။
ထို့ကြောင့် မြတ်ဗုဒ္ဓ၏ အရိပ်အောက်မှာရှိသည့် သာဝတ္ထိမြို့ကြီးသည်
မည်မျှလောက် တည်ငြိမ် အေးချမ်းမှု သာယာဖွံ့ဖြိုးမှုရှိမည်ဆိုသည်ကို မှန်းဆ၍
ကြည့်နိုင်ပါသည်။ တွေးကြည့်လျှင် လွမ်းမော ဘွယ် ကောင်းလေစွာ့တကား။

စိတ်သာရှင်စော ဘုရားဟော

လူတစ်ယောက်သည် ``ဘုရားဒကာဆိုတဲ့ နာမည်တစ်လုံးရရင်တော်ပါပြီ´´ ဟူသော စိတ်ဖြင့် ဘုရား တည်နေ၏။ အခြားလူတစ်ယောက်ကား ``သားလေးရှင်ပြုဖို့၊
လှူနိုင်တန်းနိုင်ဖို့´´ဟူသော စိတ်ဖြင့် စီးပွားရေးလုပ်ငန်းများကို
ဇောက်ချပြီး ကြိုးစား ပန်းစားလုပ်နေ၏။ ထိုနှစ်ယောက်တွင် ဘုရားတည်သောသူထက်
စီးပွားရေး လုပ်ငန်းများကို လုပ်ကိုင်နေသောသူက ပို၍မြင့်မြတ်၏။
အဘယ်ကြောင့်နည်း။ သူ၏ ရည်ရွယ်ချက်က မွန်မြတ်သောကြောင့်တည်း။

တခါက အလွန်ရင်းနှီးသော တံငါသည် သူငယ်ချင်းနှစ်ယောက်ရှိ၏။ တစ်ရက်လုပ်မှ တစ်ရက်စားရ သောကြောင့် ဥပုသ်နေ့မှာ ဥပုသ်စောင့်ချင်သော်လည်း
ဥပုသ်မစောင့်နိုင်ကြ။ သို့နှင့် တစ်ယောက်တစ်လှည့်စီ ဥပုသ်စောင့်ဖို့
တိုင်ပင်ကြလေသည်။ လပြည့်နေ့ရောက်သောအခါ တစ်ယောက်က ကျောင်းသို့ သွားပြီး
ဥပုသ်စောင့်၏။

ကျန်ရစ်သူ ကိုတံငါသည်ကတော့ နှစ်ယောက်စာရဖို့အတွက် လှေတစီးနဲ့ ချောင်းထဲမှာ ကြိုးစား ပန်းစားနှင့် ငါးများကို ဖမ်းရလေသည်။ ငါးများ နှစ်ယောက်စာရသောအခါ တံငါတဲထဲ၌
အနားယူရင်း ဥပုသ်စောင့်သွားသည့် သူငယ်ချင်းကို သတိရနေ၏။ ``အင်း
ငါ့သူငယ်ချင်းကတော့ ဘုန်းကြီးထံကနေ သီလခံယူဆောက်တည် ပြီးရော့မယ်၊
အခုချိန်မှာ ဘုရားရိပ်မှာ နေပြီးတော့ ပုတီးစိပ်တရားထိုင်လုပ်နေရော့ပေါ့၊
အင်း ကုသိုလ်တွေ အများကြီး ရနေရော့မယ်၊ သိပ်အေးချမ်းမှာပဲ´´ဟု စဉ်းစားပြီး
သာဓုခေါ်နေတော့၏။ လူက တံငါတဲ၌နေသော်လည်း စိတ်က ကျောင်းရောက်နေ၏။

ကျောင်းသွားပြီး ဥပုသ်စောင့်သော တံငါသည်ကလည်း ပုတီးကုံးကိုင်ပြီး ကျန်ရစ်သူ သူငယ်ချင်းကို သတိရနေမိ၏။ ``အခုချိန်မှာ ငါ့သူငယ်ချင်း ပိုက်ကွန်နှင့် ငါးတွေ
ဖမ်းနေရော့မယ်၊ ဒီနေ့ ငါ့အတွက် ဝေစုပေး ရမှာဆိုတော့ နှစ်ယောက်စာ ဖမ်းရမှာ၊
ဖမ်းမှဖမ်းပါ့မလား၊ နှစ်ယောက်စာ မရရင်တော့ ဒုက္ခပဲ´´ဟု တွေးပြီး လောဘနှင့်
သောကဖြစ်နေတော့၏။ လူက ကျောင်းမှာနေသော်လည်း စိတ်က ပိုက်ကွန်ထဲမှ မထွက်။

