လောလောဆယ် ကျွန်မမှာ ချစ်သူတစ်ယောက်ရှိသည်။သူက ဆရာဝန် လူတန်း စားကို အရမ်းမုန်းတီးသည်။ ကျွန်မက မိမိကောင်းကျိုးအတွက် နိုင်ငံရပ်ခြားသို့ အလုပ်သွားလုပ်ကိုင်မည့်လူတန်းစားကို အရမ်းမုန်းတီး သည်။ သို့သော် … ကျွန်မတို့နှစ်ယောက် ထူးဆန်းစွာပင် ချစ်သူတွေ ဖြစ်ခဲ့ကြပါသည် ။ဆန့်ကျင်ဘတ် စိတ်ဓါတ်ရှိသူအချင်းချင်း ပေါင်းစပ်၍ ရ,မရ ကျွန်မစဉ်းစားနေဆဲမှာပင် ကျွန်မ တို့ နှစ်ယောက် ပေါင်းစပ်ခြင်းဖြင့် ပြင်းထန်သောအချစ်တစ်ခု ဖြစ်ပေါ်လာခဲ့ပြီး နေပြီ။ကျွန်မတို့ နှစ်ယောက် ချစ်သူတွေ ဖြစ်လာကြသည့် အချိန်မှစ၍ ကိုယ်စီ နောင်တတွေနှင့် နောက်ဆုတ်ထွက်ပြေးဖို့ နေ့စဉ် နေ့တိုင်း စဉ်းစား မိကြသည်။ သို့သော် နောက်ဆုတ်ဖျက်သိမ်းဖို့ကြိုးစားရင်းနှင့်ပင်ကျွန်မတို့ နှစ်ဦးအကြားတွင် ကြိုးစတွေ တစ် ရစ်ပြီး တစ်ရစ် တိုး၍ ချည်နှောင်ပြီးသား ဖြစ်နေပြီ။ကျွန်မလိုချင်သော ချစ်သူ၊ သို့မဟုတ် အိမ်ထောင်ဖက် အမျိုးအစား ထဲတွင် သူ မပါဝင်ခဲ့သလို သူ တစ်ခါတစ်ရံစိတ်ကူးတတ်သော ချစ်သူအမျိုးအစားထဲတွင် ကျွန်မ လိုမိန်းမမျိုး မပါဝင်ဘူး ဟု သူ အတိအလင်း ထုတ်ဖော်ပြောလေသည်။ ဤစကားမျိုး အပြန်အလှန်ပြောမိတိုင်း တစ်ယောက်ကို တစ်ယောက် ရန်လိုစွာခေတ္တစိုက်ကြည့်မိကြမြဲ။ သို့သော် ခဏအတွင်း စိတ်ကိုလျှော့ကာ အဖြစ်အပျက်ကို ရယ်မောဖို့ကြိုးစားကြမြဲဖြစ်သည်။
တစ်ယောက်၏အကျင့်စရိုက်ကို တစ်ယောက်က မနှစ်မြို့နိုင်ပါဘဲနှင့် ဘာဖြစ်လို့များ ကျွန်မတို့ ချစ်သူတွေ ဖြစ်ခဲ့ကြပါလိမ့်။ဤကဲ့သို့ ကျွန်မစဉ်းစားကြည့်တိုင်း ဘယ်တော့မျှ အဖြေ မရနိုင်သည့်ပုစ္ဆာတစ်ပုဒ် ကို တွက်နေရသလိုခံစားရလေသည်။
ကျွန်မက လွတ်လပ်ပွင့်လင်းမှုကိုသဘောကျသူ၊သူက ထိန်းချုပ်လျှို့ဝှက်မှုကိုသဘော ကျသူ ၊ ကျွန်မ၏မိသားစုမွေးချင်း ၊တစ်ဦးစီ၏စိတ်နေသဘောထား အလုပ်အကိုင်က အစ သူ့ကိုတစ်လုံးမကျန် ပွင့်လင်းစွာ ကျွန်မပြောခဲ့ပြီး ဖြစ်ပါလျက် သူ့မှာမွေးချင်းဘယ်နှစ်ယောက်ရှိမှန်းပင် ကျွန်မ မသိခဲ့ပါ။ သူကလည်း စကားစပ်ပြီး မပြောပြခဲ့ပါ။ ကျွန်မကလည်း စပ်စုစွာမေးကြည့်ဖို့စိတ်မကူးခဲ့ပါ။ ကျွန်မနှင့်သူခင်မင်သိကျွမ်းသည့်ရက်မှစ၍ ချစ်သူဖြစ်သွားကြသည့်အချိန်အထိ သုံးနှစ်ကျော်ကာလ ကြာမြင့်ခဲ့ပြီဖြစ်သော်လည်း ယခုအချိန်အထိ သူ့ဖခင် ဘာကြောင့် သေဆုံးသွားသည်ဆိုတာ ကျွန်မ မသိခဲ့ပါ။ သူကလည်း ပြောမပြခဲ့ပါ။
ကျွန်မကကိုယ့်အတွက်နှင့် သူတစ်ပါးစိတ်ဆင်းရဲဆုံးရှုံးရမည်ကို အလွန်စိုးရိမ်တတ်ပြီး တစ် ဖက်သားကို အမြဲငဲ့ညှာလေ့ရှိသူ ဖြစ်သည်။သူကတော့ ဘယ်သူသေသေ ငတေမာရင် ပြီးရော ဆိုသည့် လူစားမျိုးဖြစ်သည်။ သူ့ကို အတ္တကြီးသည် တစ်ကိုယ်ကောင်းဆန်သည်ဟု ကျွန်မပြင်းထန်စွာစွပ်စွဲတိုင်း သူက ပန်းနှင့်ပေါက်ခံရသလိုပင်ပြုံးပြုံးကလေး ၀န်ခံမြဲ ဖြစ်သည်။
တစ်ခါတုန်းကတော့ ကျွန်မနှင့်သူ အောင်မြင်မှု နှင့်ပတ်သတ်၍ အချီအချ စကားများ ကြဖူးသည်။လောကမှာ အောင်မြင်ကြီးပွားမှုကိုတော့ လူသားတိုင်း လိုချင်တပ်မက်ကြတာ သဘာဝပဲ မဟုတ် လား ။ သို့သော် စာနာမှု ဆိုတာလည်း လူသားတွေမှာရှိသင့်သည်ဟု ကျွန်မထင်သည်။
'' ကိုယ့်ဘ၀ခရီးလမ်းမှာ အောင်မြင်မှုတစ်ခုကို ရဖို့တစ်ယောက်ယောက်ကိုဖြတ်ကျော် နင်းပြီးမှ ရမယ်ဆိုရင်ကိုယ်ကတော့ အဲဒီ့နေရာမှာပဲရပ်နေလိုက်မယ်ရှေ့ဆက်မသွားသေးဘူး " ဟု သူ့ကို ပြောသောအခါ သူကပြုံးရယ်လေသည်။ သူ့အပြုံးကိုကျွန်မသိသည်။ခေါင်းမာသူ တစ်ယောက်၏အပြုံးမျိုးလေ။
" မင်းကတော့ အဲ့ဒီလိုမဟုတ်ဘူးဆိုတာ ကိုယ်သိတယ် " ဟု ကျွန်မခပ်တည်တည်စွပ်စွဲတော့ သူက ပြုံး၍ ထောက်ခံသည်။ " သိပ် သေချာတာပေါ့ " တဲ့ ။ ထို့နောက် သူ့အတ္တကို သူကိုယ်တိုင် ဖော်ထုတ် ၀န်ခံခဲ့၏။
" ကိုယ်ကတော့ ကိုယ့်ရှေ့မှာ ဘာကြီးပဲ ရှိနေပါစေ၊ ကိုယ်သွားချင်တဲ့လမ်းကို ရောက်အောင် သွားရမှာပဲ ၊ ကိုယ့်ရှေ့မှာရောက်လာတဲ့ ဘယ်လိုလူမျိုးကိုမှ မညှာတာနိုင်ဘူး၊အရေးကြီးတာ ပန်းတိုင်ရောက်ဖို့ပဲ " တဲ့ ။
