♥ရင်ခုန်သံရဲ့ ရနံ့လေးများ♥: နင် သိခဲ့ရင်...

"အကောင်းဆုံးဖြစ်ချင်ရင် သူတစ်ပါးထက် ပိုပေးဆပ်ရမယ်၊ ပိုစွန့်လွတ်ရမယ်"

စိတ်ကူးတွေကိုပုံဖော်ရုံပါပဲ..လာလည်သူတွေကို ကျေးဇူးတင်ပါတယ်။ တကယ်လို့ လူကြီးမင်းသည် ပို့စ် တစ်ခုခုကို ပြန်လည်မျှဝေလိုပါက ကျေးဇူးပြုပြီး ရေးသားသူ အမည်ကိုတော့ ထည့်သွင်း ဖော်ပြပေးစေလိုပါတယ်။ အသိအမှတ်ပြုသောအားဖြင့်ပေါ့။ ရွှင်လန်းချမ်းမြေ့ကြပါစေ..

Monday, August 15, 2011

နင် သိခဲ့ရင်...

လသာသော ညတစ်ည...
ရင်မှာ သောကတို့ဝေတယ်
ဒီအချိန်ဆို...အရင်နေ့တွေတုန်းက
အဆောင်ရှေ့က ပုံရိပ်တွေကြား
မမှတ်ဘဲ မြင်မိတဲ့ နင့်ကို ငါတမ်းတနေတာ
နင်များသိရင်..။

ကျောင်းခန်းထဲက သူငယ်ချင်းတချို့ရဲ့
ပျက်လုံးတွေက အရင်လို မပြုံးနိုင်တော့
မျက်မှောင်လေးကျုံ့ပြီး ကြည့်နေတတ်တဲ့
ငေးရီရီ နဲ့ နင့်မျက်ဝန်းတွေ ငါလွမ်းနေတာ
နင်များသိရင်...။
ိ
ဆရာမရဲ့ အတန်းရှိ လူစာရင်း
အော်ခေါ်တဲ့အခါ မသိချင်ယောင်ဆောင်ထားမိတဲ့
နင့်ခုံအမှတ်အရောက် နင်ထိုင်နေကျ
နေရာလေး ငါ ငဲ့အကြည့်
မျက်ရည်လွင့်တာ နင်များသိရင်...။
ိ
စာသင်ချိန်ကုန်ဆုံး အဆောင်ပြန်လမ်းတစ်လျောက်
ကသုတ်ကရက်ပြေးလိုက်လာမယ့်
ခြေသံလေးကို ငါအရမ်းလွမ်းမိနေတာ
နင်များသိရင်....။

လေတွေတိုက်တဲ့ ညတွေ
အကြောက်ပိုတတ်တဲ့ ငါ...
နင့်ကိုတွေ့မလားလို့ အဆောင်ဝန်းထဲ အမှောင်ရိပ်ကျတဲ့
တမာပင်အောက်က ခုံဝိုင်းလေးမှာ
သစ်ရွက်ကြွေတို့နဲ့ ငါ အပြိုင်ငိုနေတာ
နင်များသိရင်...။

ဆွယ်တော်ရွက်လေးကို အသိသက်သေပြုလို့
ငါ့အနား ချစ်တယ်ပြောဖို့ နင် ဆုံးဖြတ်ပြီး
နင်လာရာလမ်း ငါလည်းကြိုသိခဲ့ရင်...
အဲ့ဒီည...
လုံးဝအကျည်းတန်တယ်ဟာ
လောကကြီးကို မတရားဘူး လို့ပြောရအောင်
ငါကိုယ်တိုင်က နင့်အပေါ်မှာတောင်
တရားခဲ့တာမှမဟုတ်တော့လည်း...
ဒီလို နောင်တတွေနဲ့ အတူ
ငါလွမ်းနေရတာ နင်များ သိခဲ့ရင်...။

