နိဂုံး

ယုံချင်ယုံ၊ မယုံချင်နေ….
မင်းတမ်းတခဲ့တဲ့ မိုးရေစက်တွေက
ကမ္ဘာမြေပြင်ကို ပြောင်းလဲ ပစ်ခဲ့သလား
မင်းနှလုံးသားထဲက ပန်းများပွင့်လေမလား
ငါ့အသည်းထဲမတော့ ဗွက်ပေါက်သွားခဲ့ရတယ်

ပြူတင်းပေါက်က ငါ ဖွင့်ကြည့်ခဲ့ ဒီလိုမိုးများ ရွာခဲ့တယ်

ပျားရည်လေးလို ချိုတယ်
ဝိုင်တစ်ခွက်လို ရှတတလေးနဲ့ ချိုတယ်
မေတ္တာတရားဆိုတာ ရောင်ပြန်ဟပ်တတ်တယ်တဲ့
ယုံချင်ယုံ ၊ မယုံချင်နေပါဗျာ
သစ္စာ တော့ မစူးစေချင်ပါ တဲ့။

အော် ... အင်း
ပုံပြင်လေးကတော့ ဒါပါပဲ ညီမလေးရယ်...။
(ဘာရယ်မဟုတ်ဘူး။ စိတ်ထဲမှာ ခံစားမိတဲ့ ကျဆုံးမှုတစ်ခုကို မှတ်တိုင်စိုက်ချင်လို့။ ကျောပြင်မှာ ချုပ်ရိုးဘလဗွနဲ့ လူဟားချင်စရာ အင်္ကျီ ပြောင်းပြန်ဝတ်မိတဲ့နေ့ပေါ့ :P )
ရနံ့ချို

ဒီနှစ်ဆောင်း အတွက်

မနှစ်က ဆောင်း
ဒီနှစ် ဆောင်း
အေးတာခြင်းအတူတူ
ဒီနှစ်ဆောင်းက
အရိုးကွဲအောင် ၊ အသည်းခဲအောင်ပါ
အေးရက်နိုင်တယ်။

တိုးတိုးလေး ဆိုခဲ့သော
သီချင်းများ ပြန်ကြားသောအခါ
တမ်းတခြင်းက ဖောရောင်လာတယ်။
သက်ပြင်းချသံ တိုးတိုးအား
ပြန်လည် ဖော်ဆောင်မိသော
ဒီအတွေးတွေ ဒီဆောင်းနဲ့အတူ
အေးခဲသွားပါရစေ
ငါ အမှောင်ကျသွားလွန်းလို့။

ဒီနေရာ၊ ဒီအရပ်
ဒီဆောင်း ၊ ဒီရနံ့များ
ဒီအခက်အခဲများ
အသားကျပြီးသားဖြစ်ပါရက်
ခု...အရာအားလုံးနဲ့
စိမ်းသက်နေတယ်။

ကံတရားရေ...
တတ်နိုင်သလောက်
လှည့်ကွက်များ ၊ ရက်စက်မှုများ
ထုတ်သာသုံးပါ။
ငါ့ မြတ်နိုးခြင်းများကတော့
တစ်ရွေးသားမျှ လျော့သွားမှာမဟုတ်ဘူးဆိုတာ
ဒီဆောင်းအာရုဏ်ဦးကို သက်သေထား
ပြောလိုက်ပါရစေ...။

ပျော့ညံ့တယ်ဆိုဆို၊ ခေါင်းမာတယ်ပြောပြော
ငါ ဒီအတိုင်းပဲ ဆက်သွားမယ်...
အဆုံးသတ်မှာ ဘာဆိုဘာမှ မရှိတာသိပေမယ့်
ငါ ဒီအတိုင်းပဲ ဆက်သွားမယ်....။
ရနံ့ချို

(ဘာလိုလိုနဲ့ တစ်နှစ်ပြည့်ပြီပဲ.... ဒီဘလော့လေးရဲ့သက်တမ်း..။ လာလည်သောမိတ်ဆွေများအား ကျေးဇူးတင်ပါတယ်..)

