သေမယ်ဆိုတာ ကြိုသိတဲ့အခါ

■မျက်နှာအလှပြုပြင်ခွဲစိတ်ကုဆရာဝန် ဒေါက်တာ ရစ်ချတ်ဟာ အသက် ၄၀အရွယ်၊ သန်းကြွယ်သူဌေး တဦးဖြစ်ပါတယ်။ သူဟာ နောက်ဆုံးအဆင့် အဆုပ်ကင်ဆာဖြစ်ပွားနေကြောင်း သိရပြီးနောက် သူ့ရဲ့ဘ၀အကြောင်းကို ၁၉.၀၁.၁၂ နေ့မှာ သွားဆေးတက္ကသိုလ် ပထမနှစ်ကျောင်းသားများရှေ့မှာ ကိုယ်ကျိုးမငှဲ့ပဲ လူအများအတွက် တွေ့ဆုံပြောပြခဲ့ပါတယ်။


■မင်္ဂလာ နံနက်ခင်းပါ။ ကျွန်တော့်အသံက နဲနဲသြနေတော့ သည်းခံပေးပါခင်ဗျာ။ ကျွန်တော်ကတော့ ရစ်ချတ်ပါ။ ဆရာဝန်ပါ။ ကျွန်တော့်ဘ၀အကြောင်း နဲနဲဝေမျှချင်ပါတယ်။ ပါမောက္ခက ကျွန်တော့်ကို ဖိတ်လို့လာရတာ ၀မ်းသာပါတယ်။ ခင်ဗျားတို့သင်ကြားနေတဲ့ သွားဆေးကုသရေးဆိုင်ရာများအပြင် တခြားအရာတွေရှိသေးတယ်ဆိုတာ တွေးမိတယ်ဆိုရင်ဖြင့် ပြောပြရကျိုးနပ်ပါတယ်ခင်ဗျာ။

■ငယ်ငယ်ကတည်းက ကျွန်တော်က ဒီနေ့လူ့အဖွဲ့အစည်းရဲ့ ထုတ်ကုန်ပစ္စည်းစစ်စစ်ပါ။ အထိုက်အလျောက်အောင်မြင်တဲ့ ထုတ်ကုန်ပေါ့ခင်ဗျာ။ ငယ်ငယ်တုန်းကတော့ ဆင်းရဲတယ်ခင်ဗျ။ မီဒီယာတွေနဲ့ ပတ်ဝန်းကျင်ကလူတွေက ပြောကြတာကတော့ ပျော်ရွှင်မှုဆိုတာ အောင်မြင်မှုပဲတဲ့။ အဲဒီအောင်မြင်မှုဆိုတာလည်း ချမ်းသာမှုပဲတဲ့ခင်ဗျ။ ဒီလို အတွေးအခေါ်မျိုးနဲ့ ကျွန်တော်ဟာ ငယ်ငယ်ကတည်းက အင်မတန်ပြိုင်ဆိုင်လိုစိတ် များခဲ့တာကလား။

■ကျွန်တော်ဟာ ကျောင်းမှာထိပ်ဆုံးဖြစ်ရုံသာမကသေးဘူး နယ်ပယ်အားလုံးမှာကို အောင်မြင်ဖို့လိုသေးတာ။ ၀တ်စုံဆင်တူဝတ်တဲ့အဖွဲ့တွေ၊ ပြေးပွဲပြိုင်ပွဲတွေ နေရာတိုင်းမှာ အောင်မြင်ဖို့လိုတယ်လေ။ အရောင်မျိုးစုံနဲ့ ဆုတံဆိပ်မျိုးစုံ၊ နိုင်ငံတော်ကပေးတဲ့တံဆိပ်တွေ အားလုံးလိုချင်တာပေါ့။ ဒါကြောင့်လည်း ငယ်ငယ်ကတည်းက အပြင်းအထန်ပြိုင်တတ်ခဲ့တာ။ ဆေးကျောင်းတက်ပြီး ဆရာဝန်ဖြစ်လာတယ်။ ခင်ဗျားတို့သိတဲ့အတိုင်းပဲ မျက်စိအထူးကုဖြစ်ဖို့က လူကြိတ်ကြိတ်တိုးနေတော့ အဲဒါဖြစ်အောင်လုပ်ခဲ့တယ်။ ကျွန်တော်က မျက်စိကုသရေးမှာ သင်တန်းတက်ခွင့်ရတယ်။ လေဆာနဲ့ မျက်စိကုဖို့ သုတေသန ပညာသင်ဆုကိုလည်း National University of Singapore ကပေးတယ်လေ။

■ပစ္စည်းသစ်ထွင်ဖို့၊ သုတေသနလုပ်ဖို့ အခွင့်အရေးတွေလည်းရ၊ ဆေးကုသရေးပစ္စည်းတွေလည်းကိုင်ရ၊ လေဆာတွေလည်းကိုင်ရပါတယ်။ ခင်ဗျားတို့သိတဲ့အတိုင်းပဲ ဒါတွေက ပညာရပ်ပိုင်းဆိုင်ရာအောင်မြင်မှုတွေချည်းပဲဗျ။ ချမ်းသာမှု မဟုတ်သေးဘူး။ ဒါနဲ့ ကျန်းမာရေးဝန်ကြီးဌာနနဲ့ စာချုပ်ပြည့်သွားတော့ မျက်စိကုသရေးသင်တန်းဟာ သိပ်ကြာလွန်းတယ်လို့ ဆုံးဖြတ်လိုက်တယ်။ ပြီးတော့ ပုဂ္ဂလိကဆေးခန်းမှာ ၀င်ငွေကောင်းတယ်လေဗျာ။ ခင်ဗျားတို့ သတိထားမိမယ်ဆိုရင်တော့ အလှအပအတွက်ခွဲစိတ်ကုပညာဟာ လွန်ခဲ့တဲ့နှစ်တွေအတွင်းမှာ ခေတ်စားလာတာပေါ့။ ပိုက်ဆံတွေအများကြီးကိုရတာလေ။ ဒါနဲ့ကျွန်တော်လည်း ကျောင်းတက်တာတော်လောက်ပြီလို့ ဆုံးဖြတ်လိုက်တယ်။ ကျောင်းတ၀က်နဲ့ ထွက်လိုက်တယ်။ ကျွန်တော့်ကိုယ်ပိုင် အလှပြုပြင်ရေး ဆေးခန်းနဲ့ ခွဲစိတ်ကုဆေးခန်းဖွင့်တယ်ဗျ။

■သိကြတဲ့အတိုင်း အထွေထွေကုဆရာဝန်တွေ၊ မိသားစုဆရာဝန်တွေကို လူတွေကသိပ်အထင်မကြီးဘူးလေ။ လူတွေက ချမ်းသာတာ၊ ကျော်ကြားတာကိုမှ အထင်ကြီးတာကလား။ ရိုးရိုးဆရာဝန်ကို ဒေါ်လာ၂၀ မပေးချင်ပေမယ့် အဆီတွေကိုလျော့သွားအောင်ခွဲစိတ်ပေးတဲ့ဆရာဝန်ကိုတော့ ဒေါ်လာတသောင်းပေးဖို့ ၀န်မလေးဘူးလေ။ ရင်သားအလှခွဲစိတ်ပြုပြင်ဖို့ ဒေါ်လာတသောင်းခွဲပေးတယ်။ ဘာလို့အထွေထွေကုဆရာဝန်လုပ်နေမလဲဗျ။ ဒါနဲ့ပဲ အလှအပပြုပြင်ရေး ခွဲစိတ်ကုဆရာဝန် ဖြစ်လာတာပေါ့။ နေမကောင်းပြီး ရောဂါဖြစ်နေတဲ့လူတွေကို ကုဖို့ထက် ကျွန်တော်ဟာ နာမည်ကြီးအလှဖန်တီးရှင်ဖြစ်လာတာပေါ့။

■အလုပ်ကတော့ ဖြစ်သလားမမေးနဲ့။ ပထမတော့ လူနာတွေက တပတ်စောင့်ရတယ်။ နောက်တော့ ၃ ပတ်၊ နောက် တလ၊ နှစ်လ၊ ၃ လအထိတောင်စောင့်တယ်ဗျို့။ ကျွန်တော်ကတော့ လူနာများလွန်းတော့ စိတ်ညစ်ရော။ အတော်ဘ၀င်မြင့်စရာ ကောင်းတဲ့အလုပ်ဗျ။ ကျွန်တော်မနိုင်လွန်းလို့ ဆရာဝန် ၄ ယောက်တောင် ထပ်ငှားရတယ်။ တနှစ်အတွင်းမှာကို သန်းနဲ့ချီရတာဗျ။ တနှစ်ထဲနော်။ ဒါလည်း တော်လောက်ပြီလို့ မထင်ဘူးဗျ။ စွဲနေပြီကိုး။ ဒါနဲ့ အင်ဒိုနီးရှားမှာ ဆေးခန်းထပ်ဖွင့်ပြီး အင်ဒိုနီးရှားလူချမ်းသာတွေဆီက ငွေရှာတာပေါ့။ ဘ၀ဟာ ပျော်စရာသိပ်ကောင်းဗျာ။

■ပိုတဲ့ပိုက်ဆံတွေဘာလုပ်တယ်ထင်တုန်း။ စနေ၊ တနင်္ဂနွေအားရင် ဘာလုပ်လဲသိလား။ ကျွန်တော်က ကားကလပ်မှာ အဖွဲ့ဝင်ဗျ။ အပိုဝင်ငွေနဲ့ဝယ်ထားတဲ့ ထရပ်ကားကိုထုတ်၊ ချိန်းထားတဲ့ဆီကိုသွား၊ မလေးရှားထိအောင် ကားမောင်းပြိုင်ကြတာဗျို့။ ဒါဟာကျွန်တော့် ဘ၀ပါပဲ။ နောက်ထပ် ဖာရာရီပြိုင်ကားတစီးဝယ်ထားသေးတယ်။ အဲဒီတုန်းက မော်ဒယ် ၄၅၈ မထွက်သေးလို့ ပင့်ကူတံဆိပ် ၄၃၀ ပေါ့ဗျာ။ ကျွန်တော့်သူငယ်ချင်းဘဏ်သူဌေးကားက အနီရောင်၊ ကျွန်တော့်ကားက ငွေရောင်ဗျ။

■ကားတွေရပြီးသွားတော့ဘာဖြစ်လဲ။ အိမ်ဝယ်တာပေါ့ဗျ။ ကိုယ်ပိုင်ဘန်ဂလိုတွေဆောက်ဖို့ မြေလိုက်ရှာတယ်။ ပိုက်စစ်တိုက်ရှာရတာဗျ။ ကဲ ကျွန်တော်ဘယ်လိုနေခဲ့လဲ။ ချမ်းသာမှုနဲ့ ကျော်ကြားမှုကြားမှာ နေခဲ့တာပဲ။ မယ်စကြာဝဠာ နဲ့တောင်တွဲခဲ့သေးတယ်။ လှပေ့ ချောပေ့ ချမ်းသာပေ့ ကျော်ကြားပေ့ဆိုတဲ့ သူငယ်မတွေနဲ့ပေါ့ဗျာ။ စားသောက်ဆိုင်တွေသွား၊ Michelin စားဖိုမှုးတွေချက်ကြွေးတာကိုစား၊ ပျော်စရာပေါ့ဗျာ။

■လိုချင်တာတွေအကုန်လုံးပြည်စုံတဲ့ အချိန်ကိုရောက်လာတာပေါ့။ ကိုယ့်လက်ထဲမှာ အားလုံးရှိနေပြီလေ။ လွန်ခဲ့တဲ့တနှစ်လောက်က အားကစားလုပ်ရင်းနဲ့ တွေးမိတာက ကျွန်တော့်ဘ၀ကို ကျွန်တော်ကောင်းကောင်းတည်ဆောက်နိုင်ပြီလို့ ထင်ခဲ့တာ။ ထိပ်ဆုံးက ကျွန်တော်ပေါ့ဗျာ။

■အင်း - ကျွန်တော်မှားသွားတာပေါ့လေ။ အားလုံးကျွန်တော့်လက်ထဲမှာမှ မဟုတ်တာပဲ။ မနှစ်က မတ်လတုန်းက ခါးနာလာတယ်ဗျ။ ထိုင်ထလုပ်တာများလို့ နာတယ်ထင်နေတာ။ ဒါနဲ့ စင်္ကာပူဆေးရုံကြီး ကိုသွားတယ်၊ ကျွန်တော့်အတန်းဖော်သူငယ်ချင်းက MRI ရုိုက်ပေးတယ်။ ဘာဖြစ်သလဲရှာဖို့ပေါ့။ ညနေလည်းကျရော သူကကျွန်တော့်ကို ခေါ်ရော။ သူက ကျွန်တော့်ခါးရိုးထဲမှာ ကင်ဆာရောက်နေတယ်တဲ့။ ကျွန်တော်မယုံဘူးဗျ။ လက်မခံနိုင်ဘူး။ တကယ်ပြောတာလားလို့ ပြန်မေးနေသေးတယ်။ အားကစားရုံမှာ ပြေးလို့ကောင်းတုန်းရှိနေသေးတာကိုး။ နောက်နေ့ကျတော့ PET scan ထပ်ရိုက်တယ်။ အဆင့်၎ ( နောက်ဆုံးအဆင့် ) အဆုပ်ကင်ဆာတဲ့ဗျာ။ ဘယ်လိုက ဘယ်လိုများရောက်လာတာလဲလို့ အံ့သြနေမိတာ။ ဦးဏှောက်၊ ခါးရိုး၊ အသည်း၊ ကျောက်ကပ်အပေါ်ပိုင်းအထိတောင်ပျံ့နေတာတဲ့။ ကျွန်တော်က အားလုံးပိုင်ဆိုင်နေပြီလို့ ထင်တဲ့အချိန်ကျမှ အားလုံးဆုံးရှူံးရတော့တာပဲဗျ။

■CT scan မှာကြည့်လိုက်၊ အဆုပ်ပေါ်က အစက်အားလုံးဟာ ကင်ဆာဗျ။ ဒါကို Miliaries turmor လို့ခေါ်သဗျ။ တကယ်တော့ ကျွန်တော့်အဆုပ်ထဲမှာ သောင်းနဲ့ချီပြီးရှိနေပြီ။ ဒါကြောင့် Chemo ဆေးတွေပေးရင်တောင်မှ ၃-၄ လပဲခံတော့မှာတဲ့။ ကျွန်တော့်ဘ၀ပျက်မသွားဘူးလား။ မပျက်ပဲဘယ်ခံနိုင်ပါ့မလဲဗျာ။ စိတ်ဓါတ်ကျတယ်၊ အကြီးအကျယ်စိတ်ဓါတ်ကျတယ်၊ ကျွန်တော့်မှာအားလုံးရှိတယ်လို့ထင်ခဲ့မိတာ။

■ကဲ သံမဏိကြီးလို အောင်မြင်မှုတွေနဲ့။ အိမ်ရှိတယ်၊ ကားရှိတယ်၊ အလုပ်ကောင်းကောင်းရှိတယ်၊ ဒါတွေနဲ့ ပျော်ရွှင်မှုကို ၀ယ်ခဲ့တာ။ အခုတော့ ဆိုးဆိုးရွားရွားစိတ်ဓါတ်ကျနေရပြီ။ အခုတော့ ကျွန်တော်ပိုင်တာတွေကလည်း ကျွန်တော်ပျော်အောင်လုပ်မပေးနိုင်တော့ဘူးလေ။ ဖာရီရာကားကို ကျွန်တော်ဖက်ထားရင်းအိပ်လို့ရမလား။ ဘယ်ရမလဲဗျ။ လွန်ခဲ့တဲ့ ၁၀ လအတွင်းမှာ ကျွန်တော်က အဲဒီဟာတွေအသုံးကျမယ်ထင်နေတာ။ တကယ်တော့ ကျွန်တော်ရခဲ့တာ ပျော်ရွှင်မှုအစစ်မှ မဟုတ်တာပဲကိုး။ တကယ်တမ်း ပြီးခဲ့တဲ့ ၁၀ လအတွင်းမှာ ကျွန်တော့်ကို ပျော်ရွှင်စေခဲ့တာက ချစ်တဲ့ခင်တဲ့သူတွေ၊ သူငယ်ချင်းတွေ၊ ကျွန်တော့်ကိုဂရုစိုက်တဲ့လူတွေနဲ့ အပြန်အလှန်နားလည်ပြီး ဆက်ဆံရတာမှ ပျော်စရာဗျ။ သူတို့က ကျွန်တော်နဲ့အတူ ငိုတယ်၊ ကျွန်တော်နဲ့အတူ ရယ်တယ်၊ ကျွန်တော်နာကျင်ခံစားရသလို သူတို့လဲလိုက်ပြီးခံစားနားလည်ပေးတယ်လေ။ ဒါက ကျွန်တော့်ကို ၀မ်းသာပီတိဖြစ်စေတယ်။ ပိုင်ဆိုင်မှုတွေက ဒီလိုမပေးနိုင်ပါဘူးဗျာ။ ဒီပစ္စည်းတွေကသာ လုပ်ပေးနိုင်မယ်ဆိုရင် ကျွန်တော်စိတ်ဓါတ်ကျနေတုန်းက သူတို့အကြောင်းစဉ်းစားလိုက်ရင် ပျော်လာဖို့ကောင်းတာပေါ့။

■တရုတ်နှစ်သစ်ကူးကို ရောက်တော့မယ်နော်။ အရင်တုန်းက ကျွန်တော်ဘာလုပ်လဲ။ ကျွန်တော့်ကားအသစ်ကို တပတ်ပြီး တပတ်မောင်း၊ ဆွေမျိုးတွေဆီသွားလည်၊ ကျွန်တော့်သူငယ်ချင်းတွေကို ကြွား။ ဒါပျော်စရာလို့ထင်ခဲ့မိတာ။ ငွေရေးကြေးရေးသိပ်မပြေလည်တဲ့ ဆွေမျိုးတွေနဲ့ သူငယ်ချင်းတွေက ကျွန်တော်ပျော်သလိုလိုက်ပျော်မယ်ထင်လား။ ဒီလိုကားသစ်ကြီးမောင်းပြီး ကြွားနေတာကို ကူပျော်ပေးမလား။ ဘယ်ပျော်မလဲဗျ။သူတို့ဝင်ငွေနဲ့သူတို့ မနည်းလောက်အောင်သုံးပြီး မီးရထားစီးနေရတဲ့ဟာ။ ကျွန်တော်ထင်တာတော့ ကျွန်တော့်ကိုအားကျတာရယ် မနာလိုဖြစ်တာရယ်ပဲရှိမှာ။ တခါတလေတော့ မုန်းတောင်မုန်းဦးမယ်။