စိတ်ထားဖြူစင်အောင်နေထိုင်ခြင်းကို ``ဥပုသ်စောင့်သည်´´ဟုခေါ်၏။ ယင်းသို့ဆိုလျှင် ထိုတံငါသည် နှစ်ယောက်တွင် မည်သူက ဥပုသ်စောင့်သနည်း။ အဖြေကား လယ်ပြင်မှာ ဆင်သွားသလိုထင်ရှားလှပါသည်။
``စိတ်သာရှင်စော ဘုရားဟော``ဆိုသည့်အတိုင်း အတွင်းစိတ်ဓာတ်က တင့်တယ်လျှင်
အရာခပ်သိမ်း တင့် တယ်တော့သည်သာ။ ထို့ကြောင့် ဘုရားတည်တိုင်း ကုသိုလ်ရသည်ဟု
ပြော၍ မရသကဲ့သို့ စီးပွားရေးလုပ်တိုင်းလည်း တရားနှင့်ဝေးသည်ဟု ပြော၍
မဖြစ်ပေ။

တစ်ယောက်အားထက် ဆယ်ယောက်အားက ပိုထိရောက်

စီးပွားရေးလုပ်ငန်းများကို လုပ်ကိုင်ဆောင်ရွက်သည့်အခါမှာလည်း ကိုယ့်ဗုဒ္ဓ ဘာသာဝင်များကို ကူညီစောင့်ရှောက်ဖို့ အထူးလိုအပ်လှ၏။ ဘာသာခြားများသည် သူတို့ဘာသာဝင်တို့ကိုသာလျှင် အထူးဦးစားပေးကြ၏။
ထမင်းဆိုင်ခြင်းအတူတူ သူတို့ဘာသာဝင်တို့၏ ထမင်းဆိုင်ကိုသာ အားပေးကြ၏။
လုပ်ပိုင်ခွင့်ရှိ၏။ အပြစ်မဆို သာပေ။ မိမိတို့ ဗုဒ္ဓဘာသာဝင်များ
အတုယူရမည်ဆိုသည်ကို သိရှိနားလည်ဖို့ ပြောရခြင်း ဖြစ်သည်။

တိပိဋက မင်းကွန်းဆရာတော်ကြီးသည်ပင်လျှင် ကိုယ့်အချင်းချင်း အားပေးကြဖို့ ကူညီကြဖို့ မိန့်မှာတော်မူခဲ့ဖူးပါသည်။ ``သမဂ္ဂါနံ တပေါ သုခေါ- ကိုယ့်အချင်းချင်း စည်းလုံးမှ အခက်အခဲမှန်သမျှ
ကျော်လွှားနိုင်မည်´´ဟူသော ဘုရားမြတ်စွာ၏ အဆိုအမိန့်ကို
လိုက်နာကြမည်ဆိုလျှင် ဗုဒ္ဓဘာသာဝင်များသည် အထက်တန်းကျကျ
မျက်နှာပန်းလှလှဖြင့် နေနိုင်သည်ဆိုသည်ကို မည်သည့်ဗေဒင်ဆရာကိုမျှ မေးစရာ
မလိုပေ။

မည်သည့်အလုပ်ကိုပဲလုပ်လုပ် ``တစ်ယောက်အား´´နှင့် လုပ်ကိုင်ဆောင် ရွက်ခြင်းထက် ``ဆယ် ယောက်အား´´နှင့် လုပ်ကိုင်ဆောင်ရွက်ခြင်းက ပို၍ထိရောက်၏။ ယနေ့ခေတ်၌
နိုင်ငံရပ်ခြားတိုင်းပြည်များသို့ သွားရောက်ပြီး အလုပ်လုပ်နေကြသည့် မြန်မာပြည်သားတိုင်းရင်းသားများကို မြောက်မြားစွာ တွေ့ရှိရပေသည်။ စည်းလုံးမှု ညီညွတ်မှုသည် ယင်းကဲ့သို့တိုင်းတစ်ပါးမှာနေကြသည့်သူများမှာ
ပို၍ အရေးကြီး၏။ တိုင်းတစ်ပါးတို့၌ ``အလုပ်အကိုင်၊ နေရာတိုက်ခန်း၊
အစိုးရရုံး´´စသည်တို့နှင့် ပတ်သက်ပြီး အခက်အခဲပေါင်းများစွာကို တွေ့
ရှိနိုင်ပေသည်။ ယင်းအခက်အခက်များကို စုပေါင်းပြီးဖြေရှင်းမှ ပို၍
အဆင်ပြေနိုင်ပါ၏။