ပြန်လာခဲ့ပါ - Bay Gyi

သုံးသပ်မှု

အတွေးတွေခါးသီးလွန်းလို့
မျက်လုံးစုံ ခနမှိတ်ထားလည်း
မြင်ယောင်ခါ တမ်းတ
ညတွေခါးသီးလွန်းလို့
အိပ်မက်တို့ ကင်းစွာ
ခန အိပ်ပါရစေ...။

အလွမ်းတွေဟာ တကယ်ဆို
စကားလုံးတွေဖြစ်စေရုံထက်မပိုခဲ့ဘူး။
အချစ်ဆိုတာက တော့
သက်တမ်းတိုတဲ့ ပရုပ်လုံးလေးလို
တဖြည်းဖြည်းနဲ့ ပါးပါးလိုက်လာတယ်။

ရိုးရိုးလေးတွေးတော့လည်း
အချစ် အချစ်နဲ့
အော် နေခဲ့သမျှ
နောက်ဆုံး....
ကိုယ့်ကိုကိုယ်ပဲ ပြန်တွေ့တယ်။
ရနံ့ချို

လွမ်းနေမှာပါ..

လွမ်းနေဦးမှာပါ...လူတွေ ဘ၀တစ်ခုစာ ရပ်တည်ဖို့အတွက် အမောတွေနဲ့ တစ်ထပ်တည်းကျနေတတ်တဲ့ ဒီမြို့လေးကို လွမ်းနေမှာပါ..။လုံလောက်တဲ့ သန့်ရှင်းစင်ကြယ်တဲ့ အချစ်တွေနဲ့ မက်မောစွာ ဖက်တွယ်ခဲ့ဖူးတဲ့ အလွမ်းတွေနဲ့အချိန်တွေနဲ့ အတူ...ရှင်သန်နေခဲ့တဲ့ ကိုယ်တိုင်ကိုလည်း လွမ်းနေမှာပါ။

တကယ့်ကို နှစ်နှစ်ကာကာပါပဲ။ ဆေးရောင်တွေလည်း စုံခဲ့ပြီလေ။ နှလုံးသားချည်းသတ်သတ် မြတ်နိုးစွာ ပျော်ဝင်ခဲ့ဖူးပြီပဲ။ ခုတော့.... တစ်သက်စာအလွမ်းတွေနဲ့ ရှင်သန်ခွင့်ရသလောက် အချိန်နဲ့အတူ ....။ အားလုံးကို ချန်ရစ်ထားခဲ့ပြီး... ချန်ထားခဲ့နိုင်အောင်လည်း ဆေးရောင်စုံတွေက သင်ပေးခဲ့ပြီလေ...။ လွမ်းနေရဦးမှာပါ...မကြာခန ညည်းနေမိတဲ့ စကားလေးတစ်ခွန်းပေါ့။
အိမ်ပြန်လမ်းလေး အဖေ့အတွက် အမေ့အတွက် နှလုံးသားဗလာနဲ့ အရှုံးတွေပိုက်ပြီး ပြန်ရဦးမယ်။ အိမ်ပြန်လမ်း ... သတ်မှတ်ချက်တွေနဲ့တော့ မလှဘူးပေါ့။ ဒါပေမယ့် ပြန်ခဲ့ပါပြီ.... ဘ၀ရဲ့ သင်ကြားမှုတွေ သင်ယူစရာတွေအများကြီးနဲ့ အတူ ပြန်ခဲ့ပြီ။

အဖေ ခွင့်လွှတ်ပါတော့... ။ ဘ၀ စုပ်ချက်မကြမ်းခဲ့အောင် လမ်းပြခဲ့တဲ့ ကျေးဇူးတွေကို မငဲ့တာမဟုတ်ပါဘူး။

မာနတွေ၊ သိက္ခာတရားတွေ၊ သတိတွေ၊ မြတ်နိုးခြင်းတရားတွေ ကို မြေမြုပ်သင်းဂြိုဟ်ခဲ့တဲ့ ဆေးရောင်စုံနေ့ရက်တွေ... ဒါတွေဟာ ကျွန်တော် မမျှော်လင့်ထားခဲ့ဖူးတဲ့ ဘ၀ရဲ့ သင်ခန်းစာတွေပါပဲလေ။ ဘ၀ကို ရိုးသားမှုတွေနဲ့ ကုပ်ကပ်ပြီး ရှင်သန်နိုင်အောင် ကြိုးစားခဲ့တာပဲ အဖေရယ်...။ ဒါပေမယ့်ဟိုး..........ချောက်နက်ထဲ နှလုံးသားတစ်စုံ ပါသွားခဲ့တယ်။ ရိုးရိုးသားသား ချစ်ခဲ့ မြတ်နိုးခဲ့ပါတယ်။ ရိုးသားစွာ ကြိုးစားပြီး ရှင်သန်ခဲ့ပါတယ်။ ကျွန်တော် တကယ်ကို ရိုးသားစွာ မြတ်နိုးခဲ့။ ကြည်နူးခဲ့ ။ ငိုကြွေးခဲ့ဖူးပါတယ်။ ဒါတွေအားလုံး ကျဆုံး အဖတ်ဆည်လို့မရအောင် သင်ပုန်းခြေသလို ကြွေခဲ့ရတယ်..။ဒီလူတွေကြားမှာ တစ်နေ့တော့ ရိုးသားမှုတွေရှိဦးမှာပါလို့ ဇွဲနပဲနဲ့ စောင့်လို့ နေခဲ့တယ်။