ထာဝရခွဲခွာစေဖို့ ...
အကြောင်းဖန်ခဲ့တဲ့ အဲ့ဒီည
ငါ သိပ်မုန်းတယ်ဟာ...
ဆိုင်ကယ်သံတွေ ဆူညံနေခဲ့ပေမယ့်
ရန်ဖြစ်သံတွေကြားခဲ့ပေမယ့်
နင်ပါတဲ့ အဖွဲ့ရဲ့ ဂစ်တာသံတွေကို
လစ်လျူပြုလေ့ ရှိတဲ့ ငါ...
ထုံးစံအတိုင်း နင်နဲ့ပတ်သတ်သမျှ
ကျောခိုင်းကာ အိပ်စက်မိတဲ့
အဲ့ဒီည... ငါ့ကိုယ်ငါ ပိုမုန်းမိတယ်ဟာ..။

နင်ပြန်လာဖို့ ငါ့အနား
ဆုတောင်းမိနေတာတွေ...
နင့် လိပ်ပြာလေး သိသွားခဲ့ရင်
နင် ငိုနေမှာလား
ကိုယ်ချင်းစာတရားနဲ့ ငါငိုကြွေး
ဒီအချိန် ငါ တကယ်
အသက်ရှူလို့ မတတ်တော့အောင်
နောင်တတွေနဲ့ ဖျားနေတာ
နင်များသိရင်...။

နင်...
ငါ....
နောင်ဘ၀ဆိုတာ များ
ရှိခဲ့ရင်တော့
ငါ နင့်အပေါ် တင်ခဲ့ဖူးတဲ့
ဒီ အချစ်ကြွေး
ငါကျေအောင် ပြန်ဆပ်ချင်ပါတယ်ကွယ်..
နင်.. ကောင်းရာမွန်ရာ ရောက်ပါစေတော့..။

ငါနဲ့ ပတ်သတ်တာတွေ
နင် မသိပါစေနဲ့တော့
ငါနဲ့ လွတ်ရာ နင့်လိပ်ပြာလေး
ငြိမ်းချမ်းစွာ လွတ်မြောက်ပါစေတော့
မြတ်နိုးစိတ်နဲ့ ငါ ဆုတောင်း
နင့်အတွက် မဟုတ်တော့ပေမယ့်
နင့်စိတ်နဲ့ ငါ ရှင်သန်ပေးမယ်
နင့်အတွက် ငါ ...
ရှင်သန်ပေးမယ်...။
ဒါတွေ နင်မသိပါစေနဲ့တော့..။

(လောကကြီးမှာ မရှိတော့တဲ့ သူ နှစ်ယောက်သော သူငယ်ချင်းလေးတွေ အတွက် အမှတ်တရပါ။ သူတို့ သိခဲ့ရင်...။)

ချစ်တဲ့
ရနံ့ချို

No comments:

တွယ်မိတဲ့ နွယ်

လူတယောက်က ကိုယ့်ကိုဂရုစိုက်ခြင်းကြောင့် သူ့ ကို သံယောဇဉ်ဖြစ်မိခြင်း၊
လူတယောက်ကို ကိုယ်ကဂရုစိုက်လိုက်ခြင်းကြောင့် သူက ကိုယ့်ကိုသံယောဇဉ်ဖြစ်သွားခြင်း... နှစ်ခုလုံးတခုမှမဖြစ်ချင်။ အဘယ်ကြောင့်ဆိုသော် လူတယောက်ကို တသက်လုံးဂရုစိုက်ဖို့အာမခံချက်မပေးနိုင်သလို လူတယောက်ကကိုယ့်ကိုတသက်လုံးဂရုစိုက်ဖို့လည်း အာမခံချက်မပေးနိုင်ပေ။

ဘာအကြောင်းပြချက်မှမရှိပဲနဲ့ သူ့ကို တွယ်တာချင်မိသလို ကိုယ့်ကိုလည်းဘာအကြောင်းပြချက်မှမရှိပဲ တွယ်တာစေချင်သည် ၊