■ဒါတွေက ကျွန်တော်တို့ထင်ထားတဲ့ အားကျမှုမျိုးပါ။ ပိုင်ဆိုင်မှုကို ကြွားတယ်ဆိုတာ ကျွန်တော့်မာနနဲ့ အတ္တကို ဖြည့်ဆည်းတာပါပဲ။ ကျွန်တော့်မှာ ထူးဆန်းတဲ့သူငယ်ချင်းတယောက်ရှိတယ်ဗျ။ သူ့နာမည်က ဂျနီဖာတဲ့။ သူငယ်ချင်းပါဗျာ။ လမ်းအတူလျှောက်သွားလို့ ခရုတကောင်တွေ့ရင် သူကကောက်ပြီးတော့ မြက်ခင်းထဲကိုချပေးတယ်ဗျ။ ဘာလို့ဒီလိုလုပ်တာလဲလို့ တွေးနေတာ။ တက်နင်းလိုက်လို့ သေသွားမှာ သူကစိုးရိမ်နေတာ။ ကျွန်တော့်အတွက်တော့ ခရုက ခရုပဲလေ။ လူတွေလဲဒီလိုပဲ။ လမ်းကြောင်းပေါ်ကနေထွက်မသွားနိုင်ရင် နင်းခံရမှာပဲလေ။ ဒါကပဲ ဖြစ်ရိုးဖြစ်စဉ်ဟုတ်ဘူးလား။ အသဲတော်တော်မာတာနော်။

■ဆရာဝန်တယောက်အနေနဲ့ သနားကြင်နာဖို့၊ ကိုယ်ချင်းစာတတ်ဖို့ သင်ခဲ့ရသားပဲ။ ဒါပေမယ့် ကျွန်တော်မတတ်ခဲ့ပါဘူး။ အလုပ်သင်ဆရာဝန်ဘ၀တုန်းက National University Hospital က ကင်ဆာဌာနမှာလုပ်ရတယ်လေ။ နေ့တိုင်းနေ့တိုင်း ကင်ဆာရောဂါနဲ့ သေတာတွေတွေ့နေရပါရော။ သူတို့ဘယ်လိုခံစားရတယ်၊ ဘယ်လိုနာကျင်ဒဏ်ခံရတယ် နေ့တိုင်းတွေ့နေတာပဲ။ အောက်စီဂျင်ကို ခဲခဲယဉ်းယဉ်း နောက်ဆုံးထွက်သက်အထိရှူနေရတာ။ ဒါဟာ ကျွန်တော့်အတွက်တော့ အလုပ်တခုသာပါပဲ။ နေ့တိုင်း ဆေးရုံကိုသွား၊ သွေးဖောက်၊ ဆေးပေး လုပ်နေပေမယ့် ဒီလူနာတွေကို အစစ်လို့မထင်ပါဘူး။ ဒါဟာအလုပ်ပဲ။ ကျွန်တော့်အလုပ် ကျွန်တော်လုပ်၊ ပြီးရင်အိမ်ပြန်၊ ဒါပဲ။

■ဒီလိုနာကျင်ခံစားတာတွေက အစစ်လား။ မဟုတ်ပေါင်။ ဆေးပညာအခေါ်အဝေါ်အားလုံး ကျွန်တော် သိသားပဲ။ တကယ်တော့ ကျွန်တော်လူနာမဖြစ်မချင်း ဒါတွေကိုမသိခဲ့ပါဘူး။ အခုတော့ ကျွန်တော်တကယ်သိလာပြီလေ။ အခုနေများ ခင်ဗျားတို့က ကျွန်တော်ကို အသစ်ကပြန်စခွင့်ရှိသေးရင် အချိုးပြောင်းမလားလို့မေးလာရင် ပြောင်းမယ်လို့ ပြန်ဖြေမှာပဲ။ ဘာလို့လဲဆိုတော့ အခုမှပဲ လူနာတွေ ဘယ်လိုခံစားရတယ်ဆိုတာကို နားလည်လာတာကိုး။ တခါတလေတော့ ဒီလိုပဲ ခဲရာခဲဆစ် သင်ယူရတာမျိုးရှိပါတယ်။

■အခုခင်ဗျားတို့က ပထမနှစ်ပဲရှိသေးတာ ဆိုတော့ ဒီလမ်းကြီးကို ဖြတ်ရဦးမှာပါပဲ။ ခင်ဗျားတို့ကို အချက် ၂ ချက် သတိပေးစရာရှိတယ်။
ခင်ဗျားတို့အားလုံးက ပုဂ္ဂလိကဆေးခန်းပဲလုပ်ကြရမှာပဲ။ ပြီးရင် ခင်ဗျားတို့ချမ်းသာလာကြမယ်ဆိုတာ အာမခံတယ်။ သွားစိုက်တာလေးတင် အများကြီးပိုက်ဆံရတာမို့လား။ တကယ်တော့ အောင်မြင်တယ်၊ ချမ်းသာတယ်၊ ဆိုတာတွေက မှားနေတာမဟုတ်ပါဘူး။ တကယ့်ပြသနာက ကျွန်တော်တို့အများစုက ဒီဒဏ်တွေကို မခံနိုင်တာ။

■ဒါကိုကျွန်တော်ဘာလို့ပြောနိုင်လဲဆိုတော့ ပြန်စဉ်းစားကြည့်တဲ့အခါမှာ ရလေလိုလေဖြစ်နေတယ်ဆိုတာတွေ့လာတယ်လေ။ ပိုပိုပြီးလိုချင်လာတော့ မရရင် မနေနိုင်ဖြစ်ရော။ ပြောခဲ့ပြီးတဲ့အတိုင်း ကျွန်တော်က ဒီလူမှုပတ်ဝန်းကျင်က သတ်မှတ်ထားတာအားလုံးရခဲ့သားပဲ။ မရရင် မနေနိုင်ဖြစ်ခဲ့တယ်။ လူနာဆိုတာ ငွေဝင်လမ်းလို့ပဲ မြင်ခဲ့တာ။ လူနာဆီက ရသမျှပိုက်ဆံညှစ်ယူခဲ့တယ်လေ။

■အချိန်တော်တော်များများမှာ ကျွန်တော်တို့ တကယ်တမ်းဘယ်သူ့အတွက် လုပ်ပေးနေတာလဲဆိုတာ မေ့နေကြတယ်။ နောက်ဆုံးမှာ ဘယ်သူ့အတွက်မှ မဟုတ်ပဲ ကိုယ့်အတွက်တွေဖြစ်ကုန်ရော။ ဒါဟာ ကျွန်တော်တကယ်ဖြစ်ခဲ့တာပဲ။ ဒါဟာ ဆေးပညာပဲဖြစ်ဖြစ်၊ သွားဆေးကုပဲဖြစ်ဖြစ်၊ ပုဂ္ဂလိကဆေးခန်းမှာ လူနာကို မလိုတဲ့ကုသမှုတွေ ပေးကြတယ်။ သိပ်မသေချာတဲ့အခါမျိုးမှာပေါ့။ မလိုအပ်မှန်းသိတာတောင်မှ ပေးဖြစ်အောင်ပေးသေးတာ။ ဒီအချိန်မှာတော့ ကျွန်တော်သိလာတာက သူငယ်ချင်းတွေထဲက တကယ်ဂရုစိုက်တဲ့လူနဲ့ ပိုက်ဆံလိုချင်လို့ မျှော်လင့်ချက်ပေးတဲ့လူနဲ့ကို ခွဲတတ်လာပြီ။ ပိုက်ဆံကြောင့် စိတ်ဓါတ်တွေ ပျက်စီးလာတာပေါ့။

■ပိုဆိုးတာကတော့ ပြီးခဲ့တဲ့နှစ်တွေအတွင်းမှာ ကျွန်တော်တို့ဟာ လုပ်ဖော်ကိုင်ဖက်တွေအကြောင်း၊ ပြိုင်ဘက်တွေအကြောင်းကို ဆိုးဆိုးရွားရွားပြောခဲ့ကြတယ်လေ။ လိပ်ပြာမသန့်တာလေးတောင် မဖြစ်ပေါင်။ ကျွန်တော်တို့ဟာ သူများကိုနှိမ့်ချပြီး အပေါ်ရောက်ဖို့လုပ်ခဲ့ကြတယ်။ ဒါကနေရာအားလုံးမှာကို ဖြစ်နေတာ။ ခင်ဗျားတို့ကို သတိပေးချင်တာက ဒီလိုစိတ်ကောင်းနှလုံးကောင်းတွေ ပျက်စီးသွားတာမျိုးကိုတော့ မဖြစ်ပါစေနဲ့ဗျာ။ ကျွန်တော်ကဒါကို ခဲရာခဲဆစ်သင်ခဲ့ရတာမို့ပါ။ ခင်ဗျားတို့ကိုတော့ ကျွန်တော့်လို မဖြစ်စေချင်ပါဘူး။

■နောက်တခုက လုပ်သက်ရှည်လာတာနဲ့အမျှ ကျွန်တော်တို့ရဲ့ လူနာတွေအပေါ်မှာ သိပ်အရေးမလုပ်တော့ဘူးလေ။ ထုံပေပေဖြစ်လာတယ်။ အစိုးရဆေးရုံဖြစ်ဖြစ်၊ ပုဂ္ဂ္ဂလိကဆေးခန်းပဲဖြစ်ဖြစ် လူနာမှတ်တမ်းတထပ်ကြီး လက်ထဲရောက်နေတာနဲ့ အဲဒီဟာကြီးမြန်မြန်ကုန်သွားဖို့ပဲ အရေးကြီးနေတော့တာပဲလေ။ လူနာတွေများလွန်းလို့ အခန်းထဲက မြန်မြန်ထွက်သွားဖို့ပဲ အာရုံရှိတော့တာ။ ဒါအမှန်ပဲဗျ။ ဒါက နေ့တဓူဝ အလုပ်ဖြစ်လာတော့ ငြီးငွေ့လာတာပေါ့ဗျာ။ လူနာတွေဘက်က ဘယ်လိုစိတ်ထဲမှာထင်သွားလဲ ကျွန်တော်မသိပါဘူး။ ကြောက်ရွံ့တာ၊ စိုးရိမ်တာ အားလုံးပေါ့ဗျာ။ ကျွန်တော်ကိုယ်တိုင်တကယ်ခံစားရတဲ့အချိန်ရောက်မှ သိလာတာဗျ။ ဒါဟာကျွန်တော်တို့ရဲ့ အကြီးဆုံးချွတ်ယွင်းချက်ပါပဲဗျာ။

■ကျွန်တော်တို့ဟာ ကျန်းမာရေးဝန်ထမ်းများ၊ ပညာရှင်များအနေနဲ့ လေ့ကျင့်ပေးထားခဲ့ပေမယ့် တကယ်တမ်းလူနာတွေခံစားနေရတာကိုတော့ ကိုယ်ချင်းမစာနိုင်ခဲ့ပါဘူး။ စိတ်ဆင်းရဲလိုက်၊ ၀မ်းနည်း ၀မ်းသာလိုက်ဖြစ်နေဖို့ပြောတာမဟုတ်ပါဘူး။ ခံစားမှုကဲလွန်းရင် Professional မဆန်ဘူးဗျ။ ဒါပေမယ့် ကျွန်တော်တို့တကယ်တမ်း သူတို့ကိုနားလည်အောင်ကြိုးစားသလား။ အများအားဖြင့်တော့ မကြိုးစားဘူးဗျ။ ခင်ဗျားတို့ကို သတိပေးချင်တာကတော့ လူနာတွေကို ကိုယ်ချင်းစာပါဗျာ။

■ဘာလို့လဲဆိုတော့ နာကျင်တာတွေ၊ ကြောက်ရွံ့တာတွေ၊ စိုးရိမ်တာတွေက ကျွန်တော်တို့အတွက် အစစ်မဟုတ်ပေမယ့် သူတို့အတွက်တော့ အစစ်တွေကိုးဗျ။ ကျွန်တော်က အခုဆိုရင် Chemotherapy ယူနေတာ ၅ ခါရှိပြီ။ ဒါဟာ သိပ်ခံရခက်တာပဲဗျာ။ Chemotherapy ဆိုတာ ခင်ဗျားတို့ရဲ့ရန်သူအတွက်တောင် ဆုမတောင်းသင့်ဘူး။ တကယ့်ကို ခံစားရတာဗျာ။ အစာစားမိလား မစားမိလားတောင်မသိတော့ပါဘူး။ သိပ်ကိုဆိုးပါတယ်။ ကျွန်တော်နဲနဲအင်အားရှိတာနဲ့ တခြားကင်ဆာလူနာတွေဆီကို သွားပါတယ်။ နာကျင်တာတွေကို သိလာပြီကိုး။ ဒါက သိပ်နောက်ကျပြီး လုပ်ပေးနိုင်တာလဲ သိပ်နဲနေပါပြီလေ။

■ခင်ဗျားတို့မှာက တောက်ပတဲ့အနာဂတ်နဲ့ ခွန်အားအပြည့်နဲ့။ ကျွန်တော်ပြောချင်တာက ခင်ဗျားတို့ လူနာအကြောင်းကိုထဲထဲဝင်ဝင်သိအောင်လုပ်ပါဗျာ။ သူတို့ဟာလူသားစစ်စစ်တွေ၊ အမှန်တကယ်ကို နာကျင်ခံစားပြီး အခက်ခဲဆုံးအချိန်တွေကို ရောက်နေတယ်ဆိုတာကို သိအောင်လုပ်ပါ။ ဆင်းရဲတဲ့လူတွေပဲ ခံစားရတယ်လို့ မထင်ပါနဲ့ဗျာ။ ဆင်းရဲတဲ့လူတွေက အစကထဲကသူတို့မှာ နဲနဲပဲရှိတော့ ရောင့်ရဲလွယ်တယ်ဗျ။ ကျွန်တော်တို့၊ ခင်ဗျားတို့ထက်လည်း ပိုပြီးပျော်ပျော်နေနိုင်ကြတယ်။ တခြားစိတ်ပိုင်းဆိုင်ရာ၊ ရုပ်ပိုင်းဆိုင်ရာ၊ ခံစားချက်ပြင်းထန်နေတာ၊ ငွေရေးကြေးရေး စတဲ့ပြသနာနဲ့ လူတွေအများကြီး။ ဒါတွေကလည်းတကယ်ရှိတာ။ ကျွန်တော်တို့က မသိချင်ယောင်ဆောင်၊ အသိအမှတ်မပြုပဲ နေခဲ့ကြတာ။

■ဒါကြောင့်မို့ တကယ်လိုအပ်နေတဲ့လူတွေအပေါ်မှာ အလေးထားကြပါဗျာ။ ခင်ဗျားနဲနဲလေးလုပ်ပေးလိုက်တာ သူတို့အတွက်အများကြီးကို ထူးခြားသွားတာပါ။ ကျွန်တော်ကတော့ သေခါနီးနေပြီဆိုတော့ ဘယ်သူကတကယ်ဂရုစိုက်တယ်၊ အားပေးတယ်ဆိုတာကို ခံစားတတ်နေပြီလေ။ ဒါဟာ ကျွန်တော့်ကို တကယ်ပြောင်းလဲသွားစေတယ်။ ဒါဟာကုသမှုတွေယူပြီးတဲ့နောက်သိလာတာပါ။ ကျွန်တော်ဆေးသွင်းထားတာ မကြာသေးဘူး။ နောက်နေ့မှ ဆေးထပ်သွင်းမယ်ဗျာ။ ဒါကြောင့် ကျွန်တော်ခင်ဗျားတို့ကို စကားပြောဖို့ အားရှိနေသေးတာပေါ့။

■မောရစ် နဲ့ အင်္ဂါနေ့ ဆိုတဲ့စာအုပ်ထဲက စကားလုံးလေးတွေ ပြောပြချင်တယ်။ ခင်ဗျားတို့ဖတ်ပြီးသားလဲဖြစ်ချင်ဖြစ်မှာပါ။ လူတိုင်းသေရမှာသိတာပဲ။ ဒါပေမယ့် ဘယ်သူမှ မယုံကြဘူး။ တကယ်ယုံတယ်ဆိုရင် လုပ်ပုံကိုင်ပုံတွေကို ပြောင်းပစ်ကြမှာပဲ။ ကျွန်တော်သေရတော့မယ်ဆိုတာသိတော့ ကျန်တာအကုန်လုံးမေ့ထားပြီး တကယ်လိုအပ်တာတွေပဲ စဉ်းစားတယ်။ တကယ်တော့ သေခါနီးမှပဲ ဘယ်လိုနေရမှန်း သိတော့တယ် ဆိုပါတော့ဗျာ။ ဒါမျိုးကို မနက်စောစောစီးစီးကြားရတာ ကျက်သရေတော့ မရှိဘူးပေါ့လေ။ ဒါပေမယ့် ကျွန်တော်သိခဲ့တဲ့အမှန်တရားမို့ ပြောပြတာပါ။

■ခင်ဗျားတို့ကို ပတ်ဝန်းကျင်က ပြောတဲ့အတိုင်းမနေကြပါနဲ့။ မီဒီယာပြောတာကိုလည်း လက်မခံနဲ့။ ကျွန်တော်ခံခဲ့ရပြီးပြီ။ ပျော်မယ်ထင်လို့ သူတို့ပြောတဲ့အတိုင်းလုပ်ခဲ့မိပြီ။ ခင်ဗျားတို့ သေချာစဉ်းစားပြီး ဘယ်လိုအသက်ရှင်သန်မယ်ဆိုတာ ဆုံးဖြတ်ပါ။ သူများပြောတိုင်းလိုက်မလုပ်နဲ့။ ကိုယ့်တကိုယ်ရည်စာပဲကြည့်နေမလား။ တခြားတယောက်ဘ၀ကို ပြောင်းလဲသွားအောင်ကူညီမလား။ ဆုံးဖြတ်ပါ။ တကယ့်ပျော်ရွှင်မှုအစစ်ဆိုတာ ကိုယ့်အတွက်ချည်းပဲကြည့်နေလို့မရပါဘူး။ ကျွန်တော်ရနိုင်မယ်လို့ထင်ခဲ့တာ မရခဲ့ပါဘူး။ နားထောင်ပေးတာကျေးဇူးပါပဲ။ မေးချင်တာရှိရင် မေးနိုင်ပါတယ်ခင်ဗျာ။