ခွင့်ပြုပါ အဖေ... ဒီညတော့ အဖေ့အိမ်လေးဆီ ကျွန်တော် ပြန်ခဲ့ပါရစေ...။ ကျွန်တော် ဒီတစ်ညတော့ အရောက်ပြန်ခဲ့ပါရစေ...။

့ရနံ့ချို

တောင်းပန်တယ်....

အပြောင်းအလဲ

နှစ်ဦးတူယှဉ်၊ ဒီအပင်အောက်
ပန်းကြွေကောက်စဉ်၊ ရင်တထိတ်ထိတ်
ဒီအရိပ်မှာ၊ ချစ်စိတ်ဝေခဲ့ဖူးပါတယ်.

သစ်မြစ်ဆုံခွ၊ ယှဉ်ထိုင်ကြရင်း
မြချောင်းရေကြော၊ ပန်းကြွေမျှောမိ
ကြည့်ရင်းကြည်နူး၊ ချောင်းနဖူးမှာ
စိတ်ကူးနုသစ်ခဲ့ဖူးတယ်.

ခင်ကပစ်တော့
ဒီသစ်ပင်အောက်၊ ပန်းမကောက်ချင်
နွမ်းခြောက်သွေ့ဆိတ်၊ ဒီအရိပ်မှာ
လွမ်းစိတ်ရာထောင် ဝေဖူးတယ်.

ခင်မကြင်တော့
ညင်ညင်ရေစီး၊ တမ်းတညည်းဟန်
ခင့်ရယ်သံလား၊ ၀ိုးဝါးထင်မိ
ကြည့်လေရာရာ၊ ဝေဒနာနှင့်
ရေပြာအလှ ကင်းဖူးတယ်.

ဩော်… နှစ်တွေကြာလို့
တစ်ခါတစ်ခေါက်၊ ဒီကိုရောက်လျှင်
တို့ငယ်စဉ်က၊ နှောင်မျှင်တွယ်ရစ်
အချစ်အလွမ်း၊ ဖမ်းစားညှို့ငင်
ဒီသစ်ပင်ကား၊ ချောင်းရေစား၍
ကမ်းပါးပြိုနောက် ပါလေပြီ…

ဒီကပြန်လျှင်၊ ရင်မခုန်တတ်
မလွမ်းတတ်တော့၊ စိတ်ဓာတ်ရင့်ကျက်
ခံစားချက်တို့၊ ပျက်ပြယ်ခဲ့ရ
အနည်ကျပြီ…
ဘ၀ဆိုတာ… ဒါပဲ ခင်…

မောင်စိန်ဝင်း (ပုတီးကုန်း)

ကြယ်ခတ်သံ-မင်းခိုက်စိုးစန်

ရှိသည် ၊ ဖြစ်သည် ၊ ချစ်သည် (ချမ်းချမ်း)

"ကြယ်ခတ်သံ"

လက်ထပ်တယ်ဆိုတာ
ကြယ်တွေချင်း ထိခတ်သလို
အလင်းတွေ အမြတ်ထွက်မယ်
...ပြီးတော့...
ကြောက်မက်ဖွယ်..
ပွတ်တိုက်သံတွေလည်းရှိမယ်။
သဘောထားမတိုက်ဆိုင်တဲ့
လမ်းခွဲခြင်းအချိုးအကွေ့တွေမှာ
နှုတ်ခမ်းချင်း တိုးဝှေ့ဖူးတာတွေကို
ပြန်သတိရလိုက်ပါ။
အိမ်ထောင်ရေးဟာ
မြင်းကိုသံခွာရိုက်ပေးသလိုမျိုး
အချစ်ကို သံခွာရိုက်ပေးရတာပေါ့။
လမ်းကြမ်းတဲ့ တာဝေးခရီးမှာ
နှလုံးသားခွာအစုံ
စိတ်အမောလုံဖို့ လိုတယ်။
(မင်းခိုက်စိုးစန်)
********************