သူ့ကို ကျွန်တော်တွယ်တာမိခြင်းသည် ဘာအကြောင်းပြချက်မှမရှိပဲနဲ့ကို တွယ်တာမိခြင်းသက်သက်ဖြစ်၏ ။

ဝဋ်ကြွေး အလွမ်း

လူတစ်ယောက်ဟာ ကံကြမ္မာကို ရွေးချယ်ခွင့်ရှိရင်တောင် အချစ်ကိုတော့ ရွေးချယ်ခွင့်မရှိဘူး။ သူက ဟိုး………အတွင်းထဲက လာတယ် မင်းသိလား
ဝဋ်ကြွေးလို.ခေါ်တယ်
(မော်နီ)

လူတစ်ယောက်ဟာ..
အမုန်းကိုရွေးချယ်ခွင့်ရှိရင်တောင်
သံယောဇဉ်ကိုတော့ ရွေးချယ်ခွင့်မရှိဘူး။သူက
ဟိုး.....အတွင်းထဲက လာတယ် မင်းသိလား
အဲဒါကို အလွမ်းလို့ခေါ်တယ်...

နဂါးချော့တေး _ တာရာမင်းဝေ

ကလူ ..... ကလူ လို့ ငါ့ကိုဘယ်သူချော့ရဲသလဲ တကယ်တော့ ချော့တယ်ဆိုတာ ပျော့ပြောင်းစေလိုရုံတင် မကပါဘူး ဖြေသိမ့်ပေးတဲ့ သဘောလဲပါတယ် “ခရူး...ခရူး” တဲ့ မရဏမင်းက နှာမှုတ်သံနဲ့ ငါ့ကိုချော့ပြီ ခြောက်ခြားထိတ်လန့်စွာ.... ငါ....ကျေးဇူးတင်ပါတယ် သူ့ကိုမှ ခွင့်လွှတ်နားလည် နိုင်သေးရင် ကျန်တဲ့သူတွေကို ဘာမှပြောစရာမရှိဘူး မဟုတ်လား… နဂါးချော့ တေးသွားက နည်းနည်းတော့ခါးတာပေါ့လေ…။