( ဒေါက်တာရစ်ချတ်ဟာ ၁၈.၁၀.၁၂ နေ့မှာ ကွယ်လွန်ခဲ့ပါတယ်။ )
ဒီဆောင်းပါးလေးကောင်းလွန်းလို့ Facebook ကနေကူးယူပြီး ပြန်လည်မျှဝေပေးလိုက်ပါတယ်။

မုဒိတာ လူမှုရေးအသင်း

✿ လောကအလှတရား ✿
မိုးရေမသောက်
မိုးပေါက်များစွာ ရွာသွန်းပါမှ
အာကာတစ်ခွင် မိုးကောင်းကင်ဟု
မည်တွင် နာမ ခန့်ညားရ၏

တောင်ပေါ်မြေပြန့်
ခရီးဆန့်၍ မတန့်စီးဆင်း
ကျိုးပြုခြင်းဖြင့် မြစ်မင်းဧရာ
ဝန်တာကျေမှ မြစ်ပီသ၏

လူဖြစ်လာရ တခဏ၀ယ်
အတ္တ ပရ မျှတစဉ်းစား
အများအကျိုး ရွက်သည်ပိုးမှ
ကုသိုလ်လည်းရ အောင်မြင်ရမည်
လောကတစ်လွှား အလှတရား
ဆင်ခြင်လေးထား မိတ်ဆွေများ
မုဒိတာ စိတ်ကလေးတော့ထား။
❀✿❀✿❀✿❀✿❀✿❀✿❀✿❀✿❀✿❀✿❀✿❀✿
လုံခြုံနွေးထွေးတဲ့ မိဘအိမ်ရိပ်မှာ အိပ်စက်နိုးထလိုက်ရတဲ့ မနက်ခင်းလေးက အင်မတန်နှစ်သက်ဖို့ ကောင်းလွန်းလှတယ်။ မနက်စာအဖြစ် အမေကိုယ်တိုင် ပြင်ဆင်ထားတဲ့ ကောက်ညှင်းပေါင်းနဲ့ ဆတ်သားခြောက် မီးကင်ကို ကော်ဖီပူပူနဲ့စားရင်း မနေ့ကတွေ့ခဲ့ရတဲ့ လူမှုဝန်ထမ်းတွေကို သတိရမိလိုက်တယ်ဆိုတာနဲ့ ကျောက်ပန်းတောင်းမြို့ကိုယ်စားပြုထားတဲ့ မုဒိတာ ပရဟိတ အဖွဲ့ဝင်တွေ စုနေမယ့် မုဒိတာ ကုသိုလ်ဖြစ်ဆေးခန်းလေးဆီကို ထွက်လာခဲ့မိတယ်။ လမ်းတလျှောက်စဉ်းစားမိလာတာက အင်မတန်ကောင်းမွန် မြင့်မြတ်တဲ့ ဒီအဖွဲ့အစည်းလေးရဲ့ စေတနာမှန်ကန်မှုနဲ့ ကူညီပေးနေတဲ့သာရေး၊ နာရေးမချန်၊ ဆေးကုသပေးတာတွေနဲ့အတူ အခုဆိုရင် ကျောက်ပန်းတောင်းမြို့လေးအတွက် အရေးပေါ်လူနာတင်ယဉ်တစ်ခုဖြစ်ပေါ်လာဖို့ကိုပါ သူတို့တွေ အလှူခံတွေထွက်ပေးနေတာပါ ကြားသိမြင်တွေ့နေရတာလေးတွေ...။ ဒါတွေဟာ.. တကယ့်ကို ပီတိဖြစ်စရာ မုဒိတာ ပွားစရာလေးတွေပါပဲ။
လမ်းလေးထဲကို မ၀င်ခင် အဝေးကနေမြင်တွေ့နိုင်တဲ့ မုဒိတာဆိုတဲ့ ဆိုင်းဘုတ်လမ်းညွှန်လေးနဲ့အတူ ယနေ့ဆေးကုသစရိတ်အဖြစ် ကုသိုလ်ရှင်တွေရဲ့ အမည်လေးကိုပါ ကြော်ငြာပေးထားတာလေးကလည်း တကယ် ရင်ထဲပီတိတစ်ခုကို ပေါ်ပေါက်စေခဲ့တယ်။
ကျွန်တော် ဆေးခန်းလေးရှေ့ကို ရောက်တော့ မနက် ကိုးနာရီစွန်းရုံပဲ ရှိသေးပေမယ့် (အင်္ဂါနဲ့ စနေနေ့) အပတ်စဉ်ဖွင့်တဲ့ စေတနာ့ ဆေးခန်းလေးကတော့ လူနာတွေနဲ့ ပြည့်နေခဲ့ပါပြီ။အလှည့်ကျ ကုသိုလ်ဖြစ်ကုသပေးမယ့် ဆရာဝန်တွေနဲ့ သူနာပြုလေးတွေအပါအ၀င် မုဒိတာ ပရဟိတအဖွဲ့ဝင်တွေ အားလုံးကိုလည်း ဆောင်းနံနက်ခင်းရဲ့ မြူကွဲပြီးစ နေရောင်ခြည်နဲ့အတူ နွေးထွေးစွာ တက်ကြွစွာ တွေ့လိုက်ရပါတယ်။







အဲ့ဒီမှာရှိနေတဲ့ အဖွဲ့ဝင် ကိုကိုအောင်ကနေပြီး သူတို့အသင်းလေးရဲ့ ရည်ရွယ်ချက်နဲ့ လုပ်ဆောင်ချက်လေးတွေကို ရှင်းပြပေးတဲ့အတွက် ခုလိုလေးတွေ မှတ်တမ်းတင်ပြီး ကျောက်ပန်းတောင်းမြို့လေးရဲ့ သာရေး၊ နာရေးအတွက် အုတ်တစ်ချပ် သဲတစ်ပွင့်အဖြစ် ပါဝင်နိုင်စေရန်နဲ့ မုဒိတာပွားများစေနိုင်ဖို့ ရည်ရွယ်ပြီး ပြန်လည်မျှဝေပေးလိုက်ပါတယ်။







☣အသင်း၏အလင်းတန်း -☣
ကျောက်ပန်းတောင်းမြို့ ဆန္ဒတူလူငယ်များ၏ ဖြူစင်မေတ္တာ၊ ဂရုဏာဖြင့် "နာသူကိုတွဲ၊ လဲသူကိုထူ" နှလုံးလှခြေလှမ်းမှ လူမှုရေး၊ ဘာသာရေးကိစ္စများတွင် ကိုယ်စီအသိတရား လက်ကိုင်ထားပြီး လုပ်အားဒါန ဝေဆာခဲ့သော အစဉ်အလာကောင်းတစ်ရပ်မှာ ကြာမြင့်လေပြီ။
ဤသို့ ကူညီဝန်ဆောင်ခဲ့ရာမှာ အသင်းအဖွဲ့ဖြင့် ခိုင်မာကောင်းမြတ်သော စည်းကမ်းများ ရေးဆွဲချမှတ်လျှက် အရှိန်အဟုန်တိုးမြှင့် လုပ်ကိုင်လိုသော ဆန္ဒများ တစ်စတစ်စ နိုးကြားလာခဲ့ပါသည်။
အဆိုပါ ပရဟိတ အိပ်မက်များ အကောင်အထည်ဖော်ဆောင်နိုင်ရေးအတွက် 'ဆန္ဒဓိပတိ'၏ လှုံ့ဆော်ပေးသောစွမ်းအားကြောင့် ခိုင်မာသော၊ စည်းစနစ်ကျသော စေတနာအုတ်မြစ်ပေါ်ဝယ် ဤ 'မုဒိတာ' မည်သော လူမှုကူညီရေးအသင်းကြီးကို ၁၁.၆.၂၀၁၂ က စတင် တည်ထောင်ဖြစ်ထွန်း ပေါ်ပေါက်ခဲ့ပါကြောင်း အသိပေးပန်ကြားအပ်ပါတယ်။
ယခုဆို အသင်းဝင်အနေနဲ့ ရပ်ကွက်တိုင်းနီးပါးကနေ လူအင်အား ၇၀၀နီးပါးနဲ့ တက်ကြွစွာ ပါဝင်နေတာကိုသိခဲ့ရပါတယ်။

*အသင်း၏လုပ်ငန်းစဉ်များ*
၁။ ကျန်းမာရေးဆိုင်ရာ ပံ့ပိုးခြင်းများ
၂။ ပညာရေးဆိုင်ရာ ကူညီပံ့ပိုးခြင်းများ
၃။ သဘာဝဘေးအန္တရာယ်ဆိုင်ရာ ပံ့ပိုးခြင်းများ
၎။ သာရေး၊ နာရေးကိစ္စများဆိုင်ရာ ကူညီပံ့ပိုးခြင်းများ
၅။ မြို့နယ်၊ ရပ်ရွာတွင် လိုအပ်သောလုပ်အားဒါနများကူညီပံ့ပိုးခြင်းများ
၆။ အများသဘောတူ ဆုံးဖြတ်ရေးဆွဲထားသော စည်းကမ်းနှင့် အကျုံးဝင်သော အထွေထွေကိစ္စများကို ပံ့ပိုးကူညီခြင်းများနှင့်
၇။ အသင်း၏ ဘဏ္ဍာငွေကြေး စုဆောင်းမိသမျှအပေါ် မူတည်လျက် တိုးချဲ့လုပ်ကိုင်ဆောင်ရွက်သွားမည့် ကဏ္ဍသစ်များ...စသည့်လုပ်ငန်းစဉ် (၇)ရပ် ချမှတ်ထားပါကြောင်း။











ဒီရက်ပိုင်းအတွင်းမှာပဲ မုဒိတာ ပရိဟိတ အဖွဲ့မှ ယောချောင်းရေဘေးအတွက် ရန်ကုန်မှစေတနာရှင်များနဲ့အတူ ပူးပေါင်းပြီး လူနာပေါင်း ၁၈၀ကျော်အား အခမဲ့ သွားရောက်ဆေးကုသပေးကာ လိုအပ်သည်များကို ကူညီဖေးမ အားပေးသွားခဲ့ကြတာကိုလည်း မှတ်တမ်းများနဲ့အတူ တွေ့ရှိခဲ့ရပါတယ်။
နောက်ထပ်မုဒိတာပွားစရာလေးတစ်ခုကိုလည်း ကြားသိခဲ့ရပါသေးတယ်။
ကျောင်းနေအရွယ် ကလေးတိုင်း ကျောင်းနေနိုင်ရေး၊ စာတတ်မြောက်ရေးအတွက် ရည်ရွယ်ပြီး၊ လွတ်လပ်ရေး အ.မ.က ကျောင်းနဲ့ ဥသျှစ်ကုန်း အ.မ.က ကျောင်းတွေမှာ အလှူဒါနများ တတ်စွမ်းသလောက်သွားရောက် လှူဒါန်းပေးခဲ့တာကိုလည်း ယခုဓာတ်ပုံလေးတွေမှာ မြင်နိုင်ပြီး သာဓုခေါ်နိုင်ကြစေရန် မှတ်တမ်းတင် ခဲ့ပါတယ်။
☣ အသင်းဆောင်ပုဒ် ☣
ဖြူစင်မေတ္တာ
ဂရုဏဖြင့်
နာသူကိုတွဲ
လဲသူကိုထူ
ချမ်းသာဆင်းရဲ
မခွဲတူကွ
နှလုံးလှဖြင့်
သုခပေးဝေ
ဒုက္ခပြေအံ့
ဆိုတဲ့ ဆောင်ပုဒ်လေးနဲ့ အညီ ဆင်းရဲ ချမ်းသာမရွေး လူတိုင်းအတွက် လိုအပ်တဲ့နေရာတိုင်းမှာ ဆန္ဒတူညီစွာ တက်တက်ကြွကြွနဲ့ လုပ်ဆောင်မှုတွေကတော့ မြို့နေလူတိုင်း သိရှိလက်ခံထားကြပြီးဖြစ်ပါတယ်။

*မေတ္တာဖြင့် ကုသပေးသည့်ဆရာဝန်များ*

၁။ ဒေါက်တာ ကံမင်းအောင်
၂။ ဒေါက်တာ ကျော်သူဝင်း
၃။ ဒေါက်တာ ဇော်မင်းလတ်
၎။ ဒေါက်တာ ဟန်ဇော်လင်း
၅။ ဒေါက်တာ လှိုင်မျိုးအောင်
၆။ ဒေါက်တာ ဖြိုးကျော်သူ
၇။ ဒေါက်တာ ခင်မြင့်မြင့်စံ
၈။ ဒေါက်တာ ချစ်ချစ်ထူး
၉။ ဒေါက်တာ ဇင်မာဦး
၁၀။ ဒေါက်တာ ဆုမွန်ပန်
၁၁။ ဒေါက်တာ ယဉ်မာဌေး
၁၂။ ဒေါက်တာ လဲ့ယဉ်ဝေဖြိုးသူ
၁၃။ ဒေါက်တာ ခိုင်ဇာယုရှိန်










ဆေးဝါးကျွမ်းကျင် - ဦးမြင့်ဦး၊ မနှင်းဟေမာန်၊ မနွယ်နီဝင်း၊ မသန္တာဆွေ။

လူမှုရေးလုပ်ငန်းများ အကူအညီတောင်းခံရန်နှင့် လှူဒါန်းငွေများ ထည့်ဝင်လှူဒါန်းနိုင်ရန်အတွက် ဆက်သွယ်ရမည့် ပုဂ္ဂိုလ်များ-
ကိုဌေးအောင် (၀၉-၄၃၀၀၈၄၆၅)၊
ကိုအောင်ကျော်စိုး (၀၉-၄၃၁၄၃၉၁၃)၊
ကိုကျော်ဇင် (၀၉-၅၁၉၆၅၉၂)၊
ကိုဇော်တိုး (၀၆၁-၅၁၈၂၆)

မုဒိတာ ပရဟိတလူမှုရေးအသင်းသို့ သီးခြားလှူဒါန်းလိုပါက-
၁။ ဆေးကုသမှု တစ်ရက်ပျမ်းမျှ - ၂၀၀၀၀/ ကုန်ကျငွေ
၂။ ဆေးဝါးပစ္စည်းများအတွက် ငွေပဒေသာပင်စိုက်ထူ လှူဒါန်းခြင်း
၃။ ဆေးဝါးပစ္စည်းများ၊ ပညာရေးဆိုင်ရာ အထောက်အကူပြု ပစ္စည်းများ
၎။ စာကြည့်တိုက်အတွက် စာအုပ်အမျိုးမျိုး၊ စာစောင်များနှင့် ဂျာနယ်များလည်း လှူဒါန်းနိုင်ပါသည်။

ကျောက်ပန်းတောင်းမြို့မှာ အရေးပေါ်လူနာတင်ယာဉ်တစ်စင်း ရရှိဖြစ်ပေါ်လာစေရန်အတွက် ကြိုးစားအားထုတ်ပြီး ဆေးပေးခန်းအပါအ၀င် တခြား ကဏ္ဍလေးများကူညီနိုင်စေရေးအတွက် ပုံမှန်ငွေရရှိစေရန် လပြည့်နေ့တိုင်း အလှူခံထွက်ပြီး ၊ အဲ့ဒီက ရရှိတဲ့ငွေနဲ့ တတ်အားသရွေ့ သာရေး၊ နာရေးမကျန် ကူညီပေးနေတာတွေဟာ ကြားသိနေရတာ တကယ့်ကို မုဒိတာပွားစရာတွေချည်းပါပဲ။ ဒီ အရေးပေါ်လူနာတင်ယာဉ်ကုန်ကျစရိတ်က သိန်း၈၀ကျမှာပါ။ အခုထိ အဖွဲ့မှာ ဒီယာဉ်အတွက် စုဆောင်းငွေက သိန်း၅၀ပဲ ရှိပါသေးတယ်။ လိုအပ်ငွေကို မြို့ခံလူတစ်ဦးမှ စိုက်ထုတ်ပေးထားတယ်လို့လည်း သိရပါတယ်။ လိုအပ်ငွေမှာ သိန်း၃၀ ဖြစ်ပါတယ်။ ဒီတော့ ကျွန်တော်တို့ အဝေးရောက် ကျောက်ပန်းတောင်းစာနာသူအသင်းကနေပြီး ဒီအရေးပေါ်လူနာတင်ယာဉ်ဖြစ်ဖို့ လိုအပ်ငွေကို သဒ္ဓါတတ်အားသလောက် ပါဝင်ကူညီလှူဒါန်းကြလိုက်ရင် မကောင်းဘူးလားဗျာ..။ ပြီးတော့ ဆန္ဒတူ နှလုံးလှတဲ့ မြို့လေးရဲ့အဝေးရောက် အသင်းကနေ မုဒိတာအသင်းနဲ့ပူးပေါင်းပြီး အမှန်တကယ်လိုအပ်တဲ့ နေရာတွေမှာ ကူညီပေးနိုင်ဖို့ လစဉ် အလှူငွေလေးတွေ စုဆောင်းပြီး ကုသိုလ်ယူနိုင်ကြရင် ပိုပြီးထိရောက်စွာ ကူညီနိုင်မယ်ဆိုရင်....၊ ကျွန်တော်တို့ အဝေးရောက် စာနာသူတွေနဲ့အတူ မြို့မှာရှိတဲ့ လူတွေရဲ့အလှူငွေတွေသာ လစဉ်ပုံမှန်လည်ပတ်နေရင်.... ဒီ မုဒိတာ ပရဟိတအဖွဲ့နဲ့အတူ ကျွန်တော်တို့တွေလည်း လိုအပ်တဲ့နေရာလေးတွေအတွက် ကွက်လပ်ကလေးတွေကို အတူဖြည့်ကြရအောင်လား လို့ ကျွန်တော်ကတော့ တိုက်တွန်းအကြံပြုလိုပါတယ်။ အားလုံးလည်း မုဒိတာပွားများနိုင်ကြပါစေ။

အသင်းရုံးတည်နေရာ-
ကျောက်ပန်းတောင်းမြို့၊
လွတ်လပ်ရေးရပ်ကွက်၊
မဉ္ဇူသကလမ်း၊
ထိန်ကန်ရိုးကူးတံတားအရှေ့ဘက်။
ဖုန်း - ၀၉-၄၃၁၃၇၄၀၈