လူတစ်ရာအတူနေသော်လည်း ``သူတစ်လူငါတစ်မင်း´´ ဖြစ်နေကြလျှင် ``တစ်ရာအား´´ မရှိတော့။ တချို့ရွာ၊ ရပ်ကွက်တို့၌ ဘာသာခြားလူဦးရေထက် ဗုဒ္ဓဘာသာဝင်လူဦးရေက အဆမတန် ပို၍များ၏။
သို့သော် ဘာသာခြားတို့ကား စည်းလုံးမှုရှိရကား စီးပွားရေး၊ လူမှုရေးစသည်တို့၌
ဘာသာခြားတို့ကပဲ ရှေ့ကဦးဆောင် နေပါတော့သည်။ မနာလို၍ ပြောခြင်းမဟုတ်ပါ။
အတုယူလိုသောကြောင့် ပြောရခြင်းဖြစ်၏။

ထိုအကြောင်းများကြောင့် ``အများအတွက်´´ဆိုသည့် ရည်ရွယ်ချက်ဖြင့် စီးပွားရေး လုပ်ငန်းများကို တစ်ခုပြီးတစ်ခု တိုးချဲ့ပြီး ညီညီညွတ်ညွတ်နှင့် လုပ်ကိုင်ဆောင်ရွက်ကြဖို့
အထူးလိုအပ်နေပါပြီ။ အမျိုး ဘာသာ သာသနာအတွက် တက်ကုန်ရွက်ကုန်လွှင့်ပြီး
စီးပွားရေး လုပ်ငန်းများကို လုပ်ကိုင်ဆောင်ရွက်နိုင်ကြလျှင်
မြန်မာ့တိုင်းရင်းသားများ မကြီးပွားစရာ အကြောင်းမရှိပေ။
ထိုကဲ့သို့လုပ်ကိုင် ဆောင်ရွက်ခြင်းသည် သမ္မာသမ္ဗုဒ္ဓခေါ်တွင် မြတ်ဘုရားရှင်၏
အလိုဆန္ဒနှင့် ကိုက်ညီပါ ကြောင်း တင်ပြလိုက်ရပါသည်။

သီတဂူ- အရှင်ဒေ၀ိန္ဒာဘိဝံသ


ဦးကောမလ


သာသနတက္ကသီလဓမ္မာစရိယ

B.A (Buddhism)

M.A (University of Kelaniya)

မကုဋာရာမ မြန်မာကျောင်း
ကိုလံဘိုမြို့
သီရိလင်္ကာနိုင်ငံ။

(မြန်မာချစ်သူများဆိုဒ်ထဲက အရှင်ဒေ၀ိန္ဒာဘိဝံသရေးပို့လိုက်သည့်
ဆောင်းပါးလေး တစ်ပုဒ်လေးကို ဖော်ပြထားတာပါ။)
ချစ်တဲ့
(ရနံ့ချို)

သတိနဲ့ နေကြရအောင်...

27/09/2010နေ့ ထုတ်သတင်းစာမှာပါလို့  စင်ကာပူမှာနေတဲ့ သူငယ်ချင်းတွေရော၊
မြန်မာပြည်မှ သူငယ်ချင်း၊အသိမိတ်ဆွေများအတွက် ဆင်ခြင်နိုင်ရန်၊
သတိထားနိုင်ရန် ဝေငှလိုက်တာပါ။

သတင်းပါအကျဉ်းချုပ်ကတော့ စင်ကာပူမှ နေအိမ်တခုမှာ လူ ၆ယောက် လာပီး
National Environment Agency
(N.E.A) ကဆိုပီး ၀င်လာတယ်။ ဒီမှာ NEA က ခြင်ဆေးတွေ လိုက်ဖြန်းပေးတာတွေ၊
ခြင်ရှိမရှိ လိုက်စစ်တာတွေရှိပါတယ်။
ပီးတော့ ဒမြတိုက်သွားတယ်တဲ့။ $ 100,000 ကျော်ပါသွားတယ်။
ကိုယ်မသိတဲ့သူဆိုရင် သေချာမေးပီး၊ ID တွေပြခိုင်းပီးမှ ၀င်ခွင့်ပြုတာ
အကောင်းဆုံးပါ။
စင်ကာပူမှာတောင် စိတ်မချရပါဘူး။ ခုတလောစလုံးမှာလဲ လူသတ်မှုတွေ၊
လုယက်မှုတွေ ခဏခဏ ဖြစ်နေပါတယ်။ မိန်းခလေးများချည်းနေတဲ့ အိမ်တွေဆို
ပိုလို့တောင်သတိထားသင့်ပါတယ်။ ကိုယ့်ကိုပါ ကျူးလွန်သွားနိုင်ပါတယ်။