မှတ်သားလိုက်နာနေတယ်..ဒီလို

**ပုံနှိပ်စာအုပ်၊ လောကစာအုပ်၊ စိတ်စာအုပ် သုံးမျိုးရှိတယ်တဲ့။ စိတ်ကို ဖတ်တတ်ဖို့ တစ်ခြားစာအုပ်တွေကို ဖတ်နေရတယ်။

**မသင့်တော်တဲ့ နေရာကို ရောက်ခဲ့ရင်တောင်မှ သင့်တော်တဲ့ အကျင့်တွေကိုတော့ မဖျောက်ပစ်ကြပါနဲ့လား။

**ပညာဆိုတာ ကောင်းပါတယ်။ ပညာရှိချင်တာလား? ပညာပြချင်တာလား? နည်းနည်းတော့ သတိထားပါဦး။

**လူကြီး ကလေး၊ ကလေး လူကြီး ၊ ကလေး ကလေး။ လူကြီး လူကြီး၊ လေးမျိုးရှိတယ်။ နေရာထက် အရည်အချင်းက အမြဲသာနေရင် ပိုကောင်းတာပေါ့။

**တစ်ဖက်သတ် ဆိုတာ .. တစ်ဖက်ကို 'သတ်'တာပါ..။ ဒါပေမယ့် နှစ်ဖက်စလုံး သေသွားပြီး ဆိုးကျိုးတွေဖြစ်လာမယ်..။

**သနားစရာကို သနားတာကောင်းတဲ့အလုပ်ပါ။ ဟန်ဆောင်တာကို မသိရင် လူညံ့ဖြစ်သွားပြီ။

ရနံ့များ

ရနံ.၁

တိမ်နံ့တသင်းသင်း ရယ်သံလွင်လွင်လေးက ကောင်းကင် မြေပြင် စုံလင်သက်ဝင်စွာ သစ်တော်သီးတစ်လုံးထဲမှာ သစ္စာတရားတွေ ထည့်ထားကြောင်း သူ့လက်ရေးဝိုင်းဝိုင်းလေးမှာ သံယောဇဉ်သိပ်သည်းဆတွေ ထူထပ်ကြောင်း ၀တ်ရည်အပြည့်နဲ့ ကိုင်းညွှတ်နေတဲ့ ပန်းကလေး လွမ်းတေးမဆိုတော့ပါ မျက်ရည် ဂီတ၊ အိပ်မပျော်သောညများ ရီပို့ကဒ်အမှတ်စာရင်းများနှင့် အတန်းရှေ့ထွက်ရပ်ရခြင်းများ ကျွန်တော့်ငယ်ဘ၀လေးကို ဆယ်ယူလိုက်တဲ့အခါ။

ရနံ.၂

မြေအောက်လှိုဏ်ခေါင်းတွေထဲ ကြွက်ကလေးများလို ကုပ်ချောင်းချောင်းလျှိုဝင် ထမင်းစားဖို့ အလုပ်လုပ်တယ် ငါတို့ကျောင်းပိတ်ရက်များ၊ သင်ရိုးညွှန်းတမ်းတွေထဲ ကြက်ကလေးများလို ရတတ်သမျှကျင်ယက်ယူငင် လူတစ်ယောက်ဖြစ်ဖို့ ပညာသင်တယ် ငါတို့ ကျောင်းဖွင့်ရက်များ။

ရနံ.၃

မုန့်ဖိုး တစ်ရက် ၅ကျပ် ကိုယ့်အထွာနဲ့ကိုယ်မို့ ဖြေတတ်ခဲ့ပါ၊ မာရီယိုမှို အသဲစွဲ တစ်နာရီ ၃၀ ရပ်ကွက်ထဲက ဂိမ်းဆိုင်ကလေး တစ်ပတ် ခြောက်ရက်မျှ ငေးနေရုံသာ။

ရနံ.၄

တစ်ဘ၀လုံး လင်းခဲ့ မိသားစုဖယောင်းတိုင်လေး ဘယ်တော့မှ မီးစာမကုန်ဘူး မြိန်မြိန်ယှက်ယှက် ထမင်းအနပ်တိုင်းမှာ ရင်ငွေ့နဲ့ အာငွေ့နဲ့ မိဘမေတ္တာထမင်းဆိုင်က မိုးအလင်း ၂၄နာရီ အရူးအမူးပဲ လမ်းတွေပေါ် အတင်းပြေးပြေးတက် ဆာလောင်မှုက ခရီးထွက်မယ်ဆိုတာချည်း ဆံရှည်ဂုတ်ဝဲနဲ့ နေလောင်အိပ်မက်နဲ့ တစ်မြို့တစ်ရွာ နာခဲ့ဖူးဖျားခဲ့ဖူး ကုန်းလမ်းရေလမ်း မှောက်ခဲ့ဖူးနစ်ခဲ့ဖူး သူ့မာနနဲ့သူ ပျော်ဝင်ကူးခတ်လို့ ချို့ချို့တဲ့တဲ့ ကြွယ်ဝခဲ့ဖူး အမေက အလွမ်းနဲ့မျှားယူလိုက်တဲ့အခါ အခန်းလေးထဲ အိမ်ရနံ့ဟာ တဇတ်ဇတ်ခုန်လို့ ဖျားတယ် ကိုယ်တစ်ယောက်ထဲ မိုးလင်းမိုးချုပ်။ (ညိမ်းညို)

"အကောင်းဆုံးဖြစ်ချင်ရင် သူတစ်ပါးထက် ပိုပေးဆပ်ရမယ်၊ ပိုစွန့်လွတ်ရမယ်"

Monday, August 15, 2011

နင် သိခဲ့ရင်...

No comments:

Post a Comment