အသင်းစတင်သည့်နေ့ရက် - ၂၀၁၁ခုနှစ်၊ ဇွန်လ (၁၁)ရက်။

ရွှင်လန်းချမ်းမြေ့ကြပါစေ....
ချစ်တဲ့
✎❑уaйaит cно❒ ヅ

ရင့်ကျက်သောစိတ်

လူ့ အဖွဲ့ အစည်းတခုမှာ အန္တရာယ်အရှိဆုံးသူတွေကတော့ သူငယ်နာမစင်တဲ့ လူကြီးတွေပဲ ဖြစ်တယ်လို့  နယူးယောက်စီးတီးတက္ကသိုလ်ရဲ့ ဒဿန ပါမောက္ခ ဟာရီအိုဗာစထရီ (Harry Overstreet ) က ကောက်ချက်ချပါတယ်။ အသက်အရွယ်ကြီးပေမယ့် စိတ်ဓာတ်နဲ့ အသိ ဉာဏ်ပိုင်းဆိုင်ရာမှာ ကလေးသူငယ်တယောက် လိုပဲ ဖြစ်နေတဲ့ သူတွေကြောင့် လူ့ လောက ဟာ ဘေးအန္တရာယ်တွေ
ဝိုင်းနေရတယ်လို့  ဆိုလိုချင်ပုံ ရပါတယ်။ သည်လို ကလေးကလား နိုင်တဲ့ လူကြီးတွေအတွက် အခေါ်အ
ဝေါ်တွေက မနည်းပါဘူး။ ကျပ်မပြည့်တဲ့သူတဲ့။ အသက်ကြီးပြီး အချိန်မစီးသူတဲ့။ မကျက်တကျက်ပေါင်မုန့် တဲ့။
လူကြီးတွေက ကလေးသူငယ်တွေမှာ မရှိနိုင်တဲ့ စွမ်းအားတွေကို ပိုင်ဆိုင်နေပါတယ်။ အမြင် သာ ဆုံးကတော့ ရုပ်ပိုင်ဆိုင်ရာ ခွန်အားပါ။ ကလေးငယ်တယောက် စိတ်ဆိုးတဲ့ အခါ ဖျက်လို ဖျက်ဆီးလုပ်တတ်သလိုမျိုး လူကြီးတယောက်က စိတ်ဆိုးမာန်ဆိုး ဖျက်ဆီးမယ်ဆိုရင် ပျက်စီးမှု ပမာဏအတိုင်းအတာဟာ ကလေး သူငယ်က လုပ်တာထက် အများကြီး ပိုကြီးမား ပါမယ်။ ဒါကြောင့် သူငယ်နာ မစင်တဲ့ လူကြီးတွေဟာ လောကအတွက် အလွန် အန္တရာယ်ကြီး တယ်လို့  ပြောနေကြတာပါ။
လူတယောက်ဟာ အသက်အရွယ်ကြီးလာတာနဲ့ အမျှ သြဇာရှိတဲ့သူ ဖြစ်လာပါတယ်။ မိဘတယောက် ဖြစ်လာတယ်။ ဆရာတယောက် ဖြစ်လာတယ်။ အလုပ်ရှင် တယောက် ဖြစ်လာတယ်။ အလုပ်သမား ခေါင်းဆောင်တယောက် ဖြစ်လာတယ်။ အရာရှိ တယောက် ဖြစ်လာတယ်။ အကြီးအကဲ တယောက် ဖြစ်လာတယ်။ တစုံတယောက် အပေါ်မှာတော့ သြဇာရှိလာတာပါပဲ။ သြဇာ မရှိဘူးဆိုတဲ့ လူကြီးဆိုတာ ရှားပါတယ်။ ဒါကြောင့် လူကြီး တယောက်ရဲ့ စိတ်ဓာတ်ဟာ အသက်အရွယ်နဲ့ အညီ ဖွံ့ ဖြိုးရင့်ကျက်လာခြင်းမရှိဘဲ ကလေးသူငယ်အဆင့်မှာပဲ ရပ်တံ့နေမယ်ဆိုရင် သူ့ သြဇာအောက်မှာ ရှိတဲ့သူတွေ ဘယ်လောက် ဆင်းရဲကြမလဲ။ အသက်အရွယ်ကြီးလာတာနဲ့ အမျှ ပိုင်ဆိုင်မှုတွေ များလာပါတယ်။ လက်နက် အသုံး အဆောင်တွေ များပြားလာသလို မိတ်ဆွေသင်္ဂဟတွေ အသင်းအပင်းတွေ များပြား လာပါတယ်။ လူကြီးတယောက်ဟာ လက်နက် အသုံးအဆောင်တွေကို အသုံးပြုပြီး သူ့ ရဲ့ စွမ်းအားကို ချဲ့ ထွင်နိုင်သလို အသင်းအပင်းအဖွဲ့ အစည်းတွေမှာ ၀င်ရောက်ပြီး တယောက်တည်း မလုပ်နိုင်တဲ့ အလုပ်တွေကို စွမ်းဆောင်နိုင်ပါတယ်။ သည်လို စွမ်းအားရှိတဲ့ လူကြီး တယောက်က ကလေးသူငယ်စိတ်ဓာတ်လောက်နဲ့  ဦးဆောင်နေမယ်ဆိုရင် သူဖန်တီးမယ့် ဘေးအန္တရာယ်ဟာ အကန့်အသတ် ရှိမှာ မဟုတ်ပါ။

"နေရာမှန်ကို ရောက်ရှိခဲ့တဲ့ စိတ်ဓာတ်ရင့်ကျက်သူရယ်လို့  ကမ္ဘာ့သမိုင်းမှာ သည်နေ့ အထိ အလုံအလောက် မရှိသေးပါဘူး" လို့  ဂျီဘီ ချစ္စဟုမ်း (G.B. Chisholm) ဆိုတဲ့ စိတ်ကုဆရာ ၀န်တယောက်က ပြောဖူးပါတယ်။ သူငယ်နာမစင်တဲ့ လူကြီးတွေပဲ နေရာယူထားတာကြောင့် နေရာမှန် လူမှန် ဆိုတဲ့ အခြေအနေမျိုး ရှားပါးနေရတာကို ဆိုလိုချင် ပုံရပါတယ်။
"အတ္တဟိတနဲ့ ပရဟိတကို ဟန်ချက်ညီညီ ဒွန်တွဲဖန်တီးပေးနိုင်တဲ့ စိတ်ဓာတ်ရင့်ကျက်မှုမျိုးကို ပိုင်ဆိုင်ထားတဲ့သူတွေ ယနေ့ အထိ လုံလုံလောက်လောက် မရှိသေးတဲ့အတွက် လူ့လောက ဟာလည်း ကသောင်းကနင်း ဖြစ်နေရတယ်" လို့  ပါမောက္ခ အိုဗာစထရိက ပြောပါတယ်။
ယနေ့ လူငယ် နောင်ဝယ်လူကြီး ဆိုတဲ့ စကားဟာ သုံးစွဲလွန်းလို့  ဖွတ်ဖွတ်ကြေပြီး စွမ်းအားမဲ့ တဲ့ စကားလုံးတောင် ဖြစ်နေပါပြီ။ ဒါပေမယ့် လူကြီးတယောက်ရဲ့ ဘ၀ကို မလွဲဧကန် ရောက်ရှိ မယ့် လူငယ်တွေအနေနဲ့  "ရင့်ကျက်မှု" ဆိုတဲ့ အသိစိတ်ဓာတ်ဖွံ့ ဖြိုးတိုးတက်ရေးအတွက် ပြင်ဆင်လေ့ကျင့်တာမျိုးက အလွန်နည်းပါးနေပါသေးတယ်။
နောက်ပြီး အသိစိတ်ဓာတ် ရင့်ကျက်မှုကို သင်ကြားလေ့ကျင့်ပေးတဲ့ ပတ်ဝန်းကျင်ကလည်း ရှားပါးနေပါတယ်။စာသင်ကျောင်းတွေမှာလည်း သည်လို စိတ်ဓာတ် ဖွံ့ ဖြိုးရေးပညာကို စနစ်တကျ လေးလေး နက်နက် သင်ပေးတာမျိုး မရှိသေးပါဘူး။
မြန်မာနိုင်ငံမှာ ဆိုရင် ဆရာဝန် အင်ဂျင်နီယာ စတဲ့ အသက်မွေးပညာတွေကိုပဲ ဘ၀ရဲ့ ထိပ်တန်း ရည်မှန်းချက်လို ဖြစ်နေအောင် ပညာရေးလောကက ဖန်တီးပေးနေပါတယ်။ သည်လို အတတ်ပညာတွေအပေါ်မှာပဲ အာရုံ စိုက် နေအောင် သင်ကြားပေးနေတာပါ။ ဒါပေမယ့် ဆရာဝန်ကြီး အင်ဂျင်နီယာကြီး တယောက်ဖြစ် လာရုံနဲ့  အသိစိတ်ဓာတ်က အလိုလို ရင့်ကျက်လာတာ မဟုတ်ပါဘူး။ စိတ်ဓာတ်ရင့်ကျက်မှု ဆိုတာက လေ့ကျင့်ပွားများ ရတဲ့ ပညာရပ်တခု ဖြစ်ပါတယ်။
ပါမောက္ခ အိုဗာစထရိက ရင့်ကျက်သော စိတ် ( The Mature Mind) ဆိုတဲ့ စာအုပ် တအုပ် ကို ရေးသားခဲ့ပါတယ်။ သည်စာအုပ်မှာ ရင့်ကျက်တဲ့ စိတ်ဓာတ်ကို ပိုင်ဆိုင် ရရှိဖို့ လိုအပ်ချက် တွေကို ရှင်းလင်းပြထားပါတယ်။ အဓိက တင်ပြထားတာ ကတော့ ရင့်ကျက်မှု ဆိုင်ရာ ကွင်းဆက် သဘောတရား(The Linkage Theory of Maturity) ဖြစ်ပါတယ်။
ရင့်ကျက်သူတယောက်ဖြစ်လာဖို့  ဘ၀နဲ့ ဆက်စပ်နေတဲ့ ကွင်းဆက် ခြောက်ခုကို ပါမောက္ခ အိုဗာစထရိက သည်စာအုပ်မှာ ရှင်းပြထားပါတယ်။

သည်ကွင်းဆက်တွေကတော့ အသိပညာ ကွင်းဆက်၊ တာဝန်ကွင်းဆက်၊ ပြောဆိုဆက်ဆံရေး ကွင်းဆက်၊ လိင်မှု ကွင်းဆက်၊ ကိုယ်ချင်းစာနာမှု ကွင်းဆက်နဲ့ ဒဿနအမြင်ကွင်းဆက်တို့  ဖြစ်ပါတယ်။ သည်ကွင်းဆက်ခြောက်ခုဟာ တခုနဲ့ တခု ဆက်စပ်နေပြီး အပြန်အလှန် အထောက်အပံ့ပြု နေတဲ့အကြောင်း၊ သည်ကွင်းဆက်ခြောက်ခုကို ပြည့်ဖြိုးသန်မာအောင် ကြိုးစား အားထုတ်တဲ့ သူဟာ ရင့်ကျက်တဲ့စိတ်ကို ပိုင်ဆိုင်သူဖြစ်လာမယ့်အကြောင်း အိုဗာစထရိက ပြောပါတယ်။ ။

အသိပညာကွင်းဆက်
လူဟာ အသက်အရွယ်ကြီးမြင့်လာပေမယ့် စိတ်ဓာတ်ရင့်ကျက်တဲ့သူအဖြစ်ကို အလိုလို ရောက်လာတာ မဟုတ်ပါဘူး။ စိတ်ဓာတ်ရင့်ကျက်သူ ဖြစ်လာဖို့ အတွက် လေ့ကျင့်ပွားများ ရမယ့်အရာတွေ
သပ်သပ် ရှိနေပါတယ်။ သည်လို လေ့ကျင့်ပွားများရမယ့် အရာတွေ အကြောင်း ကို ပါမောက္ခ အိုဗာစထရိ (Overstreet) က ကွင်းဆက်ခြောက်ခု သဘောတရား နဲ့ တင်ပြပါတယ်။ သည်ကွင်းဆက်ခြောက်ခုဟာ လူသားရဲ့ ရှင်သန်မှုဘ၀နဲ့ ဆက်စပ်နေတဲ့ ကွင်းဆက်များ ဖြစ်ပါတယ်။ သူကျင်လည်ရာ ပတ်ဝန်းကျင် ကမ္ဘာလောကကြီးနဲ့ ဆက်စပ် နေတဲ့ ကွင်းဆက်များ ဖြစ်ပါတယ်။ သည်ကွင်းဆက်ခြောက်ခုထဲမှာ ပါဝင်တဲ့ အသိပညာ ကွင်းဆက်နဲ့  ပတ်သက်ပြီး အိုဗာစထရိက သည်လို စတင်ပြောပြပါတယ်။

- လူသည် မည်သည့်အသိပညာမှ မပါဘဲလျက် မွေးဖွားလာသည်။ သို့ သော် မွေးကင်းစ ကလေးငယ်တွင် သဘာဝကပေးသော ဗီဇအသိတချို့ ပါဝင်သည်ကိုမူ ၀န်ခံရမည်။ သူ့  အသက် ရှင်ဖို့ အတွက် မိခင်ဧ။် နို့ ကို မည်သို့ သောက်စို့ ရမည်ကိုကား ကလေးငယ် သိသည်။ ထိုသို့ သော ဗီဇသိမှ လွဲလျှင် အခြားအသိပညာ ဘာမှ မပါရှိ။ သူနှင့် ကမ္ဘာလောကကြီး အကြား မည်သည့် အသိပညာကွင်းဆက်မှ မရှိသေး။ အရေးအဖတ် အတွက်အချက် ကဲ့သို့  သော စွမ်းရည်များကို မဆိုထားဘိ။ အသက်ရှင်ရေးအတွက် လိုအပ်ချက်များကိုပင် ကျယ်ကျယ်ပြန့် ပြန့် မသိသေး။ သူ့ ကိုယ်ပေါ်က ခြုံစောင် ကွာကျသွားလျှင် အအေးမိပြီး နေထိုင် မကောင်းဖြစ်မည်ကိုပင် မသိသေးပေ။ ----

ကလေးငယ်မှာ အသိပညာ မပါရှိပေမယ့် အသိပညာကို ရယူနိုင်တဲ့ စွမ်းအားတွေတော့ ပါရှိနေတယ် ၊ ဒါပေမယ့် လူတွေဟာ သည်လို စွမ်းအားကို အသုံးမချနိုင်ဘဲ ၊ အသုံးချရ ကောင်းမှန်း မသိဘဲ သေဆုံးသွားတတ်တယ်လို့  ပါမောက္ခ အိုဗာစထရိက ပြောပါတယ်။
ပတ်ဝန်းကျင် ကမ္ဘာကြီးနဲ့ ဆက်စပ်ဖို့ အတွက် အသိပညာကွင်းဆက်ကို မဖန်တီးရင် ကလေး ဘ၀ ကို ကျော်လွန်ရှင်သန်နိုင်မှာ မဟုတ် ၊ အသိပညာကွင်းဆက်ကို ခိုင်မာ သည်ထက် ခိုင်မာအောင် စဉ်ဆက်မပြတ် တည်ဆောက်နေပါမှ ကလေး ကလား ဆန်တဲ့ စိတ်ဓာတ်ကို ကျော်လွန်ပြီး ရင့်ကျက်သူ ဖြစ်လာမယ်လို့  သူက ဆိုပါတယ်။ ဒါပေမယ့် သူပြောတဲ့ အသိပညာ ဆိုတာက ဗဟုသုတသက်သက်ကို ဆိုလိုတာ မဟုတ်တဲ့အကြောင်း သည်လို ရှင်းပြပါတယ်။

- ရင့်ကျက်သူ ဖြစ်လာရန်အတွက် ရူပဗေဒ၊ ဓာတုဗေဒ၊ ဒဿနဗေဒ စသည့် သီးခြား ဘာသာ ရပ်များအားလုံးကို သိရမည်ဟု ဆိုလိုသည်မဟုတ်။ ရင့်ကျက်မှုနှင့် ဗဟုသုတသည် တခြားစီ သာ ဖြစ်သည်။ တောလမ်းတလမ်းပေါ်တွင် လူနှစ်ယောက် လမ်းလျှောက်သွားသည် ဆိုပါစို့ ။ နှစ်ယောက်စလုံးပင် လမ်းဘေးက သစ်ပင်ပန်းပင် များကို မြင်နေရမည်။ တယောက် က ယင်းသစ်ပင်ပန်းပင်တို့ ဧ။် သဘာဝကို သိပြီး ကျန်တယောက် ကတော့ မသိ ဟု ဆိုပါစို့ ။ ထိုအခြေအနေတွင် သိသူကို ရင့်ကျက်သူဟု သတ်မှတ်ပြီး မသိသူကို မရင့်ကျက်သူဟု သတ်မှတ်၍ မရနိုင်ပါ။

- ရင့်ကျက်မှုဟူသည် အသိပညာအပေါ် ထားရှိသည့် သဘောထားနှင့်သာ သက်ဆိုင်သည်။ သစ်ပင်ပန်းပင်တို့ ဧ။် အမည်နာမနှင့်သဘာဝတို့ ကို သိရန်လိုအပ်သည့် ဘ၀အခြေအနေတွင် သိရန်မလိုအပ်သယောင် သဘောထားလျှင်ကား ထိုသူကို မရင့်ကျက်သူ ဟု သတ်မှတ်ရမည်။ တကယ်မသိပါဘဲလျက် သိဟန်ဆောင်နေလျှင် ထိုသူကို မရင့်ကျက်သူဟု သတ်မှတ်ရမည်။ ကိုယ့်မသိသည့် ပညာရပ်များကို ကိုယ်မသိသည့်အတွက် တန်ဖိုးမရှိသလို နှိမ့်ချပြောဆိုလျှင် ထိုသူကို မရင့်ကျက်သူဟု သတ်မှတ်ရမည်။ သိသင့်သောအရာကို သိလည်း သိနိုင်ပါလျက် မသိလည်း အရေးမကြီးပါဘူးဟုဆိုကာ သိချင်စိတ်ကို ဖျောက်ဖျက်လျှင် မိမိကျင်လည် နေထို င် ရသော ပတ်ဝန်းကျင်လောကကြီးအပေါ် အရေးမစိုက်သည့် သဘောထား ဖြစ်သည့် အတွက် ထိုသူမျိုးကို မရင့်ကျက်သူဟုပင် သတ်မှတ်ရမည်။ ----