မြန်မာပြည်မှာနေထိုင်တဲ့ သူတွေ ကပိုသတိထားသင့်ပါတယ်။

ဘာကြောင့် အခြေခံအဆင့်ကနေ မတက်နိုင်တာလဲ

ဘာကြောင့် အခြေခံအဆင့်ကနေ မတက်နိုင်တာလဲ

ကျွန်တော်တို့ အခြေခံအဆင့်ကနေ ဘယ်လို ရုန်းထွက်ကြမလဲ။ အခြေခံ အဆင့်ဆိုတာ ဘာကို ခေါ်တာလဲ။ နည်းပညာ နယ်ပယ်မှာ အဆင့်တွေကို ဘယ်လိုခွဲလဲ စသည်ဖြင့် မေးခွန်းတွေ တစ်ခုပြီး တစ်ခု ကိုယ်ကိုကိုယ် ပြန်မေးကြည့် ပါတယ်။ ဘယ်လိုမှ အဖြေရှာ မရပါဘူး။ ဒီလိုနဲ့ အဖြေရမလားဆိုပြီး အင်တာနက်မှာ ရှာကြည့်ပြန်တော့လည်း အဖြေက ရေရေရာရာ မတွေ့ပါဘူး။ အဲဒီတော့ မဖြစ်သေးပါဘူး ဆိုပြီး မေးခွန်းကို ပြောင်း မေးကြည့် ပါတယ်။ ကျွန်တော်တို့ အခြေခံ အဆင့်ကနေ ဘာကြောင့် မတက်နိုင်တာလဲ၊ ဘယ်လို အတားအဆီးတွေ ရှိနေပါသလဲ စသည်ဖြင့် မေးခွန်းတွေ ပြောင်းမေးကြည့်မှ ကျွန်တော်တို့ အခြေခံအဆင့်ကနေ မတက်နိုင်ရခြင်း အကြောင်းအရင်းခံတွေ အများကြီး တွေ့လာပါတော့တယ်။ ဒီတော့ ကိုယ့်ကိုကိုယ် ပြန်သုံးသပ် တာလည်း ပါသလို အခြေခံအဆင့်က ရုန်းထွက်လိုသူတွေကိုပါ အချင်းချင်း အပြန်အလှန် အကူအညီ ပေးတဲ့အနေနဲ့ ဒီပို့စ်ကို ရေးလိုက်ရခြင်း ဖြစ်ပါတယ်။ အားနည်းချက်များ လိုအပ်ချက်များ ရှိပါက ထောက်ပြ ဝေဖန်ပေးစေလိုပါတယ်။

ပထမဦးဆုံး ကျွန်တော်အမြင်အရ အခြေခံအဆင့်ကနေ ရုန်းထွက်နိုင်သူကို ပုံဖော်ကြည့်ပါ့မယ်။ လူတစ်ယောက်က Apache, PHP, MySQL စသည်ဖြင့် တွဲစပ်နေတဲ့ အတွဲအစပ်တစ်ခုကို အစကနေ လေ့လာမယ် ဆိုပါတော့။ ခုမှ စမယ့်သူအတွက်တော့ လေ့လာစရာတွေ အများကြီး ဖြစ်နေပါလိမ့်မယ်။ ဒီလို လေ့လာနေရင်း၊ လက်တွေ့လည်း စမ်းသပ်နေရင်း တစ်ချိန်မှာ အဲဒီ နည်းပညာကို လိုက်မှီသွားတဲ့ အခြေအနေတစ်ခုကို ပိုင်ဆိုင်လာ ပါလိမ့်မယ်။ အဲဒီလို လိုက်မှီပြီဆိုရင် ကိုယ့်အတွက် အဲဒီနည်းပညာ အသစ်ထွက်တိုင်း အသစ်ထွက်တဲ့ Feature ကို နားလည်အောင် အသုံးချတတ်အောင် Upgrade လုပ်နေဖို့ပဲ လိုပါတော့တယ်။ အဲဒီလို အခြေအနေမှာဆိုရင် အချိန်နှင့် အမျှ Upgrade လုပ်နေစရာလည်း မလိုတော့ပဲ အချိန်ကာလ တစ်ခုခု ကြာမှသာ Upgrade လုပ်ဖို့ လိုပါတော့တယ်။ ဒီလိုပါပဲ WordPress Theme Developer တွေအနေနဲ့ 2.9.x series နဲ့ လုပ်ကိုက် ဆောင်ရွက်နေတာ အချိန်တွေ မနည်းတော့ပါဘူး။ ခုမှ 3.0 ထွက်မှာပါ။ အဲဒီလို ထွက်တဲ့ အခါကျရင်လည်း ဘာတွေ အသစ်ဖြစ်လာလဲ၊ ဘာတွေ အသစ်ပါလာလဲ စသည်ဖြင့် လေ့လာပြီး Adapt လုပ်လိုက်ရုံပါပဲ။ ဒီလို အဆင့်ကို ရောက်ပြီဆိုရင် အခြေခံအဆင့်က ရုန်းထွက်နိုင်ပြီလို့ ကျွန်တော် ယူဆပါတယ်။ ကျွန်တော့် ယူဆချက် သက်သက် ဖြစ်ကြောင်း ဝန်ခံပါတယ်။ ဒီတော့ ကျွန်တော်တို့ ဘာကြောင့် အခြေခံအဆင့်က မတက်နိုင်တာလဲ ဆိုတဲ့ အချက်တွေကို သုံးသပ်ကြည့်ရအောင် …