တစ်ခါတစ်ခါကျတော့ သူ့မှာ နှလုံးသားမှ ရှိရဲ့လားဟု ကျွန်မ မကြာခဏ သံယယ ၀င်ခဲ့ရ လောက်အောင် သူက ပြတ်သားတိကျ သည် " မင်းမှာ နှလုံးသားမရှိဘူး " ဟု ကျွန်မ ညဉ်းညူတိုင်း " ကိုယ့်မှာ နှလုံးသားမရှိရင် မ, ကို ဘယ်လိုလုပ်ပြီး ချစ်မလဲ မ, ရဲ့ " ဟု ခပ်ပြုံးပြုံး ပြောလေ့ရှိပါသည်။ ********************************************************
' ကွိ ' စာအုပ်ကို ဖတ်အပြီးတွင် မြန်မာနိုင်ငံ မှာ ကွိလိုလူမျိုးတော့ရှိမှာမဟုတ်ပါဘူးဟု ကျွန်မတွေးခဲ့ဘူးသည်။ သူနှင့်ခင်မင်သိကျွန်းသော အခါ သူသည်ကွိနှင့် ထပ်တူမဟုတ်ပေမယ့် ကွိ လောက် နီးပါး လူမှုရေးညံ့ဖျင်းသူဟု တစ်စတစ်စ သိမြင်လာခဲ့သည်။
သူ၏ အလုပ်ချိန်တိကျမှု ၊ အချိန်စာရင်းကို လေးစားမှု ၊ လောက၀တ္တရားကို လျစ်လျူရှုရလောက်အောင် ကိုယ်ကျိုးရှာ အတ္တကြီးမားမှု တို့ကို ရှုတ်ချရင်းသူ့ကိုတစ်စတစ်စ သံယောဇဉ်တွယ်၍ ချစ်ခင်လာခဲ့သည်။ သူ့မာနနှင့် အတ္တကို မနှစ်မြို့စွာပင် ကျွန်မသူ့ကို ချစ်မြတ်နိုးခဲ့ပါသည်။ အလွန်စကားနည်း သူလည်းဖြစ်သော၊အရှက်ကြီးသူလည်းဖြစ်သော၊ ထိန်းချုပ် လျှို့ဝှက်တတ်သူလည်းဖြစ်သော သူ့ထံမှ ကျွန်မ ဘာကိုမျှ မျှော်လင့်မထားခဲ့သည်မှာ အမှန်ဖြစ်သည်။သူ ကျွန်မကိုချစ်မြတ်နိုးကောင်း ချစ်မြတ်နိုး လိမ့်မည်ဟု တစ်ခါတစ်ခါ ထင်ခဲ့ဖူးသော်လည်း နိုင်ငံရပ်ခြားသို့အလုပ်သွားလုပ်ရန် စိတ်ရောကိုယ်ပါ ကြိုးစားနေသူ တစ်ယောက်အဖြစ်လည်းကောင်း၊ အသွေးအသားထဲမှာကိုက မြန်မာစိတ်လုံးဝမရှိသူတစ်ယောက် အဖြစ်လည်းကောင်းသိထားပြီးသော ကျွန်မအနေနှင့် သူ့ထံမှ ဖွင့်ဟ၀န်ခံမည့် အချစ်ဆိုတာကို လုံးဝ မျှော်လင့်မထားခဲ့ပါ။
နောက်ပြီး သူနှင့်ကျွန်မက တစ်မြို့တည်းနေကြသူများလည်းမဟုတ် (ကျွန်မနှင့်သူ ၃၆၅ မိုင်ဝေးပါသည်။) တစ်ခါတစ်ခါမှ တွေ့ကြသူများဖြစ်၍ သူကလည်း သူ့အလုပ်တာဝန်နှင့် သင်တန်းများ အကြားတွင် ကျွန်မကိုမေ့နေနိုင်ရမည်။ ကျွန်မကလည်း ကျွန်မလူနာများနှင့်မိသားစုအတွယ်အတာ များအကြားတွင် သူ့ကိုမေ့နေနိုင်ရမည်။ဤကဲ့သို့ပင် ကျွန်မယုံကြည်ထားခဲ့၏။
သို့သော် သူကျွန်မကိုအလွန် ချစ်မြတ်နိုးသည့်အကြောင်း ကျွန်မထံစာရေးလာခဲ့ပါသည်။
ထို့နေ့က ကျွန်မအလွန်ကျေနပ်နှစ်သိမ့်နေခဲ့သည်။ယောက်ျားငါးယောက်အပေါ်စိတ်ကစားခဲ့ဖူသူ၊ ရည်းစားလေးယောက်ရှိခဲ့ဖူးသူ မိန်းမ တစ်ယောက်အနေနှင့် ပထမဆုံးအကြိမ်အဖြစ်ပျော်ရွှင်ရင်ခုန်ရသည့်ရည်းစားစာမှာ သူ့စာသာဖြစ်လေသည်။ဒါတောင်မှ ထိုရည်းစားစာသည် မြန်မာဘာသာဖြင့်မဟုတ်ပါ ။ ကျွန်မညံ့ဖျင်းသော အင်္ဂလိပ် ဘာသာဖြင့် ရေးထားခြင်းဖြစ်သည်။ သူကတောင်းပန်ထားပါသည်။
" အင်္ဂလိပ်ဘာသာနဲ့ ရေးလိုက်တာကို စိတ်မရှိပါနဲ့ ၊ မြန်မာလိုရေးရမှာ ရှက်နေလို့ " တဲ့လေ။ လဲသေလိုက်ပါလားဟု ကျွန်မ ကျိတ်ဆဲရေးလိုက်မိသေး၏ ။ ဘယ်မိန်းမ မဆို မြန်မာမိန်းမမှန်ရင် ကိုယ့်ချစ်သူကမြန်မာလို ချစ်ခွင့်တောင်းသည့် စာကိုသာ နှစ်သက်စွာဖတ် ချင်ကြပါလိမ့်မည်။ ကျွန်မကလည်း စိတ်ဓါတ်အားဖြင့် အလွန်မြန်မာဆန်သူတစ်ယောက် ပီပီ ချစ်သူ၏ မြန်မာလက်ရေးဖြင့် အချစ်အကြောင်းပြောပြသည့် စာကိုသာဖတ်လိုပါသည်။အံမာ … သူက ကျွန်မ အင်္ဂလိပ် စာသိပ် မကျွမ်းကျင်မှန်းသိ၍ အတတ်နိုင်ဆုံး လွယ်ကူရှင်းလင်းစွာ ရေးလိုက်ပါသတဲ့ ။ မောင်မင်းကြီးသားကို ကျေးဇူးတင်ရပါသည် ။ သို့သော် စာထဲမှာပင်ကျွန်မဘာသာပြန်၍ မတတ်သောစာကြောင်း သုံးကြောင်း ပါဝင်နေသေး၏။
သူနှင့် ကျွန်မစာသုံးစောင် အပြန်အလှန်ရေးသည်အထိ သူ အရှက်ကြီးဆဲ၊ အင်္ဂလိပ် ဘာသာဖြင့် ရေးဆဲ။(အင်္ဂလိပ်ဘာသာကို အပိုဘာသာအဖြစ် ကျွန်မတို့ မသင်ရဘူးဆိုလျှင် ကျွန်မနှင့်သူ ရည်းစားဖြစ်ဖို့ ဝေးပါသေး သည်။) ကျွန်မ သည်းမခံနိုင်သောအခါ သူ့ကိုရာဇသံပေး ရတော့သည်။
" မင်း ကိုယ့်ဆီကို မြန်မာလို မရေးရဲသေးဘူးဆိုရင်လဲ မင်းကိုယ့်ဆီ စာမရေးနဲ့ဦး ၊ အင်္ဂလိပ်လို တော့ ကိုယ် မဖတ်ချင်ဘူး "
ထိုအခါ သူက အလွန်သဘောကောင်းစွာ မြန်မာလိုရေးလေသည်။သူ့လက်ရေးက အင်္ဂလိပ်လက်ရေးလိုလည်း မလှ ။ ၀ါကျတွေကလည်း ကမောက်ကမ ။ သည်ကြားထဲ လက်ရေးက သော့လိုက်သေး၏ ။ အသုံးအနှုန်းတွေကလည်း တစ်ခုနှင့်တစ်ခု ထပ်နေ၏ ။ လူငယ်အသုံးအနှုန်းမျိုးလည်း မဟုတ်။ လွန်ခဲ့သည့် နှစ်ပေါင်းလေးငါးဆယ်လောက်က စကားအသုံးအနှုန်း မျိုးတွေ ပါတတ်သေးသည် ။ကျွန်မသည် အင်္ဂလိပ်ဘာသာဖြင့် စာများကိုသုံးလေးခေါက်ပြန်ပြန်ဖတ်ပြီး ရင်ခုန်ကျေနပ်လေ့ရှိသော်လည်း သူ့မြန်မာဘာသာဖြင့်စာများကိုတော့ တစ်ခေါက်ထက်ပိုပြီး မဖတ်တော့ပါ ။