သက်ရှိသတ္တ၀ါတမျိုး ဖြစ်တဲ့ လူသားဟာ အသက်ရှင်ဖို့ လောက်ကိုသာ အာရုံမထားသင့်ဘဲ ကျန်တဲ့ အသိပညာတွေကိုလည်း အရေးထားပြီး အာရုံစိုက်သင့်တယ်လို့  ပါမောက္ခ အိုဗာစထရိက ယူဆပါတယ်။ လူမှာ ပါရှိတဲ့ စွမ်းရည်စွမ်းပကားတွေကို အသုံးချရကောင်းမှန်း မသိတဲ့သူတွေကို တိရစ္ဆာန်အဆင့်လောက်ပဲ ရှိတဲ့သူတွေလို့  သူက မြင်ပါတယ်။ လူသားဟာ သူ့ မှာ ပါရှိနေတဲ့ စွမ်းရည်စွမ်းပကားတွေကို အသုံးချပြီး ၊ အသက်ရှင်သန်ဖို့ ထက် ပိုလွန်တဲ့ ပညာရပ်တွေကို တိုးတက်လေ့လာခဲ့တဲ့အတွက်ပဲ တိရစ္ဆာန်လောကထက် တဆင့် မြင့်တဲ့ လူသားလောကကို ရောက်ခဲ့တာလို့  သူက ဆိုပါတယ်။ ရင့်ကျက်မှုရှိတဲ့ လူသားတွေကြောင့်
လူသားလောကဟာ တိုးတက်ဖွံ့ ဖြိုးလာခဲ့ရတယ်လို့ သူက ကောက်ချက်ချရင်း သည်လို ဆက်ပြောပါတယ်။

- လူ သည် အသက်အရွယ်အရရော အဆင့်အတန်းအရပါ လူကြီးတယောက်ဖြစ်လာပြီး သားသမီးများ၊ တပည့်တပန်းများကို ဦးဆောင်ရမည့် အနေအထားကို ရောက်လာပါလျက် ထိုအနေအထားတွင် လိုအပ်သည့် အသိပညာမျိုးကို ရရှိအောင် ကြိုးစားအားထုတ်မှု မရှိလျှင် မရင့်ကျက်သူ ဖြစ်သည်။

- လူ့ အဖွဲ့ အစည်းအတွင်း နေထိုင်ရသော လူသားတွင် ရွေးချယ်ဆုံးဖြတ်စရာများ အများ အပြား ရှိနေသည်။ မိမိစိတ်ဆန္ဒကို ပွင့်ပွင့်လင်းလင်း ထုတ်ဖော်ပြသစရာများလည်း အများ အပြားရှိနေသည်။ ရပ်ရေးရွာရေး၊ တိုင်းရေးပြည်ရေး၊ ကမ္ဘာကြီးအရေး၊ သဘာဝ ပတ်ဝန်းကျင် အရေး စသော အလွန်အရေးပါတဲ့ ကိစ္စရပ်များတွင် ဆန္ဒပေးရခြင်းများ၊ ပါဝင်ဆုံးဖြတ် ရခြင်း များကို ဆောင်ရွက်ရသည်။ သို့ ပါလျက် သည်လို ကိစ္စရပ်မျိုးကို လေးလေးနက်နက် စိတ်ဝင်စားရကောင်းမှန်မသိဘဲ ပေါ့ပေ့ါတန်တန် သဘောထားနေလျှင် မရင့်ကျက်သူ ဖြစ်သည်။ - - -

လူတယောက်အတွက် ဘ၀မှာ သိစရာတွေ အများအပြားရှိပါတယ်။သည်လို သိစရာတွေကို သိအောင် စဉ်ဆက်မပြတ်ကြိုးစားအားထုတ်ဖို့ လိုတယ်၊ အသက်ရှင်သန်နေသရွေ့  လိုအပ်တဲ့ အသိပညာကို ဆည်းပူးနေရမယ်လို့  အိုဗာစထရိက ဆိုပါတယ်။ စဉ်ဆက်မပြတ်ပညာရေး၊ သက်ကြီးပညာရေး စတဲ့ ပညာရေးလောကရဲ့ ဖွံ့ ဖြိုးတိုးတက်မှုဖြစ်စဉ်တွေအပေါ်မှာ အိုဗာ စထရိရဲ့ အယူအဆတွေက အလွန်သြဇာရှိခဲ့တာပါ။ လူတယောက်ဟာ အသိ စိတ်ဓာတ်ပိုင်း ဆိုင်ရာနဲ့ လူမှုဆက်ဆံရေးပိုင်းဆိုင်ရာများမှာ ရင့်ကျက်မှုကို ရယူလိုတယ်ဆိုရင် အသိပညာ ကွင်းဆက်ကို စဉ်ဆက်မပြတ် တည်ဆောက် နေရပါမယ်။ အသိပညာကွင်းဆက်ကို တည်တံ့ ခိုင်မြဲအောင် လုပ်ဖို့ စဉ်ဆက်မပြတ် ပညာရေးကို လုပ်ဆောင်ရပါမယ်။ စဉ်ဆက်မပြတ် ပညာရေးကို လက်မခံရင် ဘာဖြစ်မလဲဆိုတာကို အိုဗာစထရိက သည်လို ရှင်းပြပါတယ်။

- လက်ရှိပိုင်ဆိုင်ထားသမျှ အသိပညာ ဗဟုသုတလောက်ကို လုံလောက်ပြီဟု ဆုံးဖြတ်ပြီး နောက်ထပ် ဆည်းပူးလေ့လာခြင်းမရှိသူသည် မရင့်ကျက်သူ ဖြစ်သည်။ ထိုသူမျိုးသည် အခြေအနေသစ်နှင့် ရင်ဆိုင်တွေ့ ရသည့်အခါ ဘာလုပ်ရမှန်း မသိတော့။ ပြဿနာ အသစ်များ နှင့် ရင်ဆိုင်ရသည့်အခါ နည်းလမ်းဟောင်းများနှင့်သာ ဖြေရှင်းတတ်သည်။ သို့ ဖြင့် ပြဿနာ မပြေလည်ဘဲ ပိုရှုပ်ထွေးလာခြင်းသာ အဖတ်တင်တတ်သည်။ တရားသေနည်းလမ်း ဟောင်း များနှင့် တရားသေ၀ါဒများက သူ့ ဘ၀ကို ပုံဆောင်ခဲတခုအဖြစ် ဖန်တီးပစ်လိုက်သည်။ သို့  တိုင် သူကတော့ မာနတလူလူ ဖြစ်နေသည်။ ကိုယ့်ကိုယ်ကိုယ် အထင်ကြီးပြီး ဘ၀င်မြင့်နေ တတ်သည်။ ဘာမှ ထပ်သိစရာ မလိုအပ်တော့သည့် လူတတ်ကြီးတယောက်လို ကိုယ့်ကိုယ် ကိုယ် ထင်မှတ်နေလေရာ နွားခြေရာခွက်ထဲက ဖားသူငယ်အဖြစ်သို့  ရောက်မှန်းမသိ ရောက်သွားရတော့သည်။

- ကျမ်းဂန်စာပေ တတ်ကျွမ်းသည့် ပညာရှိကြီး ဖြစ်စေကာ ကိုယ့်ကိုယ်ကိုယ် ထင်တလုံး
ဖြစ်နေလျှင် စာမတတ်သည့် လယ်သမားတယောက်နှင့် ဘာမှ မထူးပြီ။ စာမတတ်သည့် လယ်သမားသည်လည်း သူ့ ဖခင် သင်ပေးသမျှနှင့် တင်းတိမ်နေပြီး အသစ်အသစ်သော စိုက်ပျိုးရေးပညာရပ်များကို လေ့လာခြင်းမရှိ ၊ အသုံးချရကောင်းမှန်း မသိသူ ဖြစ်သည်။ စဉ်ဆက်မပြတ်လေ့လာဆည်းပူးခြင်း ကင်းမဲ့သည့် ပညာရှိနှင့် စာမတတ်ပေမတတ် လယ်သမားတို့  နှစ်ယောက်စလုံးပင် မရင့်ကျက်သူများ ဖြစ်သည်။------
ရင့်ကျက်မှုအတွက် မရှိမဖြစ်လိုအပ်တဲ့ အသိပညာကွင်းဆက်အကြောင်းကို တင်ပြပြီးတဲ့ နောက်မှာ " အသိပညာကွင်းဆက်ကို တည်ဆောက်ဖို့  ဘာကြောင့် ပျက်ကွက် ကြတာလဲ၊ တည်ဆောက်ပြီးသားကွင်းဆက်ကို ခိုင်မာအားကောင်းလာအောင် ဘာကြောင့် ဆက်ပြီး အားမထုတ်နိုင်ကြတာလဲ " ဆိုတဲ့ မေးခွန်းကို သူက ဆက်မေးပါတယ်။ ပြဿနာရဲ့ အကြောင်းရင်းများကိုလည်း သည်လို ဆက်ဆွေးနွေးပြပါတယ်။

- အသိပညာကွင်းဆက်ကို တည်ဆောက်ရန် သို့ မဟုတ် ဘ၀တလျှောက်လုံး စဉ်ဆက် မပြတ်တည်ဆောက်ရန် ပျက်ကွက်ခြင်းမှာ အတွင်းအဇ္ဈတ္တရှိအကြောင်းရင်း များတွင် လည်းကောင်း၊ အပြင် ဗဟိဒ္ဓအကြောင်းရင်းများတွင်လည်း အခြေခံသည်။

- ပုံစံပြရလျှင် ကလေးဘ၀ကပင် အသိပညာလေ့လာဆည်းပူးချင်သော စိတ်ကို ပိတ်ဆို့ ဟန့်  တားခြင်း ခံခဲ့ရနိုင်သည်။ " မင်းက ငါ့ထက်သာအောင် ကြိုးစားနေတာပေါ့လေ ဟုတ်လား" ဟု ဖခင်ဖြစ်သူဧ။် ရိသဲ့သဲ့ ထိပါးပြောဆိုမှုမျိုးကို ခံခဲ့ရနိုင်သည်။ " သည်လို လောကီစာတွေ လေ့လာ နေရင်တော့ ပျက်စီးရုံပဲ ရှိမှာပေါ့" ဟု ဘာသာရေးဆန်သော မိခင်ဧ။် ဝေဖန်ပြောဆိုမှု မျိုးကို ခံခဲ့ရနိုင်သည်။ " ဆရာ့အချစ်တော် လာပြီဟေ့၊ တို့ ကစားဝိုင်းထဲ မပါစေနဲ့ " ဟု အတန်းတူ သူငယ်ချင်းများဧ။် ၀ိုင်းပယ်မှုမျိုးကို ခံခဲ့ရနိုင်သည်။ ထိုသို့ ပြုမူပြောဆိုခြင်း ခံခဲ့ ရလျှင် မသိစိတ်အတွင်းတွင် အသိပညာလေ့လာဆည်းပူးမှုကို မုန်းတီးသောစိတ် ကိန်း အောင်း သွားနိုင်သည်။ ကလေးဘ၀တွင် ကိန်းအောင်းသွားသောစိတ်သည် ဘ၀တလျှောက် လုံး သူ့ ကို လွှမ်းမိုးနေမည်။သို့ ဖြင့် အသိပညာကွင်းဆက်ကို တည်ဆောက်ရန် ပျက်ကွက်ရ တော့သည်။

- နောက်တယောက်က ထိုသို့ သော မသိစိတ်မျိုး မရှိ။ သို့ သော် မိဘဆွေမျိုး အသိုင်းအ၀ိုင်း နှင့် လိုက်လျောညီထွေ နေရခြင်းကိုသာ သဘောကျသည်။ အသိုင်းအ၀ိုင်းတွင် လွှမ်းမိုး သော ယုံကြည်မှုများ၊ ဓလေ့ထုံးစံများ၊ အကျင့်စရိုက်များကို စူးစမ်းဆင်ခြင်မှုမရှိဘဲ မျက်စိမှိတ် လက်ခံသည်။ ကိုယ်ပိုင်ဦးနှောက် မရှိသူဟု ဆိုရမည်။ မိသားစုဧ။် အလိုအတိုင်း နေသည်။ သူငယ်ချင်းအပေါင်းအသင်းများဧ။် အလိုအတိုင်း နေသည်။ နိုင်ငံရေးဖြစ်စေ၊ စီးပွားရေးဖြစ်စေ၊ ဘာသာရေး ဖြစ်စေ၊ လူများစုလုပ်သည့်အတိုင်း လိုက်လုပ်သည်။ ရှေးရိုး အစဉ်အလာအတိုင်း လိုက်လုပ်သည်။ ကိုယ်ပိုင်ဆုံးဖြတ်ချက် ဘာမှ မရှိ။ ပတ်ဝန်းကျင်အလိုအတိုင်း လိုက်နေသည့် အတွက် သူ့ တွင် အသိပညာကွင်းဆက် ကင်းမဲ့နေရသည်။ ရှိလျှင်သော်မှ ယင်းကွင်းဆက် သည် ခိုင်မာခြင်းမရှိဘဲ ကျိုးပဲ့ပြတ်တောက်နေတတ်သည်။ သို့ ဖြင့် ထိုသူသည်လည်း ရင့်ကျက်ခြင်း ကင်းရလေတော့သည်။ ။

ကလေးအတွေးရဲ့ ပဲ့ ကိုင်ရှင်

ကာယ့ ကျင့်ခန်းတွေ အရမ်းလုပ်ခိုင်းတဲ့  ကာယဆရာ ပြောင်းသွားတော့ အားလုံးထက် ကျွန်တော်က ပိုပြီး ၀မ်းသာခဲ့ ပါတယ်..။ ကျနော်က သူများလို ပြေးပြေးလွှားလွှားလည်း သိပ်မလုပ်နိုင်လို့ ပါ..။

ဆရာရဲ့ နေရာမှာ ပုံပြောကောင်းတဲ့ ဆရာမ အစားသစ် ရောက်လာခဲ့ တယ်။
ဆရာမအသစ်ဟာ..ကာယချိန်မှာ ကျွန်တော်တို့ ကို လေ့ ကျင့်ခန်း တခါတရံ မှာပဲ
လုပ်ရပြီး ပုံပြင်တွေ ဘဲ ပြောပြနေပါတယ်။ ကစားချင်တဲ့ သူတွေ ရှိပေမဲ့
့..ဆရာမရဲ့ စုန်း ၊ တစေ၊ သရဲပုံပြင်တွေကြောင့် တစ်တန်းလုံး တိတ်ဆိတ်ပြီး
နားထောင် နေကြပါတယ်။ ကျွန်နော့် အနေနဲ့ ကတော့..ကျွန်တော်တခါမှမကြားဘူး

တဲ့ ပုံပြင်တွေ မို့ လို့ ပိုလို့ စိတ်ဝင်စားပါတယ်..။

ကျွန်နော် စာအုပ်တွေ ငယ်ငယ်ထဲ က ဖတ်တယ် ဆိုပေမဲ့ ..အဲ့ သလိုစာမဖတ်ခဲ့
့ရပါဘူး..။ကျွန်နော့် အိမ်မှာလည်း ဖေဖေ က မထားတတ်ဘူးလေ၊..ကျွန်နော် ဖေဖေ
နဲ့ မေမေ ကတော့ အဲ့ သလိုစာတွေ ပုံတွေ မဖတ်ခိုင်းခဲ့ ပါဘူး…။

ခုရက်နောက်ပိုင်းကျွန်နော်…အိမ် နောက်ဘေးလည်း တစ်ယောက်တည်း မ၀င်ရဲ ဘူး၊
ပြီးတော့..ဟိုအကို ဒီအကိုနား အတင်း ကပ်နေတာကို ဖေဖေက သတိပြုမိနေပါတယ် ။

“ခုတစ်လော မင်းကိုကြည့်ရတာ တစ်မျိုးဘဲသား…ဘာဖြစ်နေတာလည်းသား..”

ကျွန်တောာ်ဖြေဖို့ အသံတိတ်နေ တုံးကိုကိုက

” ညီညီကကြောက်လို့ ဖေဖေ.. “လို့ ဖြေခဲ့ တယ်…။

” လာပါအုံးသားငယ်…မင်းက ဘာကိုကြောက်တာလည်း….”

” ကျွန်နော် ဘာကိုကြောက်နေတာလည်းတော့ မသိဘူး..ဖေဖေ…”၊

ဒါနဲ့ ဖေဖေက

“သားရေ ..လူတိုင်းတော့ ကြောက်တက်ကြပါတယ် ။..
ဘာမှမကြောက်ဘူးဆိုတဲ့သူတောင် တစ်ခုခုကိုကြောက်နေတဲ့သူလို့ ထင်မှာတော့ကြောက်ကြမှာပါ။
ထားပါ….။ ဖေဖေသိ သလောက်ပေါ့ကြောက်တဲ့နေရာမှာ သုံးမျိုးရှိတယ်သား ”

* သိလို့ကြောက်တာရယ်။

* မသိလို့ကြောက်တာရယ်။

* အထင် နဲ့ ကြောက်တာရယ်..။

တစ်ခါတစ်လေမှာ သိရင်ကြောက်ပါတယ်။

ဥပမာ..အိမ်ရှေ့ အိမ်က ခွေး ကိုက်တက်သည်။
အဲ့ ဒိ့အိမ်ကခွေးကိုက်တာ သိတော့သားမကြောက်ဘူးလား…..ကြောက်တယ်မလား။

ဥပမာ..ခွေးမကိုက်တက်ပါ။
အဲ့ ဒီ့ ခွေး မကိုက်မှာသိရင်တော့ ဘယ်ကြောက်မှာလဲနော်။ ခွေးမကိုက်ဘူးဆိုတာ
မသိလို့လဲကြောက်တာပေါ့။

တစ်ခါတစ်လေကြတော့

သိလို့လဲ ကြောက်တယ် မသိလို့လဲ ကြောက်တယ်။

ဥပမာ.ဓာတ်တိုင်ပေါ်ဖတ်တက်ပြီး မီးကြိုးတွေဖြုတ်ရမယ်ဆိုပါစို သား..။
ဓာတ်လိုက်ရင် သေတက်တယ်ဆိုတာ သားလည်းသိတယ်နော်….ဒါက သိလို့ကြောက်တာနော်။

ပြီးတော့ ဓာတ်မလိုက်အောင် ဘယ်လိုကြိုးတွေဖြုတ်ရမလဲ ဆိုတာ သားကမသိဘူး
မသိလို့လဲကြောက်တတ်တယ်။

တစ်ချို့ကြောက်တာက အထင်နဲ့ကြောက်တာ။

သိလားဆိုတော့ သေသေချာချာတော့မသိဘူး။ မသိဘူးလားဆိုတော့ ကြားတော့ကြားဖူးနေတယ်။

လူတိုင်းလဲ တော်တော်များများလဲယုံကြည်ထား တယ်။
လူတိုင်းနည်းပါးလည်းကြောက်ကြတော့ ကိုယ်ပါလိုက်ကြောက်နေရတာ။

ဥပမာ..သရဲကြောက်တယ်ပေါ့။(ဖေေ ဖလည်း အထင်နဲ့ကိုကြောက်ပါတယ်)

မင်း သရဲဆိုတာသိလားမေးရင်တော့ ဘယ်လိုဖြေမလဲ..နော်။ မသိဘူးလားဆိုတော့ သိတော့သိတာပေါ့

သရဲ ကို သိလား၊ သရဲ ကို တွေ့ ဘူးလား ဆိုတော့ သိတော့မသိဘူး ၊တွေ့ လည်းမတွေ
့ဘူးဘူး ။ အဲလိုနဲ့ အထင်ကြောက်ကြတယ်ဆိုပါတော့။

ကဲ အခုသိပြီလား…သားဖေဖေပြောပြတာရှ င်းရဲ့ လား
.သားက…အခုဘာကိုကြောက်တာလည်း….”