(၁) ငယ်ရွယ်စဉ်ကတည်းက တွေးတောဆင်ခြင်ခြင်းဆိုင်ရာ သင်ကြားမှုများ အားနည်းခဲ့ခြင်း

နည်းပညာဆိုတာ အရင်းခံက အတွေးပါ။ Thinking ပါ။ Thinking ဆိုတဲ့နေရာမှာလည်း ပုံမှန် သမာရိုးကျအတွေး (Linear Thinking) နဲ့ မလုံလောက်ပါဘူး။ သမာရိုးကျ မဟုတ်တဲ့ (Non-linear Thinking) တွေ များများ တွေးတတ်မှ အလုပ်ဖြစ်ပါတယ်။ အဲဒီလို တွေးတတ်ဖို့ဆိုတာ ငယ်ငယ်ကတည်းက သင်ယူလာဖို့ လိုပါတယ်။ လိုင်းတား၊ ဘာမှမစဉ်းစားပဲ ဒီအတိုင်း အလက်ကျွတ်ပြီး ဖြေလာတဲ့ အလေ့အထတွေက ဦးနှောက်တွေကို သေသွားစေပါတယ်။ နည်းပညာကို သင်မယ် ဆိုတော့မှာ အသည်းအသန် တွေးရပါတော့တယ်။ အဲဒီမှာ အတွေးအတွက် အချိန်တွေ ပေးရပါတော့တယ်။

ကျွန်တော် နယ်မြို့ငယ်လေး တစ်မြို့မှာ ရှစ်တန်းတက်တုန်းက ဆရာနှစ်ယောက်ကို ဂါရဝပြု သတိရမိပါတယ်။ မြန်မာစာဆရာနဲ့ သင်္ချာဆရာပါ။ မြန်မာစာ ဆရာရဲ့ နာမည်က ဦးအောင်သန်းဦး ဖြစ်ပြီး အမြဲတမ်း ပန်းနာရင်ကျပ်နဲ့ နဘန်းလုံး နေရပါတယ်။ ကျွန်တော်တို့မှာ ဆရာနဲ့ စာသင်ချင်လွန်းလို့ ဆရာ နေကောင်းတဲ့ အချိန်အထိ ပြုစုတဲ့သူက ပြုစု ရေပူရေချမ်း ကမ်းတဲ့သူက ကမ်းပြီး စောင့်ရပါတယ်။ ဆရာစာသင်တဲ့ ပုံစံကို ကျွန်တော် ပြောပြပါ့မယ်။ ဆရာက မြန်မာကဗျာတွေကို သင်တော့မယ့်ဆိုရင် အရင်ဆုံး တယောပြားလေးနဲ့ထိုးပြီး ကဗျာကို အရင်ဆိုပြပါတယ်။ အဲဒီကဗျာကို ရေးတုန်းက ကဗျာဆရာရဲ့ ပုံရိပ်ကို မျက်စိထဲ မြင်လာအောင်၊ ကဗျာဆရာရဲ့ ခံစားချက်ကို ဖမ်းဆုတ်မိလာအောင်၊ ဘာကြောင့် ဒီလိုကဗျာတွေ ထွက်အံကျလာရသလဲ စတဲ့ ပုံရိပ်တွေကို အရင် သင်ပေးပါတယ်။ အဲဒီလိုသင်ပေးပြီးမှာ ကဗျာကို ရှင်းပြပါတယ်။ ဒီတော့ ကျွန်တော်တို့မှာ ကဗျာကို ခံစားတတ် စဉ်းစား တတ်လာပါတယ်။ ကိုယ့်ဘဝတွေနဲ့ မတူတဲ့ ဘဝတွေကို Alternative Thinking လုပ်လို့ ရလာပါတယ်။