ကျွန်မကဆရာဝန်သာဖြစ်သော်လည်း မြန်မာဘာသာကိုကျွမ်းကျင်စွာ၊ လှပစွာရေးဖွဲ့တတ်၏ ။သူကတော့ မြန်မာစာအဓိက ဂုဏ်ထူးတန်းအောင်မြင်ခဲ့သူ ဖြစ်ပါလျက်ဝါကျ လှလှကလေးများ မရေးဖွဲ့တတ်သူဖြစ်လေသည်။နောက်ဆုံးတော့ ကျွန်မကပဲ အလျှော့ပေးလိုက်ပါသည်။
" မင်းရဲ့ မြန်မာဘာသာစကားက ကိုယ်ရေးတဲ့ အင်္ဂလိပ်ဘာသာစကားလိုပဲ သိပ်ညံ့တယ်၊ ဒီတော့ မင်းကလည်း အင်္ဂလိပ်ရေး၊ကိုယ်ကလဲ မြန်မာလိုပဲရေးမယ် ... ဟုတ်ပလား " ဟုကျွန်မတို့နှစ်ယောက်အကြားက ဘာသာစကားခြားနားမှုကို ဤကဲ့သို့ ဖြေရှင်းလိုက်ပါသည်။
*********************************************************
သို့သော် ကျွန်မတို့နှစ်ယောက်ကြားတွင် ခြားနားမှုတွေ၊ကွဲလွဲမှုတွေ တစ်ခုပြီးတစ်ခုပေါ်ပေါက်လာခဲ့ပြန်လေသည်။ အဓိကခြားနားမှု တစ်ခုမှာ သူစကားအလွန်နည်းသောကြောင့်ဖြစ်ပေါ်လာခဲ့သည်။
သူက ထိန်းချုပ်သူလည်း ဖြစ်သောကြောင့် သူ၏၀မ်းသာခြင်း၊၀မ်းနည်းခြင်း၊ဒေါသဖြစ်ခြင်း စသည့်ခံစားမှုများကို မျက်နှာမှာ မပေါ်လွင်အောင်ထိန်းတတ်၏ ။ သူဝမ်းသာနေသလား၊ သူဝမ်းနည်းနေသလား သူ ဖွင့်မပြောလျှင် ကျွန်မ ဘယ်လိုမျှမသိနိုင်ပါ။
တစ်ခါတစ်လေကျွန်မရှေ့တွင် ထိုင်နေပြီး စကားတစ်ခွန်းမျှ မပြောဘဲ စီးကရက်ဆယ်လိပ်လောက် ကုန်အောင်သောက်ချင်သောက်နေတတ်၏ ။ ဤအခါမျိုးတွင် ကျွန်မမှာ စကားမရှိစကားရှာ၍ သူ့ကိုပြောပြနေပေမယ့် သူက အင်းမလှုပ် အဲမလှုပ် ။ ဟုတ်တယ် ၊ မဟုတ်ဘူးသာဖြေလျက် ငြိမ်သက်နေတတ်သည်။
" တစ်ခုခု ကို စိတ်ဆိုးသလား " မေးကြည့် ၊ " မဟုတ်ဘူး " ဟုဖြေမည် ။ " ကိုယ့်ကိုစိတ်ကောက်စရာအကြောင်း တစ်ခုခုများ လုပ်လိုက်မိသလား " ဟု မေးလျှင် သူငြင်းမည်။ ထို့နောက် " မုန့်တစ်ခုခုသွားစားရအောင် " ဟု ကျွန်မ အဆိုပြုလျှင် သူငြင်းမည်။ " ကော်ဖီ သောက်မလား " ဟုတ်မေးလျှင် သူငြင်းမည် ။ထို့နောက် နှစ်နာရီလောက် အချိန်ကုန်သွားသည်အထိ သူ တုံဏှိဘာဝထိုင်နေမည် ။
အလကားထိုင်နေမည်ဟု မထင်လိုက်နှင့် ၊ သူ၏အိတ်ဆောင် ဂျာမာန် - အင်္ဂလိပ် အဘိဓာန် စာအုပ်ကလေးကို သဲကြီးမဲကြီးဖတ်လျက် သူ့ရှေ့မှာ ကျွန်မ တစ်ယောက်လုံး ငုတ်တ်ုထိုင်နေတာကို မသိလိုက်မသိဘာသာ လုပ်ကာ ငြိမ်သက်နေခြင်းပဲ ဖြစ်လေ့ရှိသည် ။ နာရီကို မကြာခဏ ကြည့်မည် ။ သူပြန်သင့်ပြီဟု သူ သတ်မှတ်ထားသည့် အချိန် သို့ရောက်လျှင် " သွားမယ် " ဟု သူ ကောက်ခနဲ ထပြန် သွားသည်။
နောက်တစ်နေ့ သူလာသည့်အချိန်တွင် သူ့မျက်နှာ အနည်းငယ်ကြည်လင်နေ၍များ မနေ့က ဘာဖြစ်တာ လဲ ဟု သွားမမေးနှင့် ၊ ဘာမှမဖြစ်ပါဘူး ဟူသော အဖြေကိုသာရမည် ။ အဲသည်လောက်တောင် လျှို့ဝှက်သိပ်သည်း သူဖြစ်လေသည်။
ကျွန်မနှင့်သူနောက်ထပ်ကွဲလွဲချက် တစ်ခုမှာ ကျွန်မမှာ မိန်းခလေးဖြစ်ပါလျှက် စိတ်မကောက် တတ်ပါဘဲ သူက ယောက်ျားဖြစ်ပါလျှက် ခဏခဏ စိတ်ကောက်တတ်ခြင်းဖြစ်၏ ။ သူ့အပြုအမူထဲက ကျွန်မ မနှစ်မြို့နိုင်သည့် အပြုအမူမျိုးတွေ တွေ့လျှင် ကျွန်မစိတ်ကောက်ဖို့ အမြဲကြိုးစားလေ့ရှိပြီး ဘယ်တော့မျှလည်း စိတ်မကောက်ဖြစ်တော့ပါ။ တစ်ခါတစ်ခါ ကျတော့ သူ့ကိုစိတ်လိုလက်ရ မေးကြည့်ဖူးသည် ။
" စိတ်ကောက်တာ ဘယ်လိုစ, ကောက်ရသလဲ ဟင် "
သူက ထုံးစံအတိုင်း မပွင့်တပွင့်ပြုံးလျက် …
" မသိဘူး ၊ ကိုယ့်ကိုယ်ကို ထိန်းရင်းထိန်းရင်းကနေ ကောက်ပြီးသားဖြစ်သွားပြီ၊ ကိုယ့်အတွက် တော့ စိတ်ကောက်တာ သိပ်လွယ်တာပဲ " ဟု ဖြေလေသည် ။ ကျွန်မအတွက်ကတော့ စိတ်ကောက်ဖို့ အလွန် ခက်ခဲ ပါသည် ။ သူမကြာခဏ အပြစ်ဆိုဘူးသလို ကျွန်မက အလွန်သဘောကောင်းသော မိန်းမ ဖြစ်နေ တာကိုး ။ သူ့မှာ မရှိသော ဂုဏ်သတ္တိ များ ကျွန်မမှာ အကုန်ရှိသည်။
အားနာတတ်ခြင်း၊ လိုက်လျောတတ်ခြင်း ၊သူတစ်ပါးကို တတ်နိုင်သမျှ ကူညီတတ်ခြင်း ၊ သူ့ဘက်ကိုယ့်ဘက် မျှတွေးတတ်ခြင်း စသည့် ဂုဏ်သတ္တိများ တစ်ခုတလေမျှ သူ့ထံတွင် ရှိမနေတာအလွန်အံ့သြဖို့ ကောင်း၏ ။
ကျွန်မ မိတ်ဆွေများနှင့်သူ တွေ့ဆုံစကားပြောဖို့အလွန် ၀န်လေးပင်ပန်းလေ့ရှိပါသည် ။
" ကိုယ်မိတ်ဆွေ အသစ်တွေ မလိုချင်ဘူး " ဟုတုံးတိတိ ငြင်းလေ့ရှိ၏ ။ သည်လိုဆိုလျှင်လည်း ကျွန်မဘက်ကို ကိုယ်ချင်းစာဖို့ကောင်းပါသည် ။ မိတ်ဆွေသစ်မတိုးချင်သော သူသည် ကျွန်မကိုတော့ သူ့ မိတ်ဆွေ များနှင့် မကြာခဏ မိတ်ဆက်ပေးဖို့ကြိုးစားလေ့ရှိသည် ။
သူ့မိတ်ဆွေ အများစုမှာ နိုင်ငံခြားသားများဖြစ်ကြသည် ။သူ့အလုပ်ဌာနက မိတ်ဆွေ တစ်ယောက် နှစ်ယောက် ။ သူ့စကားပြောသင်တန်းတက်ရာ သံရုံးမှ မိတ်ဆွေ တစ်ယောက်နှစ်ယောက် ။ ထို့နောက် သူ့သူငယ်ချင်းက နှစ်ယောက် ။ သူက သူငယ်ချင်းအလွန်ရှားသည် ။ မြန်မာလူမျိုးချင်း မိတ်ဆက်ပေးလျှင် ကျွန်မအတွက် အပန်းမကြီးသော်လည်း နိုင်ငံခြားသားများနှင့် မိတ်ဆက်ပေးလျှင် ကျွန်မ အလွန် စိတ်ဆင်းရဲရ တတ်ပါသည် ။ကျွန်မသည် အင်္ဂလိပ်စကားပြောခြင်းနှင့် လုံးဝ အကျွမ်းမ၀င်သူသာဖြစ်၏ ။ဘယ်သူနှင့် ဘာပြောပြော အိုးနင်းခွက်နင်း အမြီးအမောက်မတည့်ပါ ။ထို့ကြောင့် အတတ်နိုင်ဆုံး စကားကို နည်းအောင် ပြောမိသည်။ ထိုအခါ သူက စိတ်ဆိုးပြန်၏ ။
ဘာမျှမပြောတတ်၍ ပြုံးရုံပြုံးစေ့ပြန်တော့လည်း သူက စိတ်ဆိုးပြန်၏ ။ထိုအခါမျိုးမှာတော့ သူ မကျေနပ်သည့်အကြောင်း ကျွန်မကို ဖွင့်ဟပြောပြတတ်သည် ။ ထို့နောက် ကျွန်မကို အင်္ဂလိပ်စကားပြော လေ့ကျင့်ဖို့ တိုက်တွန်းလေ သည် ။ စာအုပ်များ ၊ တိပ်ခွေများ တစ်ပုံတစ်ပင် ၀ယ်ပေးလျက် စကားပြောနားထောင်လေ့ကျင့်ဖို့ တိုက်တွန်း၏ ။ အမေရိကန် မှ ထုတ်သော လက် သုံးလုံးခန့် ထူသည့် အင်္ဂလိပ်စာကျွမ်းကျင် စွာရေးနည်း စာအုပ်အပြာကြီးကို ကျွန်မကို လက်ဆောင်ပေး၏ ။
တစ်နှစ်အတွင်း အပြီးလေ့ကျင့်ရမတဲ့ ။ သူက အချိန်အပိုင်းအခြား သတ်မှတ်ပေးလိုက်သေးသည်။
" လက်စလီ … ကိုယ့်မှာ လူနာတွေနဲ့ မိသားစုတာဝန်နဲ့ ဘယ်လိုမှ အချိန်မရဘူး " ဟု ကျွန်မငြင်းတော့ သူ စုတ်တစ်ချက်သပ်ကာ ခေါင်းယမ်းတော့သည် ။
" အချိန်ဆိုတာ ရအောင်ယူတတ်ရတယ် " တဲ့။ ကျွန်မတို့ဆရာဝန်များသာ ကိုယ်ချင်းစာ တတ်သည့် ကိုယ့်အချိန်ကိုယ်မပိုင်သော အဖြစ်အပျက်များကိုပေါ့ ။ သည်တော့ သူက ဇွတ်ငြင်းပြန်၏ ။ မနက် နှစ်နာရီတို့၊ လေးနာရီတို့ ဆိုတဲ့အချိန်တွေက လူနာကြည့်တဲ့ အချိန်မှ မဟုတ်တာ ၊ ကြည့်မပေးနဲ့ပေါ့ " တဲ့ ။
" နောက်ပြီး ည ရှစ်နာရီကျော်ရင် လူနာမကြည့်ဘူးဆိုပြီး အိမ်တံခါး ပိတ်ထားပေါ့ " တဲ့ ။ ဆရာဝန် တစ်ယောက်၏ ကရုဏာစိတ်၊ ကိုယ်ချင်းစာစိတ် ၊ တာဝန်ယူတတ်သည့်စိတ်များကို သူ ထည့်မတွက်ခဲ့ပါ ။ သည်အတွက်လည်း သူ့ကို ကျွန်မ အပြစ်မတင်လိုပါ ။ သူကဆရာဝန်မှ မလုပ်ဖူးဘဲ ဟု သူ့ကို ခွင့်လွှတ်ခဲ့ရမြဲ ဖြစ်ပါသည် ။
သူကတော့ သူ့အချိန်ဇယားကို နည်းနည်းမျှ အလွဲခံတတ်သူမဟုတ် ။သူ့အလုပ် သူ့သင်တန်းကို အလွန်လေးစားသူဖြစ်သည် ။ရန်ကုန်သို့ ကျွန်မ ရောက်သည့်ရက်များတွက် တစ်ခါတလေ ကျွန်မလာလို့များ သူ့ရုံးကို ဖျက်လိမ့်မည် မထင်နှင့် ၊ နံနက် ကိုးနာရီဆိုလျှင် အမြဲရုံးသွားလေ့ရှိသည် ။ ရုံးမသွားမီ နံနက်စောစော ကျွန်မ အိမ်သို့ သူရောက်လာလေ့ရှိသည် ။ အနီးအနား က ဆိုင် တစ်ဆိုင်သို့သွား၍ နှစ်ယောက်အတူတူ မုန့်စား ၊ ကော်ဖီ သောက်ကြမည် ။ ပြီးလျှင် သူရုံးသွားမည် ။ကျွန်မက မြို့ထဲ သွားစရာရှိလျှင် ဘတ်စ်ကားအတူစီးမည်။ ဘတ်စ်ကားပေါ်မှာ တစ်ခုံတည်း ထိုင်ရလို့လည်း စကားဖောင်ဖွဲ့ပြောမည်မထင်နှင့် ၊ တစ်ခွန်းမျှ မပြောဘဲတစ်လမ်းလုံး ငြိမ်သက်စွာလိုက်လာမှာပဲ ။
ဆင်းခါနီးမှ … " မ .. တစ်ယောက်တည်း ဖြစ်ရဲ့လား ၊ ကိုယ် လိုက်ဖို့ လို သလား " ဟု ၀တ္တရားကျေမေးတတ်သည်။ ကျွန်မက ဘယ်နှယ့်လုပ်ပြီး လိုက်ပို့ပါဟု ပြောထွက်မလဲ ၊ မဟုတ်ဘူးလား ။
" နေပါစေ ကွယ် ၊ မင်းရုံး ကိုသာ ဖြောင့်ဖြောင့်သွားပါ ၊ ကိုယ် ကဖြစ်ပါတယ် " ထိုစကားက လွဲပြီး ကျွန်မ မှာပြောစရာစကားမရှိပါ ။ တစ်ခါတစ်လေတော့ " လိုက်ပို့ကွယ် ၊ ကိုယ်တစ်ယောက်တည်း မသွားချင်ဘူး " ဟုပြောကြည့်ဖို့ ကြိုးစားဖူးသည် ။အဲသည်လိုများ တောင်းဆိုလျှင် သူကဘယ်လို ဖြေရှင်းမလဲ ။ ကျွန်မ သိချင်လိုက်တာ ။ သို့သော် ကျွန်မကအလွန်အလိုက်သိတတ် ၊ ငဲ့ညှာတတ်သည့် မိန်းမ ပဲလေ ။ ကျွန်မအတွက်ကြောင့်ဖြစ် သူ ရုံးမပျက်စေရ။ သင်တန်းမပျက်စေရ ။ ရုံးပျက်လိုက်လျှင် ကောင်းမလား ဟူသည့်တွေဝေ စိတ်မျိုးပင် အနည်းငယ်မျှ မ၀င်စေရ ။
*****************************************************
" မ, ကို အချိန်ရှိသမျှ သတိရနေတာ " ဟူသော စကားမျိုး ကိုသူ့ထံမှ တစ်ခါတလေသာ ကြားရလေ့ရှိ၏ ။
ရန်ကုန်သို့ ကျွန်မ ရောက်သည့်ရက်များတွက် တစ်ခါတလေ ကျွန်မလာလို့များ သူ့ရုံးကို ဖျက်လိမ့်မည်မထင်နှင့် ၊ နံနက် ကိုးနာရီဆိုလျှင် အမြဲရုံးသွားလေ့ရှိသည် ။ ရုံးမသွားမီ နံနက်စောစော ကျွန်မ အိမ်သို့ သူရောက်လာလေ့ရှိသည် ။ အနီးအနား က ဆိုင် တစ်ဆိုင်သို့သွား၍ နှစ်ယောက်အတူတူ မုန့်စား ၊ ကော်ဖီ သောက်ကြမည် ။ ပြီးလျှင် သူရုံးသွားမည် ။ကျွန်မက မြို့ထဲ သွားစရာရှိလျှင် ဘတ်စ်ကားအတူစီးမည်။ ဘတ်စ်ကားပေါ်မှာ တစ်ခုံတည်း ထိုင်ရလို့လည်း စကားဖောင်ဖွဲ့ပြောမည်မထင်နှင့် ၊ တစ်ခွန်းမျှ မပြောဘဲ တစ်လမ်းလုံး ငြိမ်သက်စွာလိုက်လာမှာပဲ ။ ဆင်းခါနီးမှ … " မ .. တစ်ယောက်တည်း ဖြစ်ရဲ့လား ၊ ကိုယ် လိုက်ဖို့ လို သလား " ဟု ၀တ္တရားကျေ မေးတတ်သည်။ကျွန်မက ဘယ်နှယ့်လုပ်ပြီး လိုက်ပို့ပါဟု ပြောထွက်မလဲ ၊ မဟုတ်ဘူးလား ။
" နေပါစေ ကွယ် ၊ မင်းရုံး ကိုသာ ဖြောင့်ဖြောင့်သွားပါ ၊ ကိုယ် ကဖြစ်ပါတယ် " ထိုစကားက လွဲပြီး ကျွန်မ မှာပြောစရာစကားမရှိပါ ။ တစ်ခါတစ်လေတော့ " လိုက်ပို့ကွယ် ၊ ကိုယ်တစ်ယောက်တည်း မသွားချင်ဘူး " ဟုပြောကြည့်ဖို့ ကြိုးစားဖူးသည် ။ အဲသည်လိုများ တောင်းဆိုလျှင် သူကဘယ်လို ဖြေရှင်းမလဲ ။ ကျွန်မ သိချင်လိုက်တာ ။ သို့သော် ကျွန်မကအလွန်အလိုက်သိတတ် ၊ ငဲ့ညှာတတ်သည့် မိန်းမ ပဲလေ ။ ကျွန်မအတွက်ကြောင့်ဖြစ် သူ ရုံးမပျက်စေရ။ သင်တန်းမပျက်စေရ ။ ရုံးပျက်လိုက်လျှင် ကောင်းမလား ဟူသည့်တွေဝေ စိတ်မျိုးပင် အနည်းငယ်မျှ မ၀င်စေရ ။
*****************************************************
" မ, ကို အချိန်ရှိသမျှ သတိရနေတာ " ဟူသော စကားမျိုး ကိုသူ့ထံမှ တစ်ခါတလေ သာ ကြားရလေ့ရှိ၏ ။
" မင်းကို ကိုယ်သိပ်လွမ်းတာပဲ " ဟု ကျွန်မက မကြာခဏ စာရေးလေ့ရှိသော်လည်း သူ့ စာထဲ တွင် အောက်မေ့သတိရကြောင်း ၊လွမ်းဆွတ်သည့် အကြောင်းမျိုးက အလွန်ရှားပါးလှသည် ။
" ကိုယ့် Salary တိုးသွားပြီ ၊ တစ်လကို သုံးထောင့်ငါးရာကျပ်တဲ့ ၊လုပ်ငန်းတွေပြန်စတဲ့အခါ စ, ထုတ်ရမယ်တဲ့ ၊ အခုလောလောဆယ် တော့ တိုကျိုဘဏ်မှာ မစ်ဆုအီ ကုတ်ဒ်နံပါတ်နဲ့ ငွေသွင်းပေးမယ်တဲ့ ၊ အမေရိကန်ဒေါ်လာ ငါးရာပေါ့ " ဆိုသော အကြောင်းအရာမျိုး ။
" ဟိုနေ့က ကိုယ့်မိတ်ဆွေ တစ်ယောက် ပြန်ခါနီး ၊ ကိုယ့်ကို စာအုပ်သုံးအုပ် လက်ဆောင်ပေး သွား တယ် ၊ အဲဒီထဲက ကိုယ်တစ်အုပ်ပဲ ဖတ်ရသေးတယ် ၊ A.N Wilson ရဲ့ စာအုပ်တစ်အုပ်လေ ၊ မ, ဖတ်ဖို့ ထည့်ပေးလိုက်တယ် ၊ မ အတွက် ဖတ်ရ နည်းနည်းခက်မလားပဲ ၊ သဒ္ဒါတွေ ပြောင်းရေးထားတယ်လေ ၊ နောက်ပြီး ပြင်သစ်ဂျာမန် စကားလုံး အချို့ကိုလဲ ညှပ်သုံးထားသေးတယ်၊ ဖတ်နေရင်းနဲ့သဘောပေါက်သွားမှာပါ ၊ ဇာတ်ကောင် စရိုက်တွေသိပ်ကောင်းတာပဲ " ဆိုသော အကြောင်းအရာမျိုးကိုသာ အများအားဖြင့်ရေးလေ့ရှိပါသည် ။
ထို့ကြောင့်လည်း တစ်ခါတစ်ခါ သူ လွမ်းဆွတ်သတိရကြောင်း စာရေးလျှင် ကျွန်မမှာ ငိုရအခက် ၊ ရယ်ရအခက်။
" မ, ကို သတိရလွမ်းဆွတ်နေရတာနဲ့ ဘာအလုပ်ကိုမှ ထိထိ ရောက်ရောက် မလုပ်ဖြစ်တာ ကိုယ်ကိုယ်တိုင်ကလွဲပြီး ဘယ်သူမှ သိမှာမဟုတ်ဘူး ၊ ဘယ်လောက်ထိ ဆိုးသလဲ ဆိုရင် Cultural Attache ရဲ့ class မှာ ကိုယ့်ကို စာမေး လို့မေးမှန်းမသိလာက်အောင်ဖြစ်သွားရတယ် ၊ သင်တန်းသားရှစ်ယောက် ပဲရှိတဲ့ class မို့ရှက်စရာကောင်းလိုက်တာမပြောပါနဲ့ မ, ရယ် ၊အခုအချိန်မှာ စာမေးပွဲကောက်စစ်လိုက်ရင် ကိုယ်ကျမှာသေချာတယ် " တဲ့ ။ဘယ်လောက်များ အံ့သြဖို့ကောင်းသည့် စာကြောင်းတွေလဲ။နောက်ပြီး သူ တစ်ခါတစ်ခါ ပြောဖူးသည် ။ "မင်းဟာ ဖမ်းစားညှို့ယူနိုင်စွမ်းတဲ့ မိန်းမတစ်ယောက်ပဲ " ဆိုသည့် အဓိပ္ပာယ်နှင့် စကားလုံးမျိုး ။ ထိုစကားကိုကြားတိုင်း ကျွန်မ တအံ့တသြ ရယ်မောမိလေ့ရှိသည်။
" မင်းလိုပုံစံခွက်ထဲ လောင်းပြီးသွင်းထားတဲ့ အရုပ်တစ်ရုပ် ကိုတောင် ကိုယ်က ညှို့နိုင်တယ် ဆိုရင်တော့ ကိုယ်ယောက်ျားတွေကို အထင်သေးရတော့မလား၊ ဒါမှမဟုတ် ကိုယ့်ကိုယ်ကို အထင်ကြီးရတော့ မလား "
ထုံးစံအတိုင်း သူကတော့ မပွင့်တပွင့်ပြုံးလျက် ကျွန်မကို ခပ်ငေးငေး တစ်ချက်ကြည့်ပြီး မျက်စိလွှဲသွားတတ်တာပါပဲ ။ဤကဲ့သို့ နေ့ရက်မျိုးတွင်တော့ ကျွန်မတို့နှစ်ယောက် ကြည်လင်နေကြမြဲ ဖြစ်သည်။သို့သော် ဤကဲ့သို့နေ့ရက်မျိုးက ရှားပါးလှသည်။အနာဂတ်အကြောင်း ဆွေးနွေးကြတိုင်း ကျွန်မတို့စကားများ စိတ်ဆိုးရစမြဲဖြစ်သည် ။
သူ နိုင်ငံခြားရောက်နေသည့် အချိန်တွင် ကျွန်မက ရန်ကုန်မှာလာနေရမတဲ့ ။ ဥရောပနိုင်ငံ တစ်ခုခုက ဘာသာစကား တစ်မျိုးမျိုးကို အနည်းဆုံး တတ်အောင်သင်ရမတဲ့ ။ ( ဟိုရောက်ရင်သူ့ကို ချည်း အားကိုးမနေရအောင်တဲ့ ။) " ကဲ … ရန်ကုန်မှာ ကိုယ့်ဆေးခန်း ၀င်ငွေဘယ်လောက်ရှိမယ် ထင်သလဲ ။ ကိုယ်ဘာနဲ့ သွားစားမလဲ ၊သင်တန်းစရိတ် ၊နေစရိတ် ဘယ်ကရမလဲ " ဟု ကျွန်မ ပြန်မေးတော့ ကျွန်မကို ခပ်စိန်းစိန်းကြည့်သည် ။ထို့နောက် သူရမည့် ဒေါ်လာသုံးထောင့်ငါးရာ ဆိုတာကို တွက်ချက်ကာ
" မ, က ကိုယ်ပို့ပေးတဲ့ ငွေကို သုံးမှာလား "ဟု မေးလေသည် ။
" .. အိုး … ဝေးပါသေးတယ် " ဟု ကျွန်မက မဲ့ရွဲ့ကာ ဖြေတော့ သူပြုံးရယ်၏။
" အေးလေ .. ကိုယ့်ထောက်ပံ့တဲ့ ငွေ ကိုလက်မခံချင်ရင်တော့ တောမှာဆေးကုတဲ့ အထဲကနေ စုထားပေါ့ ၊ ဒီနှစ် နည်းက လွဲပြီး ဘာမှမရှိဘူး "
" ဘယ်ဟုတ်မလဲ ၊ အကောင်းဆုံးနည်းက ကိုယ် တောမှာပဲ နေမယ် ၊ လူနာတွေနဲ့ပဲနေမယ် "
သူ စိတ်တိုလျက် " မ, ကမတိုးတက်ချင်ဘူး ၊ မကြိုးစားချင်ဘူး " ဟု ကျွန်မကို စွပ်စွဲတော့သည် ။
" နေစမ်းပါဦး လက်စလီရဲ့ ၊ လူတစ်ယောက်ရဲ့ တိုးတက်မှု ဆုတ်ယုတ်မှုကို မင်းဘာပေတံနဲ့ တိုင်းတာမှာလဲ " ဟု ကျွန်မက ပြုံးပြုံးလေးမေးလျှင် သူက " နိုင်ငံတကာပေတံပဲ " ဟု ခပ်ပြတ်ပြတ် ပြောပြီး ကျွန်မကို သူ့ရည်မှန်းချက် များ ၊ယုံကြည်ချက်များ ၊ကြိုးစားမှု များကို မနားမးနေ ပြောတော့သည် ။ ကျွန်မမှာ သူ့ကို ငေးမောလျက် ဘာမှလဲပြန်မဝေဖန်နိုင်။ မြန်မာစိတ်ဓာတ်ကလည်း အပြည့် ၊ မြန်မာနိုင်ငံ ကိုချစ်မြတ်နိုးသည့် စိတ်ကလည်း အပြည့် ၊ မြန်မာလူမျိုးအပေါ် ဂုဏ်မယူနိုင်သည့် သူထောက်ပြသည့် အချက်များကိုလည်း မငြင်းဆန်နိုင်ဘဲ တဖြည်းဖြည်း စိတ်မကောင်းဖြစ်လာသည် ။
ကျွန်မတို့ နှစ်ဦး လက်ထပ်ဖို့ဆွေးနွေးကြသည့် ကိစ္စမှာ နိုင်ငံရေး ၊ လူမျိုးရေးပြဿနာများရောပါရှုပ်ထွေးလျက် တစ်ယောက်ကိုတစ်ယောက် မနှစ်မြို့မှုများသာ ပိုမို အား ကောင်းလာခဲ့လေသည်။သူ ကြာရှည်စွာနေလိုသည့်နိုင်ငံရပ်ခြားမှာ ကျွန်မာတစ်နှစ်ထက်ပို နေနိုင်မှာမဟုတ် ။
သည်ကြားထဲ သူက ရန်စကားပြောသေးသည်။
" မ, နဲ့တွေ့မှ ကိုယ့်စိတ်ဓာတ် တွေကို တစ်ဝက်လျှော့ထားရတယ် " တဲ့ ။ ဘယ်လောက် များမခံချင်ဖို့ကောင်းလဲ ။မြို့ထဲ တစ်နေရာကိုချိန်းပြီး ကျွန်မ နောက်ကျလျှင် သူစကားနည်းတိတ်ဆိတ်စွာ ဆန္ဒပြလေ့ရှိသည် ။ကျွန်မ ကလည်းကျွန်မပဲ ရန်ကုန်မြို့က ဘတ်စ်ကားများ၏ တစ်စီးနှင့်တစ်စီးကြား ၊ အချိန်ခြားနားမှု ၊ မောင်းနှင်သော မိုင်နှုန်း ၊ မှတ်တိုင် အရေအတွက် ကျွန်မ မတွက်ချက်တတ်တာ ။ မိန်းမပီပီ တော်ရုံတန်ရုံ ခရီးကိုလည်း အငှားကား မသုံးချင် ။သည်တော့ ဆယ့်ငါး မိနစ် နာရီဝက်တော့ အမြဲနောက်ကျတတ်၏ ။ထိုအခါ သူ ကျွန်မကို ရန်လိုနေတော့သည် ။
" သိပ်လုပ်မနေနဲ့ ၊ နာရီဝက်နဲ့ ကမ္ဘာကြီး တစ်ခုလုံး ပြောင်းလဲ မသွားဘူး " ဟု ကျွန်မ မခံချင်စွာ ပြောမိလျှင် သူက " ဗမာစိတ် အပြည့်ရှိမှန်းသိတယ် ၊ ကြေညာမနေနဲ့ " တဲ့ ။ ထိုအခါ မျိုးမှာ သူ့ရှေ့ကလက်ဖက် ရည်ပန်းကန် ဖြင့် သူ့ကို ပေါက်ပစ်လိုက်ချင်စိတ်ကို မနည်းထိန်းချုပ်ထားရသည် ။ သူ့မှာသာ စိတ်ရှိတာ မဟုတ် ဘူး ၊ ကျွန်မမှာလည်း ၊ ဒေါသ ဖြစ်တတ်သည့် စိတ်ရှိတာပဲ ဟု အထပ်ထပ်အခါခါ တိတ်တဆိတ် ရေရွတ်မိ သေးသည်။ ကျွန်မတကယ် ဒေါသထွက်မှန်း သူသိတော့လည်း သူက စီးကရက်ကို သဲကြီးမဲကြီး ရှိုက်ဖွာလျက် …
" မဟုတ်ပါဘူး ၊ ကိုယ်က မ, နဲ့တွေ့ရတဲ့အချိန် နည်းသွားမှာစိုးလို့ပါ ၊ သုံးနာရီလေးဆယ့် ငါးမိနစ်မှာကိုယ်သံရုံးကို သွားရမယ်လေ ၊ အခု မ, က နာရီဝက်နောက်ကျတော့ ကိုယ်တို့တွေ့ချိန်လေးဆယ့်ငါးမိနစ်ပဲ ရှိတော့တယ် " ဟု စစ်ပြေငြိမ်းစကားကို ဆို၏ ။
" လေးဆယ့်ငါးမိနစ်ပဲ ရှိတော့ ဘယ်သူက ပူပင်မှာမို့လဲ " ဟု ခပ်ပြုံးပြုံးမေးဖူးသည် ။သူက ကျွန်မကို ဖျက်ခနဲ့ကြည့်၏ ။" အခု ဒီကိုချိန်းတာ မ, ပဲချိန်းတာမဟုတ်ဘူးလား ၊ မ, က ပူပင်မှာပေါ့ " အံ့သြသလို မျက်နှာပေးဖြင့် သူရိုးသားစွာပြောတော့ ကျွန်မ မျက်နှာနွေးခနဲ ပူသွားလေသည် ။
" တော်ပြီ … ကိုယ်ချိန်းမိတာကို ဖျက်တယ် " ကျွန်မ က သူ့ကို စိတ်ကောက်ဖို့ ကြိုးစားအားယူဆဲမှာ သူက " စကားကို အမျိုးမျိုး မပြောနဲ့ မ ၊ ကိုယ်မကြိုက်ဘူး ၊ ဘာမဆို တိတိကျကျလုပ် ၊ ကိုယ်နဲ့ချိန်းခါနီးရင် တကယ်တွေ့ချင်ရဲ့လား စဉ်းစားပြီးမှ သေချာမှချိန်း ၊ ကိုယ့်ကိုအားမနာနဲ့ ၊ မ,က ကိုယ်နဲ့တွေ့ဖို့ စိတ်မပါဘဲ လာနေရရင် ကိုယ်ရှက်စရာဘယ်လောက်ကောင်းလဲ " ဟုအပြစ်တင်စကားဆိုတော့သည် ။
ဘုရားရေ … ကိုယ့်ဖို့ကိုယ်တော့ တော်တော်ကြည့်တတ်တဲ့ ယောက်ျားပါလား။
သို့သော် နောက်တော့ ကျွန်မကပဲ အလျှော့ပေးလိုက်ပါသည် ။
" ကဲ ကဲ … ကိုယ်ကမတွေ့ချင်ဘဲနဲ့ မင်းနဲ့ချိန်းပါ့မလားကွယ် ၊ တစ်ခါတစ်လေမှတွေ့ရတဲ့ဥစ္စာ ကိုယ်နောက်ကျတာကိုတောင် မင်း ကျေးဇူးတင်ရဦးမယ် ၊ နာရီဝက်ဆိုရင် မင်း ၀ါကျအသစ် ဆယ်ကြောင်းကျက်ပြီးသားဖြစ်သွားတာပေါ့ မဟုတ်ဘူးလား " ပြုံးရယ်လျက် စသလို နောက်သလို ပြောမိသည် ။
သူက သူ့လက်ထဲကိုင်ထားသည့် ပြင်သစ်ဘာသာပြဌာန်းစာအုပ်ကို ဖျက်ခနဲချလျက် စီးကရက်ကို တအားရှိုက်ဖွာပြန်၏ ။
" သြော် … ဟုတ်တယ် ၊ ကိုယ် မ, ကို တွေ့ဖို့ မနည်းအားလပ်အောင် လုပ်ထားတဲ့အချိန်ပဲ ၊ မ, နဲ့ပဲတွေ့ချင်တာပေါ့ ၊ ဒီစကားလုံးတွေ ၀ါကျတွေ ကျက်ဖို့လုပ်ထားတဲ့ အချိန်မှ မဟုတ်ဘဲ မ, ရဲ့ "
" ဒါပေမယ့် မင်း နာရီဝက်အတွင်း ၀ါကျ ဘယ်နှကြောင်းရသလဲ ကိုယ့်ကို မညာဘဲ ဖြေစမ်း "
ကျွန်မ သူ့မျက်နှာ ကို လက်ညှိုးထိုးလျက် ခပ်တည်တည်မေးတော့ သူက ညာဖို့မကြိုးစားဘဲ ဆောင့်ကြီး အောင့်ကြီး စီးကရက်ကို ခွက်ထဲထိုးချေလျက် " ခြောက်ကြောင်းပါ " ဟု ဖြေလေသည် ။ ကျွန်မ ချစ်သူက အဲသည်လို ချစ်သူမျိုး ။
******************************************************
ကျွန်မတို့မြို့သို့ သူအလည်လာတိုင်း ကျွန်မအိမ်မှာ တည်းခိုလေ့ရှိပါသည် ။ ကျွန်မ ယောက်ျားလေး မိတ်ဆွေများသူ ဖြစ်ပြီး ခရီးဝေးကဧည့်သည်လည်း မကြာခဏ လာတတ်သဖြင့် ကျွန်မမိသားစုအတွက် သူလာ ရောက်ခြင်းသည် အထူးအဆန်း တစ်ခုမဟုတ်ခဲ့ပါ ။ ကျွန်မအတွက်တော့ သူလာလည်ခြင်းကို အထူးအဆန်း တစ်ခုအဖြစ်သာ မြင်သည် ။ ချစ်သူ တစ်ယောက်ဆီ လာလည်သည့် မျက်နှာမျိုး လည်းမဟုတ် ၊ ယခင်ကလို မိတ်ဆွေအပေါင်းအသင်း အဖြစ် လာလည်သည့် ဆက်ဆံရေးမျိုးသာ ဖြစ်သည် ။
ကျွန်မက ညပိုင်းမအားလပ်သူဖြစ်ရာ ဖေဖေနှင့်သူသာ ထမင်းလက်ဆုံစားလျှက် ကျွန်မက လူနာကုန်တော့မှ တစ်ဦးတည်းသီးသန့် စားရလေ့ရှိပါသည် ။ ထမင်းစားသောက်ပြီး မိသားစု ၀ိုင်းဖွဲ့ စကား ပြောနေချိန်တွင် မသိသာသော်လည်း အားလုံး အိပ်ခန်းထဲဝင်၍ ကျွန်မနှင့်သူ ဧည့်ခန်းမှာ ကျန်ရစ်လျှင် ကျွန်မက အနေရကျပ်လျက် သွားအိပ်တော့မည်ဟု သူ့ကို နှုတ်ဆက်ကြည့်သည် ။သူက နာရီကြည့်လျက် " အစောကြီး ရှိ သေးတာပဲ " ဟုအပြစ်တင်သလိုဆိုတတ်သည် ။သြော် .. သူ ငါနဲ့ စကားပြောချင်လို့ထင်ပါရဲ့ ဟု သူ့ရှေ့ထိုင် နေပြန်တော့လည်း သူက စကားအထူးအဆန်းတွေပြောတာ မဟုတ်ပြန် ။ ဖေဖေ့ နေရှင်နယ်လ်ရေဒီယိုကလေးကို ဟိုလှည့်သည်လှည့် လုပ်၍ ကျွန်မနားမလည်သော ဘာသာစကားများကို သူ နားထောင်နေတော့သည် ။ ကျွန်မ က စကားမရှိ စကားရှာ၍ ပြောလျှင် သူက အနည်းငယ်ဝင်ပြောသည်ကလွဲ၍ သူ ကိုယ်တိုင် စကားတစ်ခွန်းမျှ စ, မပြောတတ်ပါ ။ ကြာတော့ ကျွန်မ အိပ်ချင်လာသည် ။
" မင်း အိမ်မှာ ဘယ်အချိန်အိပ်ရာဝင်သလဲဟင် " ဟုမနေနိုင်မထိုင်နိုင်မေးမိတော့ တစ်နာရီဟုတုံးတိတိဖြေသည်။ကျွန်မ လန့်ဖျပ်သွား၏ ။သူက စီးကရက်ကို မီးကူးသောက်လျက်က … " ဘာလဲ မ, အိပ်ချင်လို့လား ဆယ်နာရီတောင်မခွဲသေးဘူး ၊ စာတစ်ခုခု ဖတ်ပါလား ၊ အင်္ဂလိပ်စာဖြစ်ဖြစ် .. ဟင် " တဲ့ ။
နေပါစေ ။ ကျေးဇူးတင်ပါသည်။ကျွန်မ သူ့ရှေ့ မှာ ချထားသော သူ မစားသော ငါးမုန့်ကြော်တို့၊ လက်ဖက်သုပ်တို့ကို သာ အဆက်မပြတ် စားနေမိတော့သည်။ဒါဖြင့် သူ ဘာဖြစ်လို့ ကျွန်မ၏ မြို့ကို လာလည်ပါ လိမ့် ။
" ဒါနဲ့ စကားမစပ် .. မင်း ကိုယ်တို့ဆီကို ဘာဖြစ်လို့ လာတာလဲဟင် " ဟုကျွန်မ ဖျတ်ခနဲ မေးတော့ သူက ရေဒီယို အသံကို နှိမ့် လျက် " လွမ်းလို့ " ဟု ခပ်တိုးတိုးဖြေလိုက်သည် ။ကျွန်မက ရင်ကို လက်နှင့်ဖိလျက် " တကယ် " ဟု မယုံသလို မေးလိုက်လျှင် သူ မကြည်သလို လှမ်းကြည့်ကာ ဘာစကားမျှ မပြောဘဲ ငြိမ်သက်စွာ ရေဒီယို နားထောင်နေတော့သည် ။
သူ ကျွန်မကို ပြောစရာစကားဒီလောက်ပဲ ရှားရသလား ။ သူနားထောင်နေသော ပြင်သစ်စကားတွေ ၊ ဂျာမာန်စကားတွေကို ကျွန်မ စိတ်သိပ်ကုန်လာလျှင် သူ့ကို ကောင်းသောညပါဟု နှုတ်ဆက်လျက် ဖျက်ခနဲ ထထွက်လာခဲ့တတ်သည် ။နံနက် ကျွန်မ အိပ်ရာထ နောက်ကျလျှင် သူ ခပ်မဲ့မဲ့ ပြုံးနှုတ်ဆက် ရင်း တော်တော် အပျင်းကြီးတဲ့ မိန်းမဟု စ, တတ်၏ ။ထို့နောက် သူ၏ တစ်နေ့တာ လုပ်ငန်းတာဝန်တွေ အချိန်ဇ ယားတွေကို ကျွန်မမေးကြည့်ရာ သူ မညဉ်းမညူ ပြောပြတော့သည် ။ နံနက် ငါးနာရီခွဲခြောက်နာရီ မှ ည ခြောက် နာရီခွဲအထိ သူ့တာဝန်များကို ကြားရသောအခါ ကျွန်မပခုံးတွန့် လျက် ရယ်မောမိသည် ။ည ရှစ်နာရီမှ တစ်နာရီ အထိ သူ့သင်ခန်းစာ လေ့လာချိန်နှင့် အလုပ်အတွက်လေ့လာ ချိန်များကို ကြားရသော အခါ နှာခေါင်းရှုံ့မိသည်။"
" လူတစ်ယောက်ဟာ ငါးနာရီအိပ်ရင် နောက်တစ်နေ့ အလုပ်လုပ်ဖို့ အိုကေပဲ " တဲ့ ။
" အို .. ကိုယ်တို့ သင်ရတာကတော့ ရှစ်နာရီပဲ " ဟု ကျွန်မ ရန်စလျှင် သူ ဒေါပွသလို လက်သီးဆုပ် ရွယ်တော့သည် ။ဘာပဲဖြစ်ဖြစ် ဤ လူငယ်တစ်ယောက်ကို ကျွန်မချစ်မြတ်နိုးပါသည် ။ သူနှင့် ရန်ဖြစ်ချင်လျှင် …
" မင်းက ကိုယ့်ချစ်သူဖြစ်ဖို့မကောင်းဘူး ၊ ကိုယ့်မောင်လေးပဲဖြစ်ဖို့ကောင်းတာ " ဟူသော စကားကိုသာပြောလိုက် ၊ သူ ဘယ်လိုမျှ သည်းမခံနိုင်ချေ ။ ကျွန်မစကားမှန်သမျှကိုလည်း သူအမြဲဆန့်ကျင်လေ့ ရှိသည် ။ ကျွန်မနှင့်သဘောထားချင်း ဘယ်တော့မျှ မတိုက်ဆိုင်တတ်ပါ ။ ကျွန်မ စိတ်မရှည်နိုင်လောက် အောင် သူက စိတ်ဓာတ်ပြင်းထန်၏ ။
" လူ့ဘ၀ဆိုတာ အပြည့်အစုံရေးပြီးသား စာအုပ်တစ်အုပ်ပဲ ၊ ဘယ်အချိန်မှာ ဘာဖြစ်မယ် ဆိုတာ ပါပြီးသား " ဟု ကျွန်မက ပြောလျှင် သူအမြဲတမ်း ဒေါသကြီးလေ့ရှိသည် ။ သူ့သဘောကတော့ လူဆိုတာ စိတ်ဓာတ်က အဓိက ၊ စိတ်ဓာတ်ပြင်းထန်စွာ ကြိုးစားလျှင် လောကမှာ လိုချင်တာ ဖြစ်ချင်တာ အကုန်ရမည် ..တဲ့ ။ လူ့ ဘ၀ဆိုတာ စာအုပ်တစ်အုပ်ဟူသော အယူအဆမှာ လူညံ့တွေရဲ့ အယူအဆ … တဲ့ ။ ထို့သို့ပြောတိုင်း ကျွန်မ မရွှင် လန်းစွာ ရယ်မော်မိလျက် သူ့ကိုသာငေးမောနေမိတော့သည် ။
" အေးလေ … ကိုယ် မင်းအသက်အရွယ်လောက်တုန်းက ဒီစကားမျိုး ကိုယ်ပြောခဲ့ဖူးပါတယ် "
" အရင်က ပြောရင် အခု ပြောနိုင်ရမှာပေါ့ မ, ရဲ့ " ဟု သူကအားပေးသည် ။ ကျွန်မပြုံးရယ်ကာ ခေါင်းယမ်းလျက် " လေးနှစ် ဆိုတာလူတစ်ယောက်ကို ပြောင်းလဲ ပစ်နိုင်တာပဲကွယ် " ဟု သိမ့်မွေ့စွာ ပြန်ပြော မိပါသည် ။သူက သူနှင့်ကျွန်မ တစ်ချိန်ချိန်မှာ ရကို ရ,ရမည်တဲ့ ။ ဘာအယူအဆတွေပဲ ခြားနားခြားနား ၊ ဘယ်သူတွေကပဲ ကဲ့ရဲ့ကဲ့ရဲ့ ၊ နှောင့်ယှက် နှောင့်ယှက် ၊ ကျွန်မတို့နှစ်ဦးပေါင်းဖက်ရမည် … တဲ့။
အနာဂတ်ကို ကြိုမြင်နိုင်သူမဟုတ်ပေမယ့် သူနဲ့ကျွန်မ ဘယ်လိုမျှပေါင်းဆုံကြမည်မဟုတ်မှန်းတော့ ကျွန်မ ရိပ်မိပါသည် ။ ဒီလောက်စိတ်ဓာတ်ပြင်းထန်သော လူငယ်တစ်ဦးနှင့် ဒီလောက်စိတ်ဓာတ် စိတ်ဓာတ်ကျ လွယ်သော မိန်းမ တစ်ယောက် ဘယ်လိုပေါင်းဆုံမလဲ မဟုတ်ဘူးလား ။
ဘာပဲဖြစ်ဖြစ် ကျွန်မ သူ့ကို ချစ်မြတ်နိုးပါသည်။
( ဂျူး ။ ၁၉၉၀ ပြည့်နှစ် ၊ မေလ ၊ ရှုမ၀ မဂ္ဂဇင်း ။ )