ဖေဖေစကားအဆုံးမှာကျွန်တော်က..ေ ကျာင်းကဆရာမပြောတဲ့ ပုံပြင်တွေ
အကြောင်းပြောပြလိုက်ပါတယ်..။

” ကဲ့ ဒီည အိပ်တော့. သား.။မနက်ဖြန်ဖေဖေ ကျောင်းလိုက်ခဲ့ မယ် ၊စိတ်မပူနဲ
့သား မင်း ဆရာမကိုလည်း ဖေဖေစကားပြောချင်တယ်၊….”

……………………….

နောက်တစ်နေ့ မနက်.. မနက်စားစားရင်း

” ဖေဖေ ကျောင်းလိုက်ခဲ့ မယ်သား..ဒါဟာအရေးကြီးတယ် ၊ ဖေဖေ
့သားဟာ..တခါမှမကြောက်တတ်ဘူး.၊

ဒါဘယ်ကစလည်း တွေးရင် ကလေးဘ၀က စခဲ့ တာပဲ….

ကိုယ့် နဲ့ ဘ၀တစ်လျောက်လုံးသိခဲ့ တဲ့ အကြောက်တရားက လောကမှာ ကြောက်စရာအကောင်းဆုံးက

အကြောက်တရားပဲသား…..။

ကလေးတွေရဲ့ အကြောက်တရားကိစ္စ သိပ်အရေးကြီးပါတယ်။

တိုင်းပြည်တပြည်ရဲ့  အဖိုးအထိုက်တန်ဆုံးက ကလေးတွေပါဘဲ…။

သားဟာ..ဖေဖေရဲ့ ရတနာဖြစ်သလို..တိုင်းပြည်ရဲ့ ရတနာဘဲ…၊ ”

ဒါတွေ ကို သားက ငယ်သေးတယ်သိမှာမဟုတ်ဘူး….ဒါကြော င့်သိနိုင်မယ့်သူတွေ ကို
ဖေဖေပြောပြမယ် ကလေးတွေ တန်ဖိုးထားမှု ဟာ ယဉ်ကျေးမှုကိုတန်ဖိုးထားခြင်းပဲ။….”

မဟုတ်မခံတတ်တဲ့ စိတ် နဲ့ ကလေးတွေ ရဲ့ စိတ်ကို တန်ဖိုးထားတဲ့ ဖေဖေ က
ကျောင်းအုပ်ကြီးဆီ အရင်ဝင်ပါတယ် ၊ပြီးတော့..ကာယ ဆရာမကိုလည်း ၀င်တွေ
့လိုက်ပါတယ်။

ကျွန်နော့်ကို မေးတဲ့ မေးခွန်းမျိုးတွေ မေးပါတယ် ၊

အဲ့ ဒိနေ့ ကစပြီး..ကျွန်တော်တို့ တွေ လည်း ပုံပြင် နားမထောင်ရတော့ဘူး..လေ့ကျင့်ခန်းဘဲ လုပ်နေရတယ်၊ ကျွန်တော့် ကိုတော့ ပိုခိုင်းတော့ မှာဘဲထင်မိပေမယ့်…ဆရာမက တူတူဘဲခိုင်းပါတယ်။

ချစ်ခင်လေးစားသော
ရွှေအိမ်စည်

ဤဆောင်းပါးကိုကြိုက်နှစ်သက်လျှ င်စာရေးသူကမည်ထိ ကူးပြီးဝေဌာနိုင်ပါသည်။

ဖေဖေပြောသလိုပါဘဲ လူလောကကမ္ဘာထဲကို မှန်မှန်ကန်ကန် တွေးတောနိုင်ဖို့ 
လက်ဦးဆရာတွေ ရဲ့ ပဲ့ ကိုင်ကျွမ်းကျင်မှု ကလည်း အရေးကြီးလှပါတယ်

ငမိုး မသေသေး

(ငမိုး)ကိုလူအများတကာက သေလေပြီဟုပြောကြသည် ။
အမှန်မှာကား ( ငမိုး ) မသေသေးဟု ထင်ပါသည် ။ ယခု ဇန်န၀ါရီလ တစ်ခုသော နံက်ခင်း ချမ်းချမ်းစီးစီးထဲတွင် တပ်မတော်မော်ကွန်းတိုက်၏ အောက်ထပ်၌ “ငမိုး (ခေါ်)ဗိုလ်ချုပ်အောင်ဆန်း” ကိုအမှတ်မထင် ကျွန်တော် တွေ့ရ၏ ။တစ်ဦးနှင့်တစ်ဦး တွေ့ကြရာ၌ ယခင်တုန်းကလို ၀မ်းသာအယ်လဲမရှိကြ ။ သူကလည်း သူ့အတွေးနှင့်သူ ငိုင်နေ၏ ။ ကျွန်တော့်မှာလည်း ရင်ထဲမှာ နာနေ၏ ။ဘာအတွက် အသဲနာ,ရင်နာ ဖြစ်ရသည်ကိုကား ကျွန်တော် ဖွင့်မပြောချင် ။ တစ်ခါတုန်းက ( ငမိုး )အကြောင်း “ဂျာနယ်ကျော်”ထဲတွင် ဖွင့်ပြောဘူးသဖြင့် ငါးကြော်စားက ရန်ကုန်ထောင်ထဲ ( ၃ ) လကျော် ၀ါဆို ခဲ့ရဘူး၏ ။
ထို့ကြောင့် နာနေသော အသဲကို ကျပ်စည်း၍ထားရမည် ။ ငမိုး သည် သူ၏ အထုပ္ပတ္တိ ကိုစီကာ စဉ်ကာပြသထားသော မှန်ဘီရိုများအား ဦးခေါင်းငိုက်ဆိုက်ဖြင့် တစ်ခုပြီးတစ်ခု လိုက်လံကြည့်ရှုနေ၏ ။ ထိုမှန်ဘီရို များထဲ၌ တက္ကသိုလ် သိပ္ပံဌာနမှ ကြီးမှူးသော ပြပွဲတွင် တပ်မတော် မော်ကွန်းတိုက်မှ (ငမိုး) ၏ ဓတ်ပုံ,စာရွက်စာတမ်း,အ၀တ်အစား,အသုံးအဆောင် ကလေးများကို စုဆောင်း၍ပြသထားဘူး၏ ။ တစ်ဆယ့် သုံးခုမြောက် မှန်ဘီရိုထဲတွင် (ငမိုး) ၏ စီးကရက်ဗူး မီးခြစ်နှင့် ပလေးယားစီးကရက် (၆)လိပ်ရှိ၏ ။ ငမိုး သည် ဘာမပြောညာမပြော စီးကရက်တစ်လိပ်ကိုယူပြီး မီးညှိသောက်နေလေရာ သူ၏ စီးကရက်မှ မီးခိုးငွေ့များသည် တစ်ခဏအတွင်း မော်ကွန်းတိုက် အောက်ထပ်၌ ပြည့်လျှံ၍ သွားလေ၏ ။ စီးကရက် မီးခိုး အနံ့ကြောင့် ကျွန်တော်၏ ဦးခေါင်း သည် ရီဝေမူးနောက် လာ၏ ။ ကျွန်တော် ၏ စိတ်သည် ရပ်တည်နိုင်စွမ်းမရှိဘဲ အတိတ်ဆီသို့ ထွက်ပြေးသွားလေသည် ။

( ၂ ) ငမိုး သည် ကျွန်တော့် ထက် အသက် ၆ နှစ်ခန့်ကြီးသည် ။ ကျွန်တော်ကျောင်းရောက်၍ ဆရာ ဦးသာလင်း၏ သူငယ်တန်းတွင် စာသင်နေချိန်ဝယ် ငမိုး သည် ဆရာ ဦးဘသန်း(ဦးရွှေထိုက်) ၏ တတိယတန်းလောက်တွင် ရောက်နေပေပြီ ။ ငမိုး နှင့် ကျွန်တော် အသက်ချင်း ကွာခြားသလို စာသင်ရသော အတန်းလည်း ကွာခြား၏ ။ကွ်ျတော်၏ ၀မ်းကွဲအကို ကြွက်ကဒိုး (ခေါ်)ကိုဘအေး ၊ ယခု ကျွန်တော့်ယောက်ဖ ကိုဘို ၊ ကိုဖိုးနီ စသော သူများသာ ငမိုးနှင့် တစ်တန်းထဲ စာသင်ကြရ၏ ။ငယ်ရွယ်စဉ် ကလေးဘ၀က ဖြစ်၍ ရေးရေးသာ မှတ်မိတော့၏ ။ ငမိုး ကျောင်းအဆင်း အိမ်အပြန်တွင် လမ်းသွားရင်း လုံချည်ကျွတ်သွားက ပြန်၍မ၀တ်၊ လုံချည်ကို ပုခုံးတွင် စွပ်၍ မည်သူ့မျှ စကားမပြောဘဲ ခပ်သုတ်သုတ်သွားသည်ကို မကြာခဏကြုံရ၏ ။ ကျွန်တော်တို့ ကျောင်းတွင် မျက်နှာကြီးကျောင်းသား အသိုက်အ၀န်း ၂-စု ကွဲနေသည် ။ တစ်စုကို ယခုအခါ ကာယကံရှင်များ အထင်အရှားရှိ၍ ဖွင့်ဟ ရေးသားရန် မသင့် ။ ကျန်တစ်စုမှာ ငမိုး တို့ ညီအစ်ကိုစု ဖြစ်၏ ။ ကျောင်းအပြန်တွင် ဤကျောင်းသားစု ၂-စုသည် အမြဲတမ်းရန်ပွဲဆင်ရ၏ ။တစ်စုနှင့်တစ်စု ပညာဂုဏ်ပြိုင်ဘက် ဖြစ်ကြ၍ လမ်းသွားရင်း ကျောင်းမှ သင်ပေးသော စာများကို ငြင်းခုံကြ၏ ။ ငြင်းခုံရာမှ လက်သီးချင်းထိုး ၊ ကျောက်သင်ပုန်းနှင့်ခုတ် ၊ ခဲနှင့်ထု စသည်ဖြင့် ကလေးတို့ဘာဝ လက်နက်မျိုးစုံ အသုံးပြုကြ၏ ။ထိုရန်ပွဲတွင် ကျွန်တော်တို့သည် ငမိုးတို့ဘက်မှ ပါဝင်ကြမြဲဖြစ်သည် ။ ထိုကျောင်းတော်က ရန်စသည် ငမိုး တို့ ကျွန်တော်တို့ လူရွယ်ပိုင်းရောက်၍လည်း အငွေ့နဲနဲရှိသေး၏ ။ ငမိုး သခင်ဘ၀ ၊ နိုင်ငံရေးသမား ဘ၀ အထိအငွေ့မစဲ ။ ငမိုး နှင့် ကျွန်တော်တို့ ပါတီကို ဘယ်တော့မှ အကောင်းမပြောကြပေ ။ နောက်ဆုံး ငမိုးသည် (ဗိုလ်ချုပ်အောင်ဆန်း) ဟု နာမည် တဟိုးဟိုးကျော်သည်အထိ ၎င်း ၊ ကျွန်တော်သည် ငမိုး၏ နောက်လိုက် အန္တေ၀ါသိက ဖြစ်နေချိန်အထိ၎င်း တစ်ဖက်မှ အကောင်းပြောခြင်းကို မခံကြရ ။ “ ဒီကောင်တွေ အင်္ဂလိပ်ပြန်လာရင် ထောင်ထဲနေရမယ့် ကောင်တွေပါကွာ ” ဟု အပြောခံကြရသေး၏ ။ ကျွန်တော်တို့ ၊ ငမိုး တို့မှာ တိုင်းပြည်လွတ်လပ်ရေးရရန် တာဝန်အထပ်အပိုးကြီးကို ရင်ခွင်တွင်ပိုက်၍ အများတကာ နှင့်ပူးတွဲ ဆောင်ရွက်နေရသဖြင့် ထိုကျောင်းတော်က ကိစ္စများကို ခေါင်းထဲ မထားနိုင် ၊ ရင်ထဲလည်း မထားနိုင် ။ ဂျပန်ခေတ် (စိတ်အထင် ၁၉၄၄- ခု နိုဝင်ဘာလ) စစ်ဝန်ကြီး နှင့် စစ်သေနာပတိအဖြစ် ကန်တော်ကြီး ပတ်လမ်း ( ယခု နတ်မောက်လမ်း)၌ နေထိုင်သောအခါ ကျွန်တော်သည် သူနှင့်အတူနေရ၏ ။ ထိုအခါက အလုပ်အလွန်များနေသည့်ကြားမှ တစ်ခါတစ်ခါ နေရပ် ဇာတိအကြောင်း ပြန်ပြောင်းပြောမိကြ၏ ။ “ (......) ဘာလုပ်နေသတဲ့လဲကွ ...” “ဒီလူ ကုန်သည်လုပ်နေတယ် ကြားရတာဘဲ ..” “ အာရှလူငယ်ထဲ မပါဘူးတဲ့လား .......” “ ပါတယ် မကြားမိပါဘူး ....” ငမိုး သည် စာပွဲတွင် လက်ချောင်းကလေးများကို တင်ထားပြီး ဗုံတီးသလို တီးလိုက်သေး၏ ။ ပြီးနောက်ငြိမ်နေလေသည် ။ ငြိမ်နေပြီးမှ ပြော၏ ။ “ ဒီကောင် ခက်တော့တာဘဲ ၊ လူတော့ လူကောင်းဘဲ ။ အရည်အချင်းလဲ အသင့်သား ၊ ကြွားတတ်တာ ဆိုးတယ် ....” ဤကား သူ့အား တစ်ဘ၀တာလုံး အကောင်း ဟူ၍တစ်ခွန်းမပြောသော သူ၏ ကျောင်းနေဘက် အပေါ်တွင် ထားရှိသော သဘောထားပင်တည်း ။ ငမိုး ၏ဖြူစင်တိကျသော သဘောထားကို ကျွန်တော်သည် ရုတ်ချည်းသိ ထိမိပြီး အံ့အားသင့်သွားခဲ့ရ၏ ။ သူ့ သူငယ်ချင်းအပေါ်တွင် ကြင်နာပြီး သူမြှော်မှန်းသလို မဟုတ်သောကြောင့် ရှုတ်ချခဲ့ခြင်းကား မပြုပေ ။ ငမိုး သည် စိတ်ထားကြီးမားပေသည် ။