နောက်ဆရာ တစ်ယောက်က ဆရာဦးကြည်ဝင်းပါ။ သင်္ချာဆရာပါ။ ဆရာက စာသင်တော့မယ် ဆိုတာနဲ့ Blackboard ကို နှစ်ပိုင်းပိုင်း လိုက်ပါတယ်။ တစ်ပိုင်းက ကြိုက်တဲ့သူ ထွက်တွက်ဖို့ တစ်ပိုင်းကတော့ သူတွက်ပြဖို့ပါ။ အဲဒီလို ကြိုက်တဲ့သူ ထွက်တွက်ဆိုတာနဲ့ ကျွန်တော်ရယ် ကျွန်တော့် သူငယ်ချင်း တစ်ယောက်ရယ် အမြဲတမ်း ဒိုင်ခံထွက်တွက်ကြပါတယ်။ အဲဒီလို တွက်တဲ့အခါမှာ သူနဲ့ မတူအောင် တွက်နိုင်ရင် ဆရာအရမ်း ပျော်ပြီး ချီးမွန်းခန်းဖွင့်လို့ကို မဆုံးတော့ပါဘူး။ အဲဒီလို မတူတဲ့ တွက်နည်းနှစ်ခုကို နှိုင်းယှဉ်ပြီး ပြန်ရှင်းပြလေ့ ရှိပါတယ်။ သူနဲ့ တွက်နည်း တူနေတယ် ဆိုရင်တော့ Alternative Ways တွေကို ပြောပြပြီး တွက်ခိုင်းလေ့ ရှိပါတယ်။ ဒီလို ဆရာကောင်းနှစ်ဦးနဲ့ ကြုံခဲ့တဲ့အတွက် နည်းပညာနယ်ပယ်မှာ မတောက်တစ်ခေါက် တွေးတတ်လာတာလို့ပဲ ကျွန်တော်ကိုယ် ကျွန်တော် ယူဆပါတယ်။

ငယ်စဉ်ကတည်းက တွေးတတ်အောင် မသင်လာခြင်းဟာ မိဘတွေနဲ့လည်း ဆိုင်မယ်ထင်ပါတယ်။ မိဘတွေ ကိုယ်တိုင်က သားသမီးတွေကို တွေးတတ်အောင် သင်ပေးဖို့ထက် အလွတ်ကျက်ဖို့ အားပေးတတ် ကြပါတယ်။ ဒီတော့ တွေးဖို့ထက် ကျက်ဖို့ အားသန် သွားပါတော့တယ်။ ဒီလို အတွေးကို တားစီးလိုက်ခြင်းဟာ နည်းပညာနယ်ပယ်မှာ အခြေခံအဆင့်က မတက်စေတဲ့ ပထမဦးဆုံးနဲ့ အရေးအကြီးဆုံး အတားအဆီးပဲလို့ ကျွန်တော် ယူဆပါတယ်။ တိုးတက်နေတဲ့ ဖွံ့ဖြိုးနေတဲ့ နိုင်ငံတွေကို ကြည့်မယ်ဆိုရင် ငယ်စဉ်ကတည်းက တွေးတတ်အောင်၊ Literal Thinking လို ခက်တဲ့ အတွေးတွေကို တွေးတတ်အောင် စနစ်တကျ သင်ပေးနေတာ တွေ့နိုင်မှာ ဖြစ်ပါတယ်။ ဒီတော့ ကလေးတွေအနေနဲ့ ငယ်စဉ်ကတည်းက တွေးတတ်နေတော့ နည်းပညာနဲ့ ထိတွေ့တဲ့အခါ တွေးနည်းတွေကို တန်းသုံးရုံပါပဲ။ ဒီတော့ အချိန်တိုတိုအတွင်းမှာ နည်းပညာနဲ့ ယဉ်ပါးတဲ့သူ ဖြစ်သွားပါ တော့တယ်။

(၂) အင်္ဂလိပ်စာဖတ်နိုင်မှု အားနည်းခြင်း

ဒါကတော့ ဟိုးကတည်းက ခုအချိန်ထိ မဖြေရှင်းနိုင်သေးတဲ့ ပြဿနာပါ။ ဆယ်နှစ်လောက် အင်္ဂလိပ်စာ သင်လာပြီး ဘာကြောင့် မတတ်ရတာလဲ ဆိုတာကိုတော့ ကျွန်တော်ကိုယ်တိုင်လည်း နားမလည်ပါဘူး။ တကယ်တော့ ဆယ်နှစ်မလိုပါဘူး။ နှစ်နှစ် သုံးနှစ်နဲ့ အတိုင်းအတာ တစ်ခုအထိ ပြောနိုင် ဖတ်နိုင် ရေးနိုင်တဲ့ အခြေအနေမှာရှိပါတယ်။ ဒီလို အင်္ဂလိပ်စာ မဖတ်တတ်တော့ အိုင်တီကို ထိမယ်ဆိုတာနဲ့ တိုင်ပတ်ပါတော့တယ်။ အိုင်တီကို တိုက်ရိုက်လေ့လာလို့ ရရမယ့်နေရာမှာ အင်္ဂလိပ်စာက လာခံနေတော့ အင်္ဂလိပ်စာတတ်အောင် ပြန်သင်နေရပါတယ်။

ဒီနေရာမှာ မြန်မာလို ဖတ်လို့ရအောင် ရှာမယ်ဆိုရင်တော့ မလွယ်ပါဘူး။ ဘာသာပြန်တဲ့သူတွေ ပြန်ဖို့ မမှီလောက်အောင် နည်းပညာစာအုပ်တွေက အထွက် မြန်ပါတယ်။ အဲဒီလို ထွက်သမျှတွေကလည်း အင်္ဂလိပ်လိုပဲ ရေးထားတော့ အင်္ဂလိပ်စာ မဖတ်တတ်ရင် လေ့လာလို့ မရတော့တဲ့ အခြေအနေ ရောက်သွား ပါတော့တယ်။ သင်တန်းသွားတတ်တော့ ဆရာသင်တဲ့အတိုင်း ရပါတယ်။ ကိုယ့်ဘာသာ လေ့လာမယ်ဆိုတော့ Self-study လုပ်မယ်ဆိုတော့ အားလုံးက အင်္ဂလိပ်လိုတွေပဲ တွေ့ပြီး တစ်နေပါတော့တယ်။

(၃) နယ်ပယ်တစ်ခုတည်းကို စူးစိုက်သင်ယူမှု အားနည်းခြင်း

ကျွန်တော် ကွန်ပျူတာ အခြေခံတက်ပြီးတဲ့ အချိန်ကို သွားသတိရပါတယ်။ အဲဒီအချိန်တုန်းက ဟိုလူ့ကို မေးတော့ Graphic Design၊ ဒီလူ့ကို မေးတော့ Programming အဲဒီလို နည်းလမ်းမျိုးစုံ အကြံမျိုးစုံကြားမှာ ဘယ်ဟာ လုပ်ရမှန်း မသိဖြစ်ခဲ့ဘူးပါတယ်။ အဖေတွေ အမေတွေကလည်း မင်းကွန်ပျူတာ သင်နေတာ ဘာလုပ်စားမှာလဲ စသည်ဖြင့် Pressure တွေပေးလာတော့ စိတ်ဓာတ်တွေ ကျလာပါတယ်။ ဒီလိုနဲ့ နယ်ပယ်တစ်ခုကို သီးသီးသန့်သန့် မရွေးတတ်တော့ပဲ ဟိုလူလာ ဟိုလူနဲ့ ယောင်၊ ဒီလူလာ ဒီလူနဲ့ ယောင် ယောင်ခြောက်ဆယ် ဖြစ်နေပါတော့တယ်။ ဒါတောင် ကျွန်တော်တို့တုန်းက ကွန်ပျူတာနဲ့ ပတ်သက်ရင် နယ်ပယ်တွေ အများကြီး မရှိသေးပါဘူး။ အခွင့်အလမ်းလည်း အင်မတန် နည်းသေးတဲ့ အချိန်ပါ။ ခုချိန်ဆိုရင်တော အခွင့်အလမ်းလည်း များလာသလို နယ်ပယ်တွေလည်း များလာပါတယ်။ ဒီတော့ ပိုပြီး ယောင်လို့ကောင်း လာပါတယ်။ ကျွန်တော်တို့တုန်းက ယောင်ခြောက်ဆယ် ခုချိန်ဆိုရင်တော့ ယောင် ၂၀၀ လောက်ဖြစ်နေပြီ ထင်ပါတယ်။

ကွန်ပျူတာ စလေ့လာခါစက သူငယ်ချင်း တစ်ယောက်ကို သတိရပါတယ်။ အဲဒီတုန်းက သူ့ကြောင့်ပဲ ကျွန်တော် ကွန်ပျူတာ တက်ဖြစ်ခဲ့တာပါ။ ကျွန်တော်ကတော့ သူစပေးတဲ့အတိုင်း ကွန်ပျူတာကိုပဲ တစ်ဆင့်ခြင်း တက်ခဲ့ပေမယ့် သူကတော့ ဟော်တယ်သင်တန်း ဆိုလည်း သွားတက်ပါတယ်။ ဟိုသင်တန်းကောင်းတယ် ဆိုလဲ သွားတက်ပါတယ်။ အစကတော့ သူတက်တဲ့အတိုင်း လိုက်တက်ကြည့်ပါသေးတယ်။ နောက်တော့ စိတ်မပါတော့တာနဲ့ သူနဲ့ လိုက်မတက် ဖြစ်တော့ပါဘူး။ အဲဒီအချိန်တုန်းကတော့ သူနဲ့ စကားပြောတဲ့အခါ အင်မတန် အားကျရပါတယ်။ ဟိုဟာဆိုလည်း သူမပြောနိုင်တာ မရှိ၊ ဒီဟာဆိုလည်း သူမသိတာ မရှိ လက်ဖက်ရယ်ဝိုင်းမှာ အမြဲဦးဆောင်လေ့ ရှိပါတယ်။ ခုနောက်ပိုင်း ပြန်တွေ့တော့ တက်စီ မောင်းနေတယ်လို့ သိရပါတယ်။ ကျွန်တော်လည်း အရမ်းအံ့သြပြီး သူ့ကို မေးကြည့်ပါတယ်။ အရင်တုန်းက တက်ခဲ့တာတွေ မသုံးတော့ ဘူးလားဆိုတော့ သူက ပြန်ပြောပါတယ်။ အခု အသုံးတည့်နေတယ်တဲ့၊ တက်စီ စီးတဲ့ Passenger က ကွန်ပျူတာသမားဆို ကွန်ပျူတာ အကြောင်း ပြောတယ်တဲ့။ ဟော်တယ်က ဆိုရင် ဟော်တယ်အကြောင်း ပြောတယ်တဲ့။ သူနဲ့ အဆင်မပြေတဲ့ Passenger မရှိဘူးလို့ ဆိုပါတယ်။

ကျွန်တော် အပေါ်မှာ ပြောခဲ့သလိုပါပဲ။ နည်းပညာတစ်ခုကို လိုက်မှီသွားတဲ့ အခြေအနေဆိုတာ နယ်ပယ်တစ်ခုတည်းကို ကွက်ပြီး သူနဲ့ ဆက်စပ် ပတ်သက်နေတာတွေ တွဲစပ်လေ့လာမှသာ ဖြစ်နိုင်တာပါ။ အဲဒီလိုမဟုတ်ပဲ နယ်ပယ်စုံ လေ့လာနေရင်တော့ ဟိုနေရာမှာလည်း အခြေခံ၊ ဒီနေရာမှာလည်း အခြေခံပဲ ဖြစ်နေပါလိမ့်မယ်။

(သူငယ်ချင်း တစ်ယောက်ရဲ့ မေးလ်ကနေ ပြန်လည်မျှဝေပေးလိုက်တယ်နော်။ မူရင်းက http://www.myanmartutorials.com မှာ ရှိပါတယ်)....

ချစ်တဲ့

(ရနံ့ချို)

....မာနမဲ့စွာ....

....မာနမဲ့စွာ....

ပြက်ရယ်ပြုမှုကိုခံရသည့်အခါ
အားငယ်သွားတတ်သော်လည်း
မည်သည့်အခါမျှ စိတ်မဆိုးရက်ပါလေ...

အနိုင်ကျင့်မှုကို ခံရသည့်အခါ
ဝမ်းနည်းသွားတတ်သော်လည်း
မည်သည့်အခါမျှ မနာကြည်းရက်ပါလေ...

တန်ဖိုးမထားမှုကို ခံရသည့်အခါ

မကျေနပ်မှုကို ခံစားရတတ်သော်လည်း
မည်သည့်အခါမျှ မငြိုငြင်ရက်ပါလေ...

စွန့်ပစ်သွားခြင်းကို ခံရသည့်အခါ
ကျွမ်းမြေ့လောင်မြိုက်စွာ ပူပန်ရသော်လည်း
မည်သည့်အခါမျှ မေ့လျော့၍ မရနိုင်ပါလေ...

စတွေ့သည်မှ
ငါသည်သင့်အား
မာနတရားကို ပေးအပ်ထားခဲ့သောကြောင့်တည်း...။

မောင်စိန်ဝင်း(ပုတီးကုန်း)

ရင်ထဲ... နွယ်

မမေ့သေးအောင် ခြေရာဟောင်းတွေက ဝေဒနာပြောင်း


အသစ်တွယ် ချစ်တယ်ဆိုတာက တသက်လုံး

တမင်လွမ်းစေရော့ ရှင်ခန်းဖြတ် အပူမျှသူလို့

ယူဆကာ တသက်နာကြည်းပါရစေတော့

ဆက်စရာ ခရီးဆိုတာ တယောက်တလမ်းပေမို့

တယောက်ပန်းလျှင် တယောက်ထူ

တယောက်ပူတော့ တယောက်မျှ

နှစ်ယောက် တဘ၀ နှစ်ကိုယ့်တစိတ်

အတွေးတွေလဲ ဟိုး..

အတိတ် အဝေးမှာ အသာချန်တော့

ကြမ္မာကံ တခန်းရပ်က

( ဒို့နှစ်ယောက် ) ကို လွမ်းဇာတ်နဲ့ဆုံး…
(ဖတ်မိတဲ့ ကဗျာထဲက နေ အမှတ်တရ ပို့စ်နေနဲ့ တင်လိုက်တယ်။ ကဗျာလေးကို ခေါင်းစဉ်နံမည်ပဲ မှတ်မိတော့လို
လိုက်ရှာတော့ ကဗျာချစ်သူများဆုံဆည်းရာ မှာသွားတွေ့တာနဲ့ သူတင်ထားတဲ့ ပုံလေးကိုပါ တစ်ခါတည်း တင်လိုက်ပါတယ်။ ကျေးဇူးတင်ပါတယ်)

(ရနံ့ချို)