နေ့စွဲ အမှတ်တရ ၁၀.၁၂.၂၀၁၀
သီချင်းလေးကို facebook ကနေရလိုက်တာလေးပါ..။ ဖန်တီးသူက မေ၁၁ လို့ဆိုထားပါတယ်။ကျေးဇူးတင်ပါတယ်...။

ယုံကြည်ချက်ဆိုတာ

ယုံကြည်ချက်ဆိုတာ အောင်မြင်သူတွေရဲ့ ရင်ဘတ်ထဲက ဘယ်တော့မှ မလဲတဲ့အလံဖြစ်တယ်။
ယုံကြည်ချက်ရှိရင် ထူးဆန်းအံ့သြစရာတွေက ပေါ်လာစမြဲဖြစ်တယ်။
ယုံကြည်ချက်ဆိုတာ စိတ်ဓာတ်ကို ထောက်ခံပေးတဲ့ အိမ်ခေါင်တိုင်ဖြစ်တယ်။
ယုံကြည်ချက်မရှိရင် စိတ်ဓာတ်တစ်ခုလုံး လဲပြိုနိုင်တယ်။
ယုံကြည်ချက်ဆိုတာ ခွန်အားရဲ့ရေသောက်မြစ်၊ အောင်မြင်ခြင်းရဲ့ လှေကားထစ်ဖြစ်တယ်။
လူတိုင်းလူတိုင်း ယုံကြည်မှုကို ပိုင်ဆိုင်နိုင်ပါတယ်။
ယုံကြည်မှုကို လက်ကိုင်ထားပြီး ဘဝကို ထူးဆန်းအံ့သြမှုတွေနဲ့ ဖန်ဆင်းနိုင်ပါတယ်။


ရေးသားသူ-- Hu Bao Lin

Air Condition and Mechanical Ventilation Course အား ပညာဒါနအဖြစ် အခမဲ့သင်တန်း ဖွင့်လှစ်သင်ကြားခြင်း

လေးစားရပါသော Lotus Foundation အသင်းဝင် ညီအကို၊ မောင်နှမများခင်ဗျား.............
အကြောင်းအရာ။ ။ Air Condition and Mechanical Ventilation Course အား ပညာဒါနအဖြစ် အခမဲ့သင်တန်း ဖွင့်လှစ်သင်ကြားခြင်း။
Lotus Foundation အသင်းဝင် ကိုကောင်းထက်ညွန့် (Dhammaweb) မှ AC/MV course အား စင်္ကာပူနိုင်ငံ ဖားအောက်ဝိပဿနာမြန်မာဘုန်းတော်ကြီးကျောင်း၌ အခမဲ့သင်တန်းအဖြစ် ဖွင့်လှစ်၍ စိတ်ပါဝင်စားသူ၊ မည်သူမဆို တို့အား ပညာဒါနပြုသင်ကြားပေးသွားဖြစ်ကြောင်း လေးစားစွာဖြင့် သတင်းကောင်းပါးလိုက်ရပါသည်။
သင်တန်းတက်ရောက်ရန် စိတ်ပါဝင်စားသော ညီအကို၊ မောင်နှမများအနေဖြင့် ကိုဝင်းထွန်းဆင့် (၉၀၂၂ ၃၆၄၃) သို့ တိုက်ရိုက်ဆက်သွယ်၍ စာရင်းပေးသွင်းနိုင်ပါသည်။

Location: Pa Auk Meditation Centre ,
No. 15 Toe Kim Eng Road.
(or) Room 21, Level 7,
Peninsula Plaza.

Time Table Day / Date Time
1. Tue 7th Dec 2010 7:30 PM to 9:30PM

2. Thu 9th Dec 2010 7:30 PM to 9:30PM

3. Tue 21th Dec 2010 7:30 PM to 9:30PM

4. Tue 28th Dec 2010 7:30 PM to 9:30PM

5. Thu 30th Dec 2010 7:30 PM to 9:30PM

6. Thu (Date to be confirmed)

7. Tue (Date to be confirmed)

8. Thu (Date to be confirmed)

9. Tue (Date to be confirmed)

ရိုသေလေးစားစွာဖြင့်LOTUS FOUNDATION