( ၃ ) ၁၉၂၉- ခုနှစ် ။ ငမိုး စတုတ္ထတန်း အောင်မြင်ပြီး သောအခါ ၊ အင်္ဂလိပ်ကျောင်းသို့ပြောင်းသွား၏ ။ အင်္ဂလိပ်ကျောင်း ဆိုသည်မှာ ရေနံချောင်း နေရှင်နယ်ကျောင်းကို ဆိုလို၏ ။ အဲဒီခေတ်တုန်းက အင်္ဂလိပ်ကျောင်းကို တော်ရုံ တန်ရုံ ကျောင်းသားများ သွားပြီး ပညာမသင်နိုင်၊ မိဘ ၊ ဦးလေးသားချင်းများတွင် ငွေကြေးတတ်နိုင်မှသာ အင်္ဂလိပ်ကျောင်းသို့ ရောက်နိုင်၏ ။ ငမိုး ၏ မိဘများမှာ ငွေစ, ရှိသူများဖြစ်သည် ။ ငမိုး အင်္ဂလိပ် ကျောင်းရောက်သွားပြီး ကျွန်တော်တို့မှာ မြန်မာကျောင်းတွင် ကျန်ရစ်ခဲ့သည် ။ ဤတွင် ငမိုး နှင့် ကျွန်တော်တို့ အနေဝေး၍ သွား၏ ။ ဒီလို ....ဒီလို နှင့် ကျွန်တော်တို့ အိမ်အရှေ့ဘက်က ဧကရာဇ် ပင်ကလေးသည် ဧကရာဇ်ပင်ကြီး ဖြစ်လာ၏ ။ ကျွန်တော့်အစ်ကို ၀မ်းကွဲ ကြွက်ကဒိုး သည် ငယ်နာမည်ပျောက်၍ ဘအေးဖြစ်လာပြီး မိန်မပင် ရနေ၏ ။ ကျွန်တော်လည်း နှာရည်တွဲလောင်းနှင့် ကလေးဘ၀မှ လူပျိုပေါက် အရွယ်ကဖြစ်လာ၏ ။ ငမိုး သည်လည်း ကောလိပ်ကျောင်းသားကြီး ဖြစ်သွားပေပြီ ။ အဲဒီ ခေတ်က ကျွန်တော်တို့မြို့မှ ကောလိပ်ကျောင်းတွင် ပညာသင်နေသူ လေးငါးဦးရှိမည် ။ အခြားသူများက တမူ ၊ ငမိုးက တဘာသာ ။ ကျွန်တော်မည်သူ့မျှ ထိခိုက်စေလိုသော စေတနာ မထားပါ ။ အချို့ ကောလိပ်ကျောင်းသားကြီးများ နွေဥတု ကျောင်းပိတ်အိမ်ပြန်လာရာတွင် “ဘယ်နေ့ ရောက်မည် ၊ ဘူတာက ကြိုပါ ” ဟု အိမ်သို့ သံကြိုးရိုက်ထားလေ့ ရှိကြ၏ ။ နတ်မောက်သည် တောမြို့ကလေးဖြစ်၍ မော်တော်ကား နတ္ထိ ၊ လှည်းယဉ်များသာ အသုံးပြုကြရ၏ ။ ဘူတာနှင့် မြို့စပ်ကြားတွင် “ယင်းဘာသာ ကွင်းညာက ရှုလိုက်တော့ ” ဟူသော ဦးကြော့လေးချိုးတွင် ပါသည့် ယင်းချောင်းကြီးက ခြားထား၏ ။ မိုးရာသီတွင် ရေရှိ၍ နွေရာသီတွင် ရေမရှိ ။ သဲများပြည့်နေ၏ ။ သံကြိုးစား ရသည့် သက်ဆိုင်ရာများက ကောလိမ်ကျောင်းသားကြီးတွေကို လှည်းယဉ်နှင့် သွားကြိုရ၏ ။ လှည်းယဉ်ဆိုပေမယ့် မခေလှ ။ နှီးပေါင်းမိုးတွင် နံဘေး - ၀ဲယာ နှစ်ဖက်၌ ပြူတင်းပေါက်ပါပြီး ခန်းဆီးတပ်ထားကြ၏ ။ လှည်းဆောင့်သောအခါ ဖင်မနာအောင် မွှေ့ရာခင်းထား၏ ။ နွားတွင် ခြူကုံးတွေ တချွင်ချွင်နှင့် စိတ်ကြီးဝင်စရာ သိပ်ကောင်း၏ ။ ရထားက အဆင်း မြို့ထဲအ၀င် ၌ တစ်စောင် တစ်မူးပေးရသော (ရန်ကုန်ဂေဇက်) အင်္ဂလိပ်သတင်းစာကြီးကို လှည်းနံရံ ခြေကန်ဖတ်ရင်း လိုက်ပါလာလျှင်၊ ကောလိပ်ကျောင်းသား ပြန်လာပြီဟု သိကြရ၏ ။ ငမိုး ကား အာဂ ငမိုး ။ သူ နွေကျောင်းပိတ် အိမ်ပြန်လာလျှင် သံကြိုးလဲမရိုက် ၊ ဘယ်သူ့မှလဲ အကြိုမခိုင်း ။ အိပ်ရာလိပ်နှင့် သေတ္တာကို လှည်းကြုံနှင့် ငါးမူးပေးပြီး တင်လွှတ်လိုက်တတ်၏ ။ ရန်ကုန် ရထားဆိုက်သော နေ့ခင်း ( ၂ ) နာရီနေပူပူထဲတွင် ဦးထုပ်မပါ ၊ ဖိနပ်မပါ ယင်းချောင်းကို ဖြတ်ကူးလာတတ်၏ ။ ချည်လုံကွင်း မီးလောင်ပေါက်နှင့် မြို့အရှေ့ဘက်က မြောင်းဘောင်အတိုင်း လျှောက်၏ ။ ထိုကမှ မြို့ထဲပတ်ဝင်၍အိမ်သို့သွား၏ ။ တစ်ခါတစ်လေ စပါးလှေ့ နေသော လူသိုက်ထဲ ဘာမျှမပြော ၀င်ထိုင်၏ ။ မောမောနှင့် ရေနွေးကြမ်းနှစ်ခွက် သုံးခွက် ငှဲ့သောက်ပြီး တန်း,ထ,သွားသည်။ နေ ပူပူ ခြေလျှင်ပြန်လာရာ တစ်ခါက ကျွန်တော်တို့ လူငယ်တစ်စု လယ်ကွင်းရေစပ်တွင် စာဝရီးငှက်ကလေးများကို ဂွလေးနဲ့ လိုက်ပစ်နေစဉ် ကြုံဘူး၏ ။ ကျွနတော်တို့က နှုတ်ဆက်၏ ။ သူကမကြား ၊ တစ်ယောက်ထဲ လက်သီးဆုပ် အံကြိတ်ပြီး စကားပြောသွားသည် ။ ဘာပြောတာမှန်းလဲမသိ ။ (စစ်သေနာပတိ ဗိုလ်ချုပ်အောင်ဆန်း ဘ၀တုန်းက အဲဒီ ရှုကွင်းကို ကျွန်တော်က ပြန်ပြော၏ ။ “အဲဒီတုန်းက ကျွန်တော်တို့က ခင်ဗျား စိတ်နောက်နေတယ် ထင်ကြတာ” ဟု ပြောရာ ငမိုး ကဘာမျှ ပြန်မပြော ၊ ဟက်ဟက်ပက်ပက် သာ ရယ်လေ၏ ။)
၁၉၃၆-ခုနှစ် ကျောင်းသား သပိတ်ဖြစ်စဉ် ငမိုး သည် နာမည်ထွက်လာ၏ ။ ငမိုး ကမျိုးချစ်စိတ်ဝင်စား၏ ။ အမျိုးသားလှုပ်ရှားမှုတွေတွင်ပါဝင်နေ၏ ။ နေရပ်ရှိ သခင်ဗဥာဏ် ၊ ကိုသံချောင်း ၊ ကိုဘို ၊ ထွန်းရှိန် ၊ မောက်ညွန့် ၊ ကျွန်တော်တို့ လူသိုက်သည် ငမိုး လမ်းစဉ်ကို လိုက်ကြရင်း သတင်းထောက် ဘ၀ နှင့် နယ်အရာရှိဆိုးတွေ နှက်သူက နှက်၏ ။ သခင်လုပ်ငန်း ၊ ကျောင်းသား သမဂ္ဂလုပ်ငန်းတွေ လုပ်သူတွေက လုပ်ကြ၏ ။ နဂါးနီ စာအုပ်တွေဖတ်ပြီး ဆွေးနွေးကြ၏ ။ ငမိုး အစွဲကား ပြင်းထန်၏ ။ ငမိုး နွေကျောင်းပိတ် ပြန်အလာ မျှော်ရင်း သူပြန်လာလျှင် တက္ကသိုလ်မဂ္ဂဇင်း ၊ ဒီးဒုတ်ဂျာနယ်၊ ဘားမားဂျာနယ် စသော စာအုပ်များပါလာလေ့ ရှိ၏ ။ကျွန်တော်တို့က ယူပြီးဖတ်၏ ။အချို့ အိမ်နီးနားချင်းများ နေ့ခင်း နွားစာပြောင်းရိုးစဉ်းနေစဉ်သွားပြီးဖတ်ပြ၏ ။ ကျွန်တော်တို့က ဒီလိုလုပ်နေစဉ် ငမိုး က ညလသာသာ ရွာထဲမှ ကလေးတွေစု ပဲကြီးလှော်ဝေပေးပြီး ဒို့ဗမာ သီချင်း သင်ပေး၏ ။ ဤနည်းဖြင့် ကျွန်တော်တို့မြို့ရှိ လူငယ်တစ်တွေမှာ ဟိုခေတ်က လူကြီးများအခေါ်အရ ၀ံသာနု ၊ ထောင်စာကလေးတွေ ၊ သူပုန်ကလေးတွေဖြစ်လေကုန်၏ ။ ၃၈- ခုနှစ်တွင် ကျွန်တော် ၊ မောက်ညွန့် ၊ ထွန်းရှိ်န်တို့သည် ကျောင်းသား သမဂ္ဂ ခေါင်းဆောင်များဖြစ်၏ ။ ငမိုး ခေတ္တပြန်လာ၏ ။ ကျွန်တော်တို့ကျောင်းသားတွေ ထကြွလှုပ်ရှား သည်ကို သူကျေနပ်၍နေသည် ။ ကျောင်းသားသပိတ်ဖြစ်ပြီး ကိုအောင်ကျော်ကျဆုံး၏ ။ ရန်ကုန်သမဂ္ဂ သံကြိုးရလျှင် ရခြင်း ငမိုး ထံသွား၍ ပြောပြရာ ငိုင်နေ၏ ။ နောက် ကျောင်းသားသမဂ္ဂ အစည်းအဝေးကျင်းပရာ သာသနာ့ဟိတ စာကြည့်တိုက် သို့ လိုက်လာ၏ ။နေ့ခင်း ၁-နာရီခန့်ရှိပြီ ၊ ဦးထုပ်မပါဘဲ လိုက်လာ၏ ။ ကျောင်းသားအစည်းအဝေးတွင် စကားပြော၏ ။ နာရီဝက်ခန့်ပြော၍ လုပ်ငန်းစဉ်ချပေးပြီး သူ၏ အိမ်သို့ နေပူကြီးထဲ၌ပင် ပြန်သွား၏ ။ အံသြဘို့ကောင်း၏ ။ တစ်ခါတုန်းက တစ်နေ့-နေ့ခင်း မြို့လယ်ရှိ ကိုအီကွမ်း၏ တရုတ်လဘက်ရည်ဆိုင်တွင် ငမိုး ရောက်နေ၏ ။ ငမိုး ၏ ပတ်ပတ်လည်တွင် လူစည်ကား၍နေ၏ ။ အလပ္ပါယ်ဆရာ ကိုညို ၊ ဘိန်းစား ကိုကွက်ကြီး ၊ ဘိန်းစား ကိုဘထွန်း ၊ ဆိုင်းဆရာ ကိုရေချမ်း ၊ ကိုစို့ကြီး ၊ ကိုရေအေး စသော ပရိသတ်များရှိ၏ ။ ကျောက်စားပွဲတွင် ရေနွေးကြမ်းကရား တင်ပြီး ထိုလူသိုက်နှင့် ဒို့ဗမာ အစည်းအရုံးအကြောင်း၊ ကျောင်းသား သမဂ္ဂအကြောင်းတွေ ဆွေးနွေးနေ၏ ။ ကိုဘကွမ်း ၊နဘိ-ကိုလှဖေ ၊ သံရောင်-ထွန်းရှိန် ၊ဘိုနက် ၊ဘခွေးနှင့် ကျွန်တော်တို့လည်း ဆံပင်ညှပ်ဆိုင်တွင် ရေနွေးကြမ်း စုသောက်နေရာမှ သူ့အသံကြား၍ ထ,လာခဲ့ကြခြင်းဖြစ်၏ ။ ငမိုး က မျိုးချစ်စိတ်ရှိရန်နှင့် အင်္ဂလိပ်မကောင်းကြောင်းများ ပြော၏ ။ ဘိန်းစား ၊ အရက်သမား ၊ ကြက်သမားများမှာ သူတို့၏ လုပ်ငန်းတွင် မဖြတ်နိုင်ဘဲ စွဲလမ်းနေသူများဖြစ်၏ ။ သူတို့သည် သူတို့၏ လုပ်ငန်းများမှလွဲ၍ တစ်ခြားဘာကိုမျှ စိတ်ပါဝင်စားသူများ မဟုတ်ကြ ။ သူတို့အား မျိုးချစ်စိတ်ထားရှိရန် တရားဟောသူသည် ဘာမျှမြှော်လင့်ချက် ထားရန်မရှိ ။ သို့သော် .........ငမိုး နတ်မောက်မှ ရန်ကုန်သို့ ပြန်သွားသောအခါ၌ ထိုလူတစ်စုသည် သတင်းစာဖတ်သူကဖတ်၍ သခင်အကြောင်း ၊ ကျောင်းသားအကြောင်း များကို အရက်ဆိုင် ၊ ဘိန်းခန်း ၊ ကြက်ပွဲများတွင် ဆွေးနွေးကြသည်အထိ ဖြစ်သွား၏ ။ အံ့ဖွယ် စည်းရုံးရေးပါတကား ။

( ၄ ) အများသိကြသည့် အတိုင်း ငမိုး ဂျပန်သို့သွား၏ ၊ ပြန်လာ၏ ၊ ဗိုလ်တေဇဖြစ်လာ၏ ။ အဲဒီ (ဘီအိုင်အေ) တွင် ကျွန်တော် ဒုက္ခလှလှကြီးတွေ့ရ၏ ။ ထိုစဉ်က ကျွန်တော်သည် ဟင်္သတ ဗိုလ်ဗသိန်းတပ်မှ တဆင့် ဗိုလ်မှူးရန်နိုင်၏ တပ်မဟာတွင် ရောက်ရှိနေ၏ ။ တပ်စခန်းမှာ မန္တလေး ဆပ်ပါးမိုင်းနားစ်တွင်ဖြစ်၏ ။ တပ်စခန်းထဲတွင် စိန်ပန်းပွင့် နီနီရဲရဲတွေက ယခုရုံးစာရေး မမကလေးတို့၏ နှုတ်ခမ်းလို နီရဲ၍နေ၏ ။ အရှေ့ဘက်တွင်ကား စေတီပုထိုး ၊ ဂူကျောင်း ဇရပ်တို့ဖြင့် ပြည့်နှက်နေသော မန္တလေးတောင်တည်ရှိ၏ ။ အချိ်န်အခါကား (ဘီအိုင်အေ) ကိုဖျက်သိမ်း၍ (ဘီ-ဒီ-အေ)သို့ အပြောင်းအလွှဲ ကာလဖြစ်၏ ။(ဘီအိုင်အေ)တွင် ပါလာသော တပ်ဗိုလ်များအား ၊ အချို့ကို တိုက်ရိုက် ကော်မရှင်ရာထူးပေး၍ ၊ ကျန်အချို့ကို မင်္ဂလာဒုံ ဗိုလ်သင်တန်းကျောင်းသို့ ရွေးချယ်တက်ရောက်စေရမည်ဖြစ်၏ ။ တစ်ညနေခင်း၌ ကျွန်တော်၏ အိမ်သို့ ဗိုလ်မှူး ရန်နိုင်ထံမှ ဆက်သားရဲဘော်ရောက်လာ၏ ။ တစ်ခါထဲလိုက်ခဲ့ပါဟု မှာကြောင်းပြော၏ ။ဘုမသိ ဘမသိ လုံကွင်းနှင့်ပင် ထ,၍လိုက်သွား၏ ။တပ်စခန်းမြောက်နားရှိ ဗိုလ်မှူး ရန်နိုင်အိမ် အပေါ်ထပ် ၊ အရှေ့ဘက်ခန်းသို့ ရောက်သွား၏ ။ ထိုအခန်းထဲ၌ ဗိုလ်မှူးရန်နိုင် ၊ဗိုလ်ချုပ်နေ၀င်း ၊ဗိုလ်မှူးဇေယျ နှင့် အခြား ကျွန်တော်မသိခဲ့ဘူးသော ဗိုလ်မှူး နှစ်ဦးတို့ စု ထိုင်ပြီး စကားပြောနေကြ၏ ။ ကျွန်တော့်အား ဖေါ်ဖေါ်ရွေရွေ နှုတ်ဆက်ကြ၏ ။ ဗိုလ်မှူး ရန်နိုင်က ထိုသူတို့နှင့် မတ်ဆက်ပေး၏ ။ ဗိုလ်မှူးရန်နိုင်က ထုံးစံအတိုင်း ပြုံး၍ပြော၏ ။ “ ခင်ဗျား တပ်က ထွက်မယ် ကြံသေးသလား ” “ ဟာ....ဘယ်ထွက်ရမှာလဲ ကျွန်တော် ဆက်လုပ်မှာပါ ” “ ခင်ဗျားကို ကျွန်တော်တို့က ဒါရိုက်အပွိုင့်မင့် ပေးဘို့ စီစဉ်ထားတာဗျ ” ကျွန်တော် ဘာမျှ ပြန်မပြော ၊ အားလုံးက ကျွန်တော့်ကို အားနာသော အကြည့် ၊ ကြင်နာသောအကြည့်ဖြင့် ကြည့်နေ၏ ။ ဗိုလ်မှူးရန်နိင်ကသာ စကားဆက်ပြော၏ ။ “ ဒါပေမယ့် ကျွန်တော်တို့ အစီအစဉ်အတိုင်းတော့ မဖြစ်ဖူး ။ ဒီစာသာ ဖတ်ကြည့်ပါဗျာ ” ဟု စာရွက်တစ်ရွက်ကို ပေး၏ ။ မင်နီနှင့်ရေးထား၏ ။ စာ၏ ဆိုလိုရင်းမှာ “ နတ်မောက်မှ လာသော သခင်ဘုန်းကျော် ဆိုသူ ကျောင်းသားခေါင်းဆောင် တစ်ယောက်ရှိသည် ။ဟင်္သတ ဗိုလ်ဗသိမ်းတပ်ထဲပါသွားသည် ။ သူ့ကိုရှာပါ ။ တိုက်ရိုက်ရာထူး စာရင်းတွင်မထည့်နှင့် ” ဟူသတည်း ။ အောက်တွင် ( ဗိုလ်တေဇ ) ဟုလက်မှတ်ထိုးထား၏ ။ ကျွန်တော်က စာရွက်ကို ခေါက်၍ ပြန်ပေးလိုက်၏ ။ ဗိုလ်မှူးရန်နိုင်သည် စာရွက်ကို ပြန်ယူရင်း မေး၏ ။ “ ဘယ်လို သဘောရသလဲ ” “သူ့ စာအတိုင်းပေါ့ ၊ ဘာဘဲဖြစ်ဖြစ် ကျွန်တော်ကတော့ တပ်ထဲ ဆက်ပါမှာဘဲ ” ဗိုလ်မှူး ရန်နိုင်က ၀မ်းသာအားရ လက်ဆွဲနှုတ်ဆက်၏ ။ အားလုံးက လက်ခုပ်တီးလိုက်ကြလေသည် ။ ဒီနေရာ၌ ငမိုး ၏ စာသည် တိုတိုနှင့်ထိသည် ။ တစ်မြို့ထဲသားချင်း ၊ လူရင်းပင်ဖြစ်သော်လည်း မျက်နှာသာမပေး ။ တိုက်ရိုက်ရာထူးစာရင်းတွင် မပေးစေရ ။ ကျွန်တော်တို့ အပေါ်အခွင့်အရေး မပေး၍ ကျွန်တော်က စိတ်မဆိုး ။ ငမိုး ၏ ဓတ်ကြောကိုသိပြီးဖြစ်၏ ။ အမေစု၏ လယ်ပေါင် ၊ ယာပေါင် စာချုပ်များကို တိတ်တိတ်ယူ၍ မီးရှို့ခဲ့သော ငမိုး ။ အမေ့ ပစ္စည်းတောင်မှ လမ်းမကျဘူး ထင်လျှင် လမ်းကျအောင် ဇွတ်လုတ်တဲ့ ငမိုး ၊ ငမိုး တွင်မျက်နှာစိမ်း ၊ မျက်နှာကျက် ဟူ၍ ခွဲခြားခြင်း မရှိ ။ တည့်မတ်လိုက်သည်မှာ ချိန်ခွင်လျှာလို ဖြစ်နေ၏ ။ မောင်မင်းကြီးသားက တည့်မတ်ပါ၏ ။ ကျွန်တော့်တွင်ကား မင်္ဂလာဒုံ ဗိုလ်သင်တန်းကျောင်းတွင် ၉-လ လုံးလုံးဂျပန်၏ ပါးအရိုက်ခံ၍ ပဲပင်ပေါက် ရေလုံပြုတ်ကို စားကာ စစ်ပညာသင်ခဲ့ရ၏ ။ ဒူးနှင့်တတောင်ဆစ်တို့မှာ ကျွဲပခုံးထနေ၏ ။ မချိမဆံ့ပင်ပန်း၍ လှလှကြီးဒုက္ခတွေ့ခဲ့ရ၏ ။ တနင်္ဂနွေနေ့တစ်နေ့တွင် စစ်ကျောင်းအားလပ်၍ သူ့ထံ သွားတွေ့၏ ။ မန္တလေးတွင် ဖတ်ခဲ့ရသော စာနီရဲ အကြောင်း ပြောပြသောအခါ ငမိုး ကမျက်လုံးစောင်း၍ကြည့်၏ ။ ပြီးတော့ တစ်ခွန်းခြင်းပြောပြ၏ ။ “ မင်းကို တိုက်ရိုက်ပေးရင် ဘ၀င် မြင့်သွားမှာစိုးလို့ကွ ။ ကျောင်းတက်ပြီးမှ ကော်မရှင်ရတော့ ဘယ်သူက ဘာမှ ပြောစရာမလိုဘူး” ကျွန်တော့်မှာ သင်တန်းတွင် မိကျောင်းသွား တက်ရ၍ ရရှိခဲ့သော ဒူးက အမာရွတ်ကိုသာ လက်နဲ့အသာ ပွတ်နေ၏ ။ သူ့ကိုပြန်မပြောရဲ ။ ။

( ၅ ) မင်္ဂလာဒုံ စစ်ကျောင်းမှ ဆင်းပြီး ၂-နှစ်ခန့် အကြာတွင် ကျွန်တော်သည် ငမိုး ထံရောက်သွား၏ ။ သူ၏ ကိုယ်ရံတော် အဖြစ်နေရ၏ ။ သူနှင့်တော်လှန်ရေး မထွက်မီ ၃-ရက်ခန့်အလိုအထိ အတူနေခဲ့ရ၏ ။ တော်လှန်ရေးအပြီး ကျွန်တော့်အား နိုင်ငံခြားလွှတ်ရန် အစီအစဉ်များအတွက် မြူနီစီပယ် စာရင်းကိုင်ချုပ်ဟောင်း (ဗိုလ်မှူးထွေးမောင်) ကို တာဝန်ပေးထား၏ ။ ကျွန်တော့်ကိုလည်း ပြောထား၏ ။ ကျွန်တော်က မနေ ၊ နိုင်ငံရေးထဲ ၀ဲလည်ရန် တပ်မတော် လူထွက်များနှင့် ဆွေးနွေးပြီး နတ်မောက်သို့ပြန်သွား၏ ။ ထိုသောအခါ ငမိုးသည် ကျွန်တော့်အား “ ငါ ” ကိုင်၍ ကြမ်းဝါးသည် ဟူ၏ ။ ရန်ကုန်သို့ လာရင်း သူ့ထံသွား၏ ။ ကျွန်တော့်အား အစဦးတွင် စိတ်ဆိုးလွန်း၍ စကားမပြော ။ ကျွန်တော်က ဇွတ်ပြော၏ ။ ဒီလိုနဲ့ သူစိတ်ပြေသွားသည် ။ ကျွန်တော်လည်း သူ့ဝါဒကို နာခံကာ မြို့မှ နေ၍ ဆောင်ရွက်ပေး၏ ။ သူ ဒုတိယဘုရင်ခံဖြစ်ချိန် ရွေးကောက်ပွဲအတွက် တရားဟောရင်း နတ်မောက်ရောက်လာ၏ ။ သူ့ထံတွင် လာနေရန် အတန်တန်ခေါ်၏ ။ ကျွန်တော်က ငြင်း၏ ။ နောက်ဆုံး (အမေစု) ကကြားဝင် ဖြန်၏ ။ “ ကဲ ...မင်း ခဏခေါ်ချင်လဲ ခေါ်သွား ၊ မြို့မှာ ကောင်ကလေးမရှိမဖြစ်ဘူး ။ တစ်လ နှစ်လနေပီး ပြန်ပို့ ” နှင့် နိဌိတံကြ၏ ။ သူနှင့် ရန်ကုန်ုလိုက်လာရပြန်၏ ။ အတူနေရမည်ဟု ဇွတ်ကြမ်းမောင်းနေ၏ ။ ကျွန်တော်က ...အင်းလဲမလှုပ် ၊ အဲလဲမလှုပ် ၊သူ တောင်ငူသို့ ရွေးကောက်ပွဲအတွက် ခဏသွားနေစဉ် ကျွန်တော်လည်း နတ်မောက်သို့ ပြန်၍ လစ်လာခဲ့၏ ။ မြို့က လူကြီးတွေက ပူပန်ကြ၏ ။ “အမယ်လေးဗျာ ....မပူကြစမ်းပါနဲ့ ။ သူ့မှာ စောင့်ရှောက်မဲ့လူတွေ တပုံကြီးရှိပါတယ် ။ ဘာမှလဲ စိုးရိမ်စရာမရှိပါဘူး” ဟု ကျွန်တော်က ပြောရ၏ ။ သို့သော် ကျွန်တော်ပြန်လာလို့ ၃-လ မကြာခင် ငမိုး သေနတ်ပစ်ခံရလေသည် ။ အရပ်က လူကြီးတွေက ကျွန်တော့်ကို ဆဲကြ ၊ ဆူကြ၏ ။ “ မင်းပြောတဲ့ တစ်ပုံကြီး ဆိုတာ ဘယ်မှာလည်းဟ -ခွေးမသားလေးရ ” ဟု ငိုရင်း ဆဲကြ၏ ။ ကျွန်တော်လည်း ထိုင်မှိုင် ရုံက လွဲ၍ ဘာမျှမကြံတတ် ။ ငိုတဲ့လူတွေက ငို ကြ ၊ ၀မ်းသာတဲ့လူကလဲ ၀မ်းသာ ၊ နောက်ဆုံး ငမိုး ခမျာ အာဇာနည်ကုန်းတွင် သွားအိပ်နေရရှာ၏ ။ သူ အာဇာနည်ကုန်းရောက်တာ ၉-နှစ်လောက်ရှိပြီထင်သည် ။ ဒီလိုနဲ့ဘဲ လူတွေက ( ငမိုး )သေပြီပြောကြသည် ။ အမှန်ကား ငမိုး မသေသေးပါ ။ တပ်မတော်မော်ကွန်းတိုက် ပြခန်းတွင် အသက်ရှင်လျှက် ရှိသေး၏ ။

( ၆ ) ကိုငမိုး ကစီးကရက်မီးခိုးကြားထဲမှ နေ၍ စကားပြောသည် ။ “ မင်းက ဒီမှာ ဘာလာလုပ်နေတာလဲ ” “ ပေါင်းဟောင်း ၊ သင်းဟောင်း ရဲဘော်ကြီးတွေက ခေါ်လို့ လာခဲ့တာဘဲ ၊ တပ်မတော် သမိုင်း ရေးရမယ် ပြောတာဘဲ ” “ဘာ .....မင်းတို့က ရေးမယ် ....” “ ဟုတ်ပါတယ် ...ရေးကြမယ် ....၊ ကျွန်တော်တို့မှ မရေး ၊ ဘယ်သူက လာရေးမှာလဲ ” “ အေး ......ရေးတော့ရေးပေါ့ ၊ ငါ တစ်သက်လုံး လုပ်လာခဲ့တာကို မင်းတို့က , ကလောင်တစ်ချောင်းနဲ့ များတော့ မဖျက်ဆီးလိုက်ပါနဲ့ ။ ဗိုလ်ချုပ်လမ်းစဉ်, ဗိုလ်ချုပ်လမ်းစဉ် ဆိုပြီး ငါ့နံမယ် ရောင်းစားနေရင် မကောင်းဘူး ” “ ကျွန်တော်တို့ကတော့ ရောင်းမစားခဲ့ပါဘူးဗျာ ၊ ဘုရားပေးပေး ကျမ်းပေးပေး ...” “ ဟော ....မင်းစကားထဲမှာ ကျွန်တော်တို့ကတော့ ဆိုတာ ပါလာတယ် ။ ကျွန်တော်တို့က မရောင်း ၊ တစ်ခြား လူတွေက တော့ ရောင်းစားသလိုပဲ ပြောစမ်း ၊ ဘသူတွေက ရောင်းစားသလဲ ” “ကို ငမိုး သည် ဒေါသတကြီး ၀သီအတိုင်း မှန်ဘီရို မျက်နှာပြင်ကို လက်သီးနှင့်ထု၏ ။ ပါးစပ်ကလည်း သူသိလိုသော အရာကို ထပ်ကာထပ်ကာ မေးနေ၏ ။ ကျွန်တော်စကားပြောမလည်ပတ်၍ ကျွန်တော့်စကားနှင့် ကျွန်တော့်ကို ပြန်အချည်ခံနေရ၏ ။ သြော ....ကို ငမိုး- ကို ငမိုး ၊ လောကကြီးထဲ မဲမဲ မြင်တိုင်းကြောက်နေရသော ကျွန်တော့်ဘ၀ကို သူမသိ ။ ကျွန်တော် ခင်ဗျားကို အကုန်ဘဲ ဖွင့်ပြောချင်ပါသည် ကို ငမိုး ။ ဒါပေမသည့် မပြောရဲပါ ။ “ ဟေ့ ကောင် .....ငါ မေးနေတာ မကြားဘူးလား ...” “ ကြားပါတယ် ၊ ဒါတော့ မပြောပါရစေနဲ့ ၊ ခင်ဗျား ကျွန်တော့်ကို သနားရင် ဒါတော့မမေးပါနဲ့ဗျာ ....” “ ငါ မေးတာသာ ဖြေစမ်းပါကွာ ....မြန်မြန်ဖြေစမ်း ” ကျွန်တော့်မှာ ကိုငမိုးကို အသေအလဲကြောက်ရသူဖြစ်သည် ။ ဒီ့အပြင် မဲမဲမြင်တိုင်း ကြောက်နေရသူလည်းဖြစ်သည် ။ မဖြေလဲခက် ၊ ဖြေလဲခက် ။ ဤနေရာတွင် ကျွန်တော်တစ်ဦးတည်း လူမိုက် လုပ်လို့ဟန်ပုံမရ ။ နီးစပ်ရာ တွေကို သူခိုး သေဖော်ညှိပြီးမှ ဖြေမည် ။၏ “ ကျွန်တော်က တောမှာနေခဲ့ရတော့ သိပ်ပြီး မသိပါဘူး ၊ ရန်ကုန်မှာ အမြဲနေတဲ့ ဆရာဇ၀န တို့ ၊ ဆရာ မောင်ထင်တို့ ၊ မြန်မာ့အလင်းက သာကဒိုး တို့က ကျွန်တော့်ထက် ပိုပြီး သိပါတယ် ။ သူတို့ကို မေးပါ ။ သူတို့ဖြေပါလိမ့်မယ် ” “ ဒါဖြင့် ဒီလူတွေ ပြောလိုက် ၊ ငါ့နံမယ် ဘသူတွေရောင်းစားတယ်ဆိုတာ ငါ့ဆီလာပြောလှည့်လို့ ” “ ဟုတ်ကဲ့ ....ပြောလိုက်ပါ့မယ် ” ကဲ ....ဆရာတို့ ၊ ခင်ဗျားတို့ ကြားတဲ့အတိုင်းဘဲ ၊ ကြည့်သာပြောကြပေတော့ ။ အဲဒီတာဝန် ခင်ဗျားတို့ဖြေပြီးမှ ကျွန်တော်ဆက်ပြီးဖြေမည် ။ “ ငါ သဲ့သဲ့ သတင်းကြားပါတယ် ။ မင်းက ငါ့အထုပ္ပတ္တိ ရေးတယ်ဆို ” “ ကျွန်တော် တစ်ဦးတည်း မဟုတ်ပါဘူး ၊ ဗိုလ်မှူး ဘိုရယ် ၊ ကိုမေအောင်ရယ် ၊ ကျွန်တော်ရယ် ရေးတာ ။ စုထုတ်တာပါ ။ တစ်ခြား စာရေးဆရာတွေလဲ ပါ,ပါတယ် ။ “ အေး ...အိန္ဒိယမှာ ဂန္ဒီသေပြီး ၇-ရက်မှ မရှိသေးဘူး ဂန္ဒီအထုပ္ပတ္တိ ထွက်လာတာဘဲ ။ ချီးမွမ်းသကွာ ” “ အချီးမွမ်း မစောပါနဲ့ ကိုငမိုး ။ ဒီစာအုပ်ကလေးဖြစ်အောင် ဘယ်အထိ အငေါက်အငမ်း ၊ အကြမ်းအမောင်းသောက်မြင်ကပ်ခံခဲ့ရတာတွေကိုသာ ခင်ဗျားသိရင် ဟောဒီ မှန်ဘီရိုကွဲလိမ့်ဦးမည် ထင်သည် ။ ဒါတောင်မှ ....အထုပ္ပတ္တိ ဆိုလို့သာ အထုပ္ပတ္တိ လိုက်ရတာ ...မိုးကြိုးပစ် ကြိမ်ပြောရမဲ့ အထုပ္ပတ္တိပါ ။ ဒါကလေး ရေးတုန်းက အဖြစ်တွေ ခင်ဗျား မသိဘူး ။ ခင်ဗျားသူငယ်ချင်း လုပ်ဖော် ကိုင်ဘက်တွေဆီ သွားမေး ၊ မှတ်တမ်းကလေးတင်တာတောင်မှ ခင်ဗျားလူတွေက ဘာပြောတယ် ထင်သလဲ ၊ “ မင်းဘဲ မမောမပန်း ဒုက္ခရှာလို့ ”ဟု ငေါက်လွှတ်လိုက်တာတွေ ခင်ဗျား မသိဘူး ။ အဲဒီလို စေတနာထားကြမှ “ အော် ....ငါလဲ မိုက်လို့ လုပ်မိသကိုး ” လို့ ကိုယ့်ကိုယ်ကိုယ် တရားချပြီး ပထမ တွဲနဲ့ဘဲ ဘရိတ်အုပ်ထားရတာ ခင်ဗျားမသိဘူး ။ ပြောပြချင်တယ် ကိုငမိုး ။ ဒါပေမဲ့ လည်ချောင်းထဲက မထွက်ဖူး ” “ ဒါထက် ငါ့ကောင်တွေ ဘယ် သွားနေသလဲ ” “ ခင်ဗျား လူတွေ တောခိုကြသတဲ့ ...ကွန်မြူနစ်လဲ ပါသဗျ ” “ ကွန်မြူနစ်ကို အသာထား ။ ငါ့ကောင်တွေ ကိုသာ ငါမေးနေတာ ” “ တော ခိုပါတယ်လို့ ပြောပါပကော ” “ အင်း ...ဒုက္ခဘဲ ၊ ငါ အစကထဲက မြင်သားဘဲ ။ စတုတ္ထအကြိမ် ညီလာခံမှာ ငါဘာပြောခဲ့တုန်း ။ မတ်ဇစ်လိဂ်ဖွဲ့ပါ ၊ ညီညွှတ်ပါ ။ မညီညွတ်ရင် နှစ်ဖက်စလုံး ဖင်စုတ်ကုန်မယ်လို့ အပြောခဲ့သား ။ ဘယ်လိုဖြစ်ကြရတာလဲကွ ....” “ ဒါတွေ မေးမနေပါနဲ့ဗျာ ပြောရရင် ခင်ဗျားလဲ စိတ်ညစ် ကျွန်တော်လည်း စိတ်ဆင်းရဲရမှာဘဲ ။ အဲဒီတုန်းက ခင်ဗျားစာရေးဆရာ လုပ်မယ်ဆို ။ ဘာလို့ ဒါတွေ တဖွဖွ မေးနေရတာလဲ ” “ စာရေးဆရာလဲ လူထဲက လူပဲကွ ။ ကိုယ့်နိုင်ငံအကြောင်းတော့ အနည်းဆုံး လေ့လာထားရမပေါ့ ။ အေးပါ ...မင်းစိတ်ဆင်းရဲမယ်ဆို ငါမမေးတော့ပါဘူး ။ ငါ့ အထုပ္ပတ္တိ ကိုမင်း ဆက်မရေးတော့ဘူးလား ” “ အခြေအနေက မပေးဘူးဗျာ ၊ ဒါပေမယ့် ( အောင်ဆန်းဝါဒ ) ဆိုပြီး စာတစ်အုပ်ရေးမလို့တော့ စိတ်ကူးထားတာဘဲဗျ ” “ ကောင်း သားဘဲ ၊ ဂန္ဒီ ၀ါဒ စာအုပ်လိုပေါ့ ” “ ဟုတ်ပါတယ် ” “ ကဲ ....ငါသွားတော့မယ် ၊ မင်းလဲ သတိထားနေကွ ၊ ငါ ရှိတုန်းကလို မိုက်ကန်းကန်းမလုပ်နဲ့ ၊ ဒါဘဲ သွားမယ် ” သွားမယ့်သွားတော့လဲ ကိုမိုး အသံကိုသာ ကြားလိုက်ရ ။ လူကိုပင် မမြင်လိုက်ပေ ။ စီးကရက်မီးခိုးငွေ့ များလည်း တစ်စ,တစ်စလွင့်၍ သွား၏ ။ ပြခန်းမှန်ဘီရိုများအတွင်းရှိ ကိုမိုး ၏ အသုံးအဆောင်ပစ္စည်း အတိုအစကလေးများလည်း ၀မ်းနည်းသော အသွင်ဖြင့် တိတ်ဆိတ်စွာ ကျန်ရစ်ကြလေသည် ။ ကျွန်တော်လည်း ကိုမိုး သေ ,မသေ စဉ်းစား၍နေ၏ ။ မံသစက္ခု တွင်ကား လူတွေက သေပြီးပြောသည် ။ ဥာဏစက္ခုတွင်ကား ကိုမိုး၏၀ါဒ ၊ ကိုမိုး၏ စကားတွေ တည်ရစ်သမျှ ၊ တည်ထွန်း၍နေသမျှ ၊ ကိုမိုး တကယ်မသေနိုင်ပါတကား ။ ကိုမိုးကို ချစ်သူ ၊ ရိုသေသူတွေ အများကြီး ရှိသည် ။ အဘယ်သူသည် ကိုမိုးအား ဆက်လက် အသက်သွင်းမည်နည်း ။ ကျွန်တော်တို့ စောင့်ကြည့်ကြဦးစို့ ။

မြ၀တီမဂ္ဂဇင်း အတွဲ ( ၅ ) အမှတ် ( ၉ ) ၁၉၅၇ - ဇူလိုင်လ ။ နတ်မောက်-ဘုန်းကျော် ရေးသားသော ဆောင်းပါးမှ ကူးယူဖေါ်ပြပါသည